Επιγράμματα Σαπφούς
Eπιγράμματα Συγγραφέας: |
Επιγράμματα[Επεξεργασία]
Τα παρακάτω αποσπάσματα αντιγράφηκαν από το Lyra Graeca του John Maxwell Edmonds (1922), αλλά παρουσιάζονται με τη σειρά που δίνεται από το Poetae lyrici Graeci του Theodorus Bergk.
Επίγραμμα 1[Επεξεργασία]
- εἰς Ἀφροδίτην
- Ποικιλόθρον᾽ ἀθάνατ᾽ Ἀφρόδιτα,
- παῖ Δίος δολόπλοκα, λίσσομαί σε·
- μή μ᾽ ἄσαισι μηδ᾽ ὀνίαισι δάμνα,
- πότυια, θῦμον,
- ἀλλὰ τυίδ᾽ ἔλθ᾽, αἴ ποτα κἀτέροττα
- τᾶς ἔμας αὔδως ἀΐοισα πήλυι
- ἔκλυες, πάτρος δὲ δόμον λίποισα
- χρύσιον ἦλθες
- ἄρμ᾽ ὐπασδεύξαισα, κάλω δέ σ᾽ ἆγον
- ὤκεε στρούθω προτὶ γᾶν μέλαιναν
- πύκνα δίννεντε πτέρ᾽ ἀπ᾽ ὀρράνω αἴθε-
- ρος διὰ μέσσω,
- αἶψα δ᾽ ἐξίκοντο· σὺ δ᾽, ὦ μάκαιρα,
- μειδιάσαισ᾽ ἀθανάτῳ προσώπῳ
- ἤρε᾽ ὄττι δηὖτε πέπονθα, κὤττι
- δηὖτε κάλημι,
- κὤττ᾽ ἔμῳ μάλιστα θέλω γένεσθαι
- μαινόλᾳ θύμῳ· 'τίνα δηὖτε πείθω
- καὶ σ᾽ ἄγην ἐς ϝὰν φιλότατα; τίς τ᾽, ὦ
- Ψάπφ᾽, ἀδικήει;
- καὶ γὰρ αἰ φεύγει, ταχέως διώξει,
- αἰ δὲ δῶρα μὴ δέκετ᾽, ἀλλὰ δώσει,
- αἰ δὲ μὴ φίλει, ταχέως φιλήσει
- κωὐκ ἐθέλοισα·'
- ἔλθε μοι καὶ νῦν, χαλέπαν δὲ λῦσον
- ἐκ μερίμναν, ὄσσα δέ μοι τέλεσσαι
- θῦμος ἰμμέρρει, τέλεσον, σὺ δ᾽ αὔτα
- σύμμαχος ἔσσο.
Επίγραμμα 2[Επεξεργασία]
- Φαίνεταί μοι κῆνος ἴσος θέοισιν
- ἔμμεν ὤνηρ, ὄττις ἐνάντιός τοι
- ἰζάνει, καὶ πλάσιον ἆδυ φωνεί-
- σας ὐπακούει
- καὶ γελαίσας ἰμμέροεν, τὸ δὴ ᾽μαν
- κάρζαν ἐν στήθεσσιν ἐπεπτόασεν·
- ὠς γὰρ ἔς τ᾽ ἴδω, Βρόχε᾽, ὤς με φώνας
- οὖδὲν ἔτ' ἴκει,
- ἀλλὰ κὰμ μὲν γλῶσσα ϝέαγε, λέπτον
- δ᾽ αὔτικα χρῷ πῦρ ὐπαδεδρόμακεν,
- ὀππάτεσσι δ' οὖδεν ὄρημ', ἐπιρρόμ-
- βεισι δ᾽ ἄκουαι,
- ἀ δέ μ᾽ ἴδρως κακχέεται, τρόμος δὲ
- παῖσαν ἄγρη, χλωροτέρα δὲ ποίας
- ἔμμι, τεθνάκην δ᾽ ὀλίγω ᾽πιδεύϝην
- φαίνομαι·—ἀλλὰ
- πάντ<α νῦν τ>ολμάτε᾽, ἐπεὶ πένησα.
Επίγραμμα 3[Επεξεργασία]
- Ἄστερες μὲν ἀμφὶ κάλαν σελάνναν
- ἂψ ἀπυκρύπτοισι φάεννον εἶδος,
- ὄπποτα πλήθοισα μάλιστα λάμπησ᾽
- ἀργυρία γᾶν.
Επίγραμμα 4[Επεξεργασία]
- ...ἀμφὶ δ᾽ ὔδωρ
- ψῦχρον <ὤνεμος> κελάδει δι᾽ ὔσδων
- μαλίνων, αἰθυσσομένων δὲ φύλλων
- κῶνμα κατάρρει·
Επίγραμμα 5[Επεξεργασία]
- εἰς Ἀφροδίτην
- ...ἔλθε, Κύπρι,
- χρυσίαισιν ἐν κυλίκεσσιν ἄβραις
- συμμεμείγμενον θαλίαισι νέκταρ
- οἰνοχόεισα
- τοῖς ἐταίροις τοίσδεσ᾽ ἔμοις τε καὶ σοῖς·...
Επίγραμμα 6[Επεξεργασία]
- εἰς Ἀφροδίτην
- Αἴ σε Κύπρος καὶ Πάφος ἢ Πάνορμος...
Επίγραμμα 7[Επεξεργασία]
- σοὶ δ᾽ ἔγω λεύκας ἐπὶ δᾶμον αἶγος
- <πίονα καύσω>,
Επίγραμμα 8[Επεξεργασία]
- κἀπιλείψω τοι...
Επίγραμμα 9[Επεξεργασία]
- εἰς Ἀφροδίτην
- Αἴθ᾽ ἔγω, χρυσοστέφαν᾽ Ἀφρόδιτα,
- τόνδε τὸν πάλον λαχόην...
Επίγραμμα 10[Επεξεργασία]
- αἴ με τιμίαν ἐπόησαν ἔργα
- τὰ σφὰ δοῖσαι...
Επίγραμμα 11[Επεξεργασία]
- ...τάδε νῦν ἐταίραις
- ταῖς ἔμαισι τέρπνα κάλως ἀείσω.
Επίγραμμα 12[Επεξεργασία]
- ...ὄττινας γὰρ
- εὖ θέω, κῆνοι με μάλιστα σίννον-
- ται...
Επίγραμμα 13[Επεξεργασία]
- πρὸς Ἀνακτορίαν
- Οἰ μὲν ἰππήων στρότον οἰ δὲ πέσδων
- οἰ δὲ νάων φαῖσ᾽ ἐπὶ γᾶν μέλαιναν
- ἔμμεναι κάλιστον· ἔγω δὲ κῆν᾽ ὄτ-
- τω τις ἔραται.
- πάγχυ δ᾽ εὔμαρες σύνετον πόησαι
- πάντι τοῦτ᾽· ἀ γὰρ πόλυ περσκόπεισα
- κάλλος ἀνθρώπων Ἐλένα τὸν ἄνδρα
- [κρίννε κάλ]ιστον
- [ὂς τὸ πὰν] σέβας Τροΐας ὄλεσσε,
- [κωὐδὲ πα]ῖδος οὐδὲ φίλων τοκήων
- [μᾶλλον] ἐμνάσθη, ἀλλὰ παράγαγ᾽ αὔταν
- [πῆλε φίλει]σαν
- [Ὠρος· εὔκ]αμπτον γὰρ [ἀεὶ τὸ θῆλυ]
- [αἴ κέ] τις κούφως τ[ὸ πάρον ν]οήση·
- [ἄμ]με νυν̣, Ϝανακτορί[α, τὺ] μέμναι-
- [σ᾽ οὐ] παρεοίσαις,
- [τᾶ]ς κε βολλοίμαν ἔρατόν τε βᾶμα
- κἀμάρυγμα λάμπρον ἴδην προσώπω
- ἢ τὰ Λύδων ἄρματα κἀν ὄπλοισι
- [πεσδομ]άχεντας·
- [εὖ μὲν ἴδ]μεν οὐ δύνατον γένεσθαι
- [λῷστ᾽] ὂ̣ν ἀνθρώποις· πεδέχην δ᾽ ἄρασθαι
- [τῶν πέδηχόν ἐστι βρότοισι λῷον]
- [ἢ λελάθεσθαι.]
Επίγραμμα 14[Επεξεργασία]
- ταῖς κάλαισ᾽ ὔμμιν <τὸ> νόημα τὦμον
- οὐ διάμειπτον.
Επίγραμμα 15[Επεξεργασία]
- [...]λαν· ἔγων δ᾽ ἔμ᾽ αὔτᾳ
- τοῦτο σύνοιδα·
- ...
Επίγραμμα 16[Επεξεργασία]
- ταῖσι <δὲ> ψαῦκρος μὲν ἔγεντο θῦμος,
- πὰρ δ᾽ ἴεισι τὰ πτέρα...
Επίγραμμα 17[Επεξεργασία]
- ...κατ᾽ ἔμον στέλεγμον·
- τὸν δ᾽ ἐπιπλάζοντ᾽ ἄνοαι φέροιεν
- καὶ μελέδωναι.
Επίγραμμα 18[Επεξεργασία]
- Ἀρτίως μ᾽ ἀ χρυσοπέδιλλος αὔως
- <ἦλθε καὶ>...
Επίγραμμα 19[Επεξεργασία]
- ...πόδας δὲ
- ποίκιλος μάσλης ἐπέτεννε, Λύδι-
- ον κάλον ἔργον.
Επίγραμμα 20[Επεξεργασία]
- ...παντοδάπαις μεμειγμέ-
- να χροΐαισιν
Επίγραμμα 21[Επεξεργασία]
- ...ἔμεθεν δ᾽ ἔχεισθα λάθαν.
Επίγραμμα 22[Επεξεργασία]
- ...ἢ τίν᾽ ἄλλον
- <μᾶλλον> ἀνθρώπων ἔμεθεν φίλησθα;
Επίγραμμα 23[Επεξεργασία]
- καὶ ποθήω καὶ μάομαι
Επίγραμμα 24[Επεξεργασία]
- οὔ τι μ᾽ ὔμμες...
Επίγραμμα 25[Επεξεργασία]
- ἆς θέλετ᾽ ὔμμες...
Επίγραμμα 27[Επεξεργασία]
- σκιδναμένας ἐν στήθεσιν ὄργας
- γλῶσσαν μαψυλάκαν πεφύλαχθε.
Επίγραμμα 28[Επεξεργασία]
- πρὸς Ἀλκαῖον
- αἰ δ᾽ ἦχες ἔσλων ἴμμερον ἢ κάλων
- καὶ μή τι ϝείπην γλῶσσ᾽ ἐκύκα κάκον,
- αἴδως κεν οὐκί σ᾽ ἦχεν ὄππατ᾽,
- ἀλλ᾽ ἔλεγες περὶ τῶ δικαίως.
Επίγραμμα 29[Επεξεργασία]
- ὄσταθι κἄντα <θᾶ με φίλαν> φίλος
- καὶ τὰν ἐπ᾽ ὄσσοισ᾽ ὀμπέτασον χάριν.
Επίγραμμα 30[Επεξεργασία]
- χρύσειοι <δ᾽> ἐρέβινθοι ἐπ᾽ άϊόνων ἐφύοντο.
Επίγραμμα 31[Επεξεργασία]
- Λάτω καὶ Νιόβα μάλα μὲν φίλαι ἦσαν ἔταιραι...
Επίγραμμα 32[Επεξεργασία]
- Μνάσεσθαί τινά φαιμ᾽ ὔστερον ἀμμέων·
Επίγραμμα 33/34[Επεξεργασία]
- Ἠράμαν μὲν ἔγω σέθεν, Ἄτθι, πάλαι ποτά,
- [ἆς ἔμ᾽ ἀνθεμόεσσ᾽ ἔτι παρθενία σὺ δὲ]
- σμίκρα μοι πάϊς ἔμμεν ἐφαίνεο κἄχαρις.
Επίγραμμα 35[Επεξεργασία]
- ἀλλ᾽ ὂν μὴ μεγαλύννεο δακτυλίω πέρι.
Επίγραμμα 36[Επεξεργασία]
- Οὐκ οἶδ᾽ ὄττι θέω· δύο μοι τὰ νοήματα...
Επίγραμμα 37[Επεξεργασία]
- ψαύην δ᾽ οὐ δοκίμοιμ᾽ ὀράνω ἔσσα διπάχεα.
Επίγραμμα 38[Επεξεργασία]
- ὠς δὲ πάϊς πεδὰ μάτερα πεπτερύγωμαι.
Επίγραμμα 39[Επεξεργασία]
- ἦρος ἄγγελος ἰμμερόφωνος ἀήδω
Επίγραμμα 40[Επεξεργασία]
- Ἔρος δαὖτέ μ᾽ ὀ λυσιμέλης δόνει
- γλυκύπικρον ἀμάχανον ὄρπετον,
Επίγραμμα 41[Επεξεργασία]
- Ἄτθι, σοὶ δ᾽ ἔμεθεν μὲν ἀπήχθετο
- φροντίσδην, ἐπὶ δ᾽ Ἀνδρομέδαν πότῃ.
Επίγραμμα 43[Επεξεργασία]
- ...ὄτα πάννυχος ἄσφι κατάγρει
- [ὄππατ᾽ ἄωρος]...
Επίγραμμα 44[Επεξεργασία]
- ...χερρόμακτρα δὲ κὰγ γενύων
- πορφύρα καταρτᾰμένα, τὰ Τῖμας
- εἴς <τ᾽> ἔπεμψ᾽ ἀπὺ Φωκάας,
- δῶρα τίμια· ...
Επίγραμμα 45[Επεξεργασία]
- Ἄγε δῖα χέλυννά μοι
- φωνάεσσά τε γίγνεο·
Επίγραμμα 46[Επεξεργασία]
See #Edmonds 83.
Επίγραμμα 47[Επεξεργασία]
- Γέλλως παιδοφιλωτέρα·
Επίγραμμα 48[Επεξεργασία]
- ...μάλα δὴ κεκορημένοις
- Γόργως...
Επίγραμμα 49[Επεξεργασία]
See below.
Επίγραμμα 50[Επεξεργασία]
- ..ἔγω δ᾽ ἐπὶ μαλθάκαν
- τύλαν ὀσπολέω μέλε(α)...
Επίγραμμα 51[Επεξεργασία]
- κῆ δ᾽ ἀμβροσίας μὲν κράτηρ ἐκέκρατο,
- Ἔρμαις δ᾽ ἔλεν ὄλπιν θέοισ᾽ οἰνοχόησαι.
- κῆνοι δ᾽ ἄρα πάντες καρχήσι᾽ ὄνηχον
- κἄλειβον, ἀράσαντο δὲ πάμπαν ἔσλα γάμβρῳ.
Επίγραμμα 52[Επεξεργασία]
- Δέδυκε μὲν ἀ σέλαννα
- καὶ Πληΐαδες, μέσαι δὲ
- νύκτες, παρὰ δ᾽ ἔρχετ᾽ ὦρα,
- ἔγω δὲ μόνα κατεύδω.
Επίγραμμα 53[Επεξεργασία]
- πλήρης μὲν ἐφαίνετ᾽ ἀ σέλαννα,
- αἰ δ᾽ ὠς περὶ βῶμον ἐστάθησαν...
Επίγραμμα 54[Επεξεργασία]
- Κρῆσσαι νύ ποτ᾽ ὦδ᾽ ἐμμελέως πόδεσσιν
- ὤρχηντ᾽ ἀπάλοισ᾽ ἀμφ᾽ ἐρόεντα βῶμον,
- πόας τέρεν ἄνθος μάλακον ματεῖσαι.
Επίγραμμα 55[Επεξεργασία]
- Ἄβρα δηὖτ᾽ ἐπ᾽ ἄγκ᾽ ἆς πάλαι ἀλλόμαν.
Επίγραμμα 56[Επεξεργασία]
- Φαῖσι δή ποτα Λήδαν ὐακίνθινον
- πεπυκάδμενον ὤϊον
- εὔρην...
Επίγραμμα 57[Επεξεργασία]
- ...ὀφθάλμοις δὲ μέλαις χύτο νύκτος ἄωρος.
Επίγραμμα 58[Επεξεργασία]
- Ἔχει μὲν Ἀνδρομέδα κάλαν ἀμοίβαν...
Επίγραμμα 59[Επεξεργασία]
- Ψάπφοι, τί τὰν πολύολβον Ἀφροδίταν
- [ἀτίμασας;...]
Επίγραμμα 60[Επεξεργασία]
- εἰς τὰς Χάριτας καὶ τὰς Μούσας
- Δεῦτέ νῠν ἄβραι Χάριτες καλλίκομοί τε Μοῖσαι.
Επίγραμμα 61[Επεξεργασία]
- ...πάρθενον ἀδύφωνον
Επίγραμμα 62[Επεξεργασία]
- κατθναίσκει, Κυθέρη᾽, ἄβρος Ἄδωνις· τί κε θεῖμεν;
- καττύπτεσθε, κόραι, καὶ κατερείκεσθε χίτωνας.
Επίγραμμα 63[Επεξεργασία]
- ὦ τὸν Ἄδωνιν.
Επίγραμμα 64[Επεξεργασία]
- ...ἔλθοντ᾽ ἐξ ὀράνω πορφυρίαν προιέμενον χλάμυν.
Επίγραμμα 65[Επεξεργασία]
- εἰς τὰς Χάριτας
- Βροδοπάχεες ἄγναι Χάριτες δεῦτε Δίος κόραι.
Επίγραμμα 66[Επεξεργασία]
- ὀ δ᾽ Ἄρευς φαῖσί κεν Ἄφαιστον ἄγην βίᾳ.
Επίγραμμα 67[Επεξεργασία]
- <Ἕκτορος καὶ Ἀνδρομάχης γάμοι>
- ...Κύπρο.[...]
- κᾶρυξ ἦλθ[ε] θό[ων ουνάμι μ]ελέ[ων] ἔθεις
- Ἰδάοις τάδε κ[ᾶ]λα φ[όρ]εις τάχυς ἄγγελος
- ...
- τᾶς τ᾽ ἄλλας Ἀσίας τ[ά]δ᾽ ἔσαν κλέος ἄφθιτον.
- 'Ἔκτωρ κοἰ συνέταιροι ἄγοισ᾽ ἐλικώπιδα
- Θήβας ἐξ ἰάρας Πλακίας τ᾽ ἀπ᾽ ἀϊνάω
- ἄβραν Ἀνδρομάχαν ἐνὶ ναῦσιν ἐπ᾽ ἄλμυρον
- πόντον· πόλλα δ᾽ [ἐλί]γματα χρύσια κἄμματα
- πορφύρ[α] λία τ᾽ αὖ τ[ρό]να, ποίκιλ᾽ ἀθρήματα,
- ἀργύρ[α τ᾽] ἀνάριθμα ποτήρια κἀλέφαις.'
- ὢς εἶπ᾽· ὀτραλέως δ᾽ ὀνόρουσε πάτ[ηρ] φίλος,
- φάμα δ᾽ ἦλθε κατὰ πτόλιν εὐρύχορον Ϝίλω.
- αὔτικ᾽ Ἰλιάδαι σατίναις ὐπ᾽ ἐϋτρόχοις
- ἆγον αἰμιόνοις, ἐπέβαινε δὲ παῖς ὄχλος
- γυναίκων τ᾽ ἄμα παρθενίκαν τε τανυσφύρων·
- χῶρις δ᾽ αὖ Περάμοιο θύγατρες [ἐπήϊσαν.]
- ἴππ[οις] δ᾽ ἄνδρες ὔπαγον ὐπ᾽ ἄρ[ματα, σὺν δ᾽ἴσαν]
- π[άντ]ες ἀΐθεοι· μεγάλωστι δ᾽ [ἴεν μέγας]
- δ[ᾶμος] κἀνίοχοι φ[αλάροισ]ι̣ [κεκαδμέναις]
- π[ώλοις ἐ]ξαγο[ν...]
- ...
- [ὄτα δεὖτ᾽ ὀχέων ἐπέβαν ἰ]κελοι θέοι[ς]
- [Ἔκτωρ Ἀνδρομάχα τε, σύν]αγνον ἀόλ[λεες]
- [Τρῶες Τρωΐαδες τ᾽ ἐρ 'τεν]νον ἐς Ἴλιο[ν.]
- [...]τον ἐμίγνυ[σαν]
- [...] ὠς δ᾽ ἄρα πάρ[θενοι]
- [...]νεδε...
- ...
- [...]φ[.]α.[.]ο[ν εὐ]ρυεδε[..]..εακ[.].[
- [... κα]ὶ κασία λίβανός τ᾽ ὀνελίχνυτο.
- γύναικες δ᾽ ἐλέλυσδον ὄσαι προγενέστεραι
- πάντες δ᾽ ἄνδρες ἐπήρατον ἴαχον ὄρθιον
- πάων᾽ ὀγκαλέοντες ἐκάβολον εὐλύραν
- ὔμνην δ᾽ Ἔκτορα κ᾽Ανδρομάχαν θεοεικέλο[ις.]
- (Σαφ[ο]ὺς μέλη)
Επίγραμμα 68[Επεξεργασία]
- κατθάνοισα δὲ κείσεαι οὐδέ τινι μναμνοσύνα σέθεν
- ἔσσετ᾽ οὐδέποτ᾽ <εἰς> ὔστερον· οὐ γὰρ πεδέχεις βρόδων
- τῶν ἐκ Πιερίας, ἀλλ᾽ ἀφάνης κἠν Ἀΐδα δόμοις
- φοιτάσεις πεδ᾽ ἀμαύρων νεκύων ἐππεποταμένα.
Επίγραμμα 69[Επεξεργασία]
- οὔδιαν δοκίμωμι προσίδοισαν φά?? ἀλίω
- ἔσσεσθαι σοφίᾳ πάρθενον εἰς οὔδενά ποι χρόνον
- τοιαύταν...
Επίγραμμα 70[Επεξεργασία]
- ...τίς δὲ
- ἀγροίωτις ᾰγροίωτιν ἐπεμμένα
- σπόλαν <τέον> θαλύει νόον,
- οὐκ ἐπισταμένα τὰ βράκε᾽ ἔλκην ἐπὶ τω σφύρων;
Επίγραμμα 71[Επεξεργασία]
- Ἤρων ἐξεδίδάξ᾽ ἐγ Γυάρων τὰν ἀνυόδρομον·
Επίγραμμα 72[Επεξεργασία]
- ...ἀλλά τις οὐκ ἔμμι παλίγκοτος
- ὄργαν, ἀλλ᾽ ἀβάκην τὰν φρέν᾽ ἔχω...
Επίγραμμα 73[Επεξεργασία]
- αἴ τ᾽ ὄρααι στεφαναπλόκην.
Επίγραμμα 74[Επεξεργασία]
- <Ω Ψάμφοι>, σύ τε κἄμος θεράπων Ἔρος
Επίγραμμα 75[Επεξεργασία]
- ...ἀλλ᾽ ἔων φίλος ἄμμιν
- λέχος ἄρνῠσο νεώτερον·
- οὐ γὰρ τλάσομ᾽ ἔγω συνοί-
- κην νέῳ ἔσσα γεραιτέρα.
Επίγραμμα 76[Επεξεργασία]
- πρὸς Μνησιδίκην
- Εὐμορφοτέρα Μνασιδίκα τᾶς ἀπάλας Γυρίννως
Επίγραμμα 77[Επεξεργασία]
- εἰς Εἰρήνην
- Ἀσαροτέρας οὐδαμά ποι Εἴρηνα σέθεν τύχοισα...
Επίγραμμα 78[Επεξεργασία]
- πρὸς Μνησιδίκην
- σὺ δὲ στεφάνοις, ὦ Δίκα, πέρθεσσ᾽ ἐράταις φόβαισιν
- ὄρπακας ἀνήτοιο συνέρραισ᾽ ἀπάλαισι χέρσιν·
- ταὐάνθεα γὰρ <παρ>πέλεται καὶ Χάριτας μάκαιρα<ς>
- μᾶλλον προτόρην· ἀστεφανώτοισι δ᾽ ἀπυστρέφονται.
Επίγραμμα 79[Επεξεργασία]
- ...ἔγω δὲ
- φίλημ᾽ ἀβροσύναν, καί μοι τὸ λάμπρον
- ἔρος ἀελίω καὶ τὸ κάλον λέλογχε·
Επίγραμμα 80[Επεξεργασία]
- ...ὀ πλοῦτος <δ᾽> ἄνευ ἀρέτας
- οὐκ ἀσίνης πάροικος·
- ἀ δὲ κρᾶσις ἀμφοτέρων
- δαιμονίαν ἄκραν ἔχει·
Επίγραμμα 81[Επεξεργασία]
- καίναν μέν τε τύλαν κατὰ σὰ σπολέω μέλεα·
Επίγραμμα 82[Επεξεργασία]
- αὐτὰ δὲ σύ, Καλλιόπα...
Επίγραμμα 83[Επεξεργασία]
- Δαύοις ἀπάλας ἐτάρας ἐν στήθεσιν
Επίγραμμα 84[Επεξεργασία]
- εἰς τὰς Μούσας
- Δεῦρο δηὖτε, Μοῖσα, χρύσιον λίποισαι
- [δῶμα]...
Επίγραμμα 85[Επεξεργασία]
- πρὸς Κλῆϊν
- Ἔστι μοι κάλα πάϊς χρυσίοισιν ἀνθέμοισιν
- ἐμφέρην ἔχοισα μόρφαν, Κλεῦις ἀγαπάτα,
- ἀντὶ τᾶς ἔγω οὐδὲ Λυδίαν παῖσαν οὐδ᾽ ἐράνναν
- [Λέσβον ἀγρέην κε]...
Επίγραμμα 86[Επεξεργασία]
- ...πόλλα μοι τὰν
- πολλυανάκτιδα παῖδα χαίρην·
Επίγραμμα 87[Επεξεργασία]
- Διελεξάμαν ὄναρ Κυπρογενήᾳ·
Επίγραμμα 88[Επεξεργασία]
- Τί με Πανδίονις ὄρραννα χελίδω...;
Επίγραμμα 89[Επεξεργασία]
- ἀμφὶ δ᾽ ἄβροις λασίοισ᾽ εὖ ϝ᾽ ἐπύκασσε...·
Επίγραμμα 90[Επεξεργασία]
- Γλύκηα μᾶτερ, οὔ τοι δύναμαι κρέκην τὸν ἰστον
- πόθῳ δάμεισα παῖδος βραδίνω δι᾽ Ἀφροδίταν.
Επίγραμμα 91[Επεξεργασία]
- Ἴψοι δὴ τὸ μέλαθρον
- Υ̓μήνᾰον,
- ἄερρατε, τέκτονες ἄνδρες,
- Υ̓μήναον·
- γάμβρος ϝίσσος Ἄρευϊ,
- <Υ̓μήναον,>
- ἄνδρος μεγάλω πόλυ μείζων,
- <Υ̓μήναον,>
- πέρροχος ὠς ὄτ᾽ ἄοιδος
- <Υ̓μήναον,>
- ὀ Λέσβιος ἀλλοδάποισιν,
- <Υ̓μήναον·>
Επίγραμμα 93[Επεξεργασία]
- οἶον τὸ γλυκύμαλον ἐρεύθεται ἄκρῳ ἐπ᾽ ὔσδῳ
- ἄκρον ἐπ᾽ ἀκροτάτῳ, λελάθοντο δὲ μαλοδρόπηες.
- οὐ μὰν ἐκλελάθοντ᾽, ἀλλ᾽ οὐκ ἐδύναντ᾽ ἐπίκεσθαι·
Επίγραμμα 94[Επεξεργασία]
- οἴαν τὰν ὐάκινθον ἐν ὄρρεσι ποίμενες ἄνδρες
- πόσσι καταστείβοισι, χάμαι δ᾽ ἔτι πορφύρα ἄνθη.
Επίγραμμα 95[Επεξεργασία]
- Ἔσπερε πάντα φέρων, ὄσα φαίνολις ἐσκέδασ᾽ αὔως,
- φέρεις ὄϊν,
- φέρεις αἶγα, φέρεις ἀπὺ ϝὸν μάτερι παῖδα.
Επίγραμμα 96[Επεξεργασία]
- ἀϊπάρθενος ἔσσομαι·
Επίγραμμα 97[Επεξεργασία]
- Δώσομεν, ἦσι πάτηρ,
Επίγραμμα 98[Επεξεργασία]
- Θυρώρω πόδες ἐπτορόγυιοι,
- τὰ δὲ σάμβαλα πεμπεβόηα
- πέσσυγγοι δὲ δέκ᾽ ἐξεπόνασαν·
Επίγραμμα 99[Επεξεργασία]
- Ὄλβιε γάμβρε, σοὶ μὲν δὴ γάμος, ὠς ἄρᾱο
- ἐκτετέλεστ᾽, ἔχεις δὲ πάρθενον, ἂν ἄραο·
Επίγραμμα 100[Επεξεργασία]
- μελλίχιος δ᾽ ἐπ᾽ ἰμμέρτῳ κέχυται προσώπῳ...
Επίγραμμα 101[Επεξεργασία]
- ὀ μὲν γὰρ κάλος <εἲς κάλος> ὄσσον ἴδην πέλει,
- ὀ δὲ κἄγαθος αὔτικα καὶ κάλος ἔσσεται...
Επίγραμμα 102[Επεξεργασία]
- ἦρ᾽ ἔτι παρθενίας ἐπιβάλλομαι;
Επίγραμμα 103[Επεξεργασία]
- χαίροι τ᾽ ᾰ̓ νύμφᾰ, χαιρέτω τ᾽ ὀ γάμβρος·
Επίγραμμα 104[Επεξεργασία]
- Τίῳ σ᾽, ὦ φίλε γάμβρε, κάλως ἐϊκάσδω;
- ὄρπακι βραδίνῳ σε κάλιστ᾽ ἐϊκάσδω.
Επίγραμμα 105[Επεξεργασία]
- ...χαῖρε, νύμφα,
- χαῖρε, τίμιε γάμβρε, πόλλα.
Επίγραμμα 106[Επεξεργασία]
- οὐ γὰρ ἦν ἀτέρα πάϊς, ὦ γάμβρε, τοαύτα·
Επίγραμμα 107[Επεξεργασία]
- τεσσεραμήνιον
Επίγραμμα 108[Επεξεργασία]
- ὦ τὸν Ἀδώνιον.
Επίγραμμα 109[Επεξεργασία]
- Παρθενία, παρθενία, ποῖ με λίποισ᾽ ἀποίχῃ;
- Οὐκέτι, νύμφα, προτὶ σ᾽ ἴξω, προτὶ σ᾽ οὐκέτ᾽ ἴξω.
Επίγραμμα 110[Επεξεργασία]
- Ἆλλα, μὴ κάμπτε στέραν φρένα...
Επίγραμμα 111[Επεξεργασία]
- φαίνεταί ϝοι κῆνος...
Επίγραμμα 112[Επεξεργασία]
- ὠΐω πόλυ λευκότερον...
Επίγραμμα 113[Επεξεργασία]
- Μήτ᾽ ἔμοι μέλι μήτε μελίσσαις·
Επίγραμμα 114[Επεξεργασία]
- μὴ κίνη χέραδας.
Επίγραμμα 115[Επεξεργασία]
- ...ὄπταις ἄμμε...
Επίγραμμα 116[Επεξεργασία]
- ἠμιτύβιον στέλασσον·
Επίγραμμα 117[Επεξεργασία]
- τὸν ϝὸν παῖδα κάλει·
Επίγραμμα 118[Επεξεργασία]
- εἰς παῖδα ἀνώνυμον
- Παῖς ἔτ᾽ ἄφωνος ἔοισα τόρ᾽ ἐννέπω αἴ τις ἔρηται
- φώναν ἀκαμάταν κατθεμένα πρὸ πόδων·
- Αἰθοπίᾳ με κόρᾳ Λάτως ὀνέθηκεν Ἀρίστω
- Ἐρμοκλειταία τῶ Σαϋναϊάδα
- σὰ πρόπολος, δέσποινα γυναίκων· ᾆ σὺ χάρεισα
- πρόφρων ἀμμετέραν ἐυκλέϊσον γενίαν.
Επίγραμμα 119[Επεξεργασία]
- εἰς Τιμάδα
- Τίμαδος ἄδε κόνις, τὰν δὴ πρὸ γάμοιο θάνοισαν
- δέξατο Φερσεφόνας κυάνιος θάλαμος,
- ἆς καὶ ἀπυφθιμένας παῖσαι νεόθαγι σιδάρῳ
- ἄλικες ἰμμέρταν κρᾶτος ἔθεντο κόμαν.
Επίγραμμα 120[Επεξεργασία]
- εἰς Πελάγωνα
- Τῷ γρίππει Πελάγωνι πάτηρ ἐπέθηκε Μένισκος
- κύρτον καὶ κώπαν, μνᾶμα κακοζοΐας.
Επίγραμμα 122[Επεξεργασία]
- ...πόλυ πάκτιδος ἀδυμελεστέρα,
- χρύσω χρυσοτέρα...
Επίγραμμα 125[Επεξεργασία]
- ἀλγεσίδωρον
- μυθόπλοκον
Επίγραμμα 133[Επεξεργασία]
- εἰς Ἔσπερον
- Ἀστέρων πάντων ὀ κάλιστος...
Επίγραμμα 136[Επεξεργασία]
- οὐ γὰρ θέμις ἐν μοισοπόλῳ οἰκίᾳ
- θρῆνον θέμεν· οὐκ ἄμμι πρέπει τάδε.
Επίγραμμα 149[Επεξεργασία]
- ἄκακος·
Επίγραμμα 150[Επεξεργασία]
- ἀμαμάξυδες
Επίγραμμα 151[Επεξεργασία]
- ἀμάρα·
Επίγραμμα 152[Επεξεργασία]
- αὖα
Επίγραμμα 153[Επεξεργασία]
- Πότνι᾽ αὔως...·
Επίγραμμα 155[Επεξεργασία]
- βεῦδος,
Επίγραμμα 156[Επεξεργασία]
- γρύταν
Επίγραμμα 158[Επεξεργασία]
- ζάβατον
Επίγραμμα 159[Επεξεργασία]
- ἀγαγοίην
Επίγραμμα 162[Επεξεργασία]
- Μήδεϊα
Επίγραμμα 163[Επεξεργασία]
- μύρραν
Επίγραμμα 164[Επεξεργασία]
- Μοισάων
Επίγραμμα 165[Επεξεργασία]
- νίτρον·
Επίγραμμα 166[Επεξεργασία]
- πολυΐδριδι,
Επίγραμμα 167[Επεξεργασία]
- σκύθαρρον.
Επίγραμμα 168[Επεξεργασία]
- Τίοισιν ὀφθάλμοισιν...;
Επίγραμμα 169[Επεξεργασία]
- χέλυννα
Επιπλέον αποσπάσματα[Επεξεργασία]
Τα παρακάτω αποσπάσματα από το Lyra Graeca δεν ήταν παρόντα στο Poetae lyrici Graeci.
Edmonds 34[Επεξεργασία]
- [...]θε θῦμον
- [...]μι πάμπαν
- [...] δύναμαι
- [...]
- [...]ας κεν ἦ μοι
- [...]ς̣ ἀντιλάμπην
- [... κά]λον πρόσωπον
- [...]
- [... ἐ]γχροΐσθεις
- [...]'[...]ρος̣
Edmonds 35[Επεξεργασία]
- [πρὸς Χάραξον]
- [...]δώσην.
- [αἰ κλ]ύτων μέν τ᾽ ἐπ[πότεαι μεδ᾽ ἄνδρων]
- [κωὐ κ]άλων κἄσλων, ἐ[νέπεις δὲ χαίρην]
- [τοὶς φι]'λοις, λύπης τέ μ[ε σοὶ γένεσθαι]
- [φαὶς ἔ]μ᾽ ὄνειδος,
- [ἦτορ] οἰδήσαις, ἐπὶ τα̣[ῦτ᾽ ἀρέσκεο]
- [καρδι]άν· ἄσαιο· τὸ γὰρ ν̣[όημα]
- [τὤ]μον οὐκ οὔτω μ[αλάκως χόλᾳ παί-]
- [δων] διάκηται·
- [ἀλλὰ μὴ δό̣αζε· [γέροντας ὄρνις]
- [οὐκ ἄγρη βρό]χις· συνίημ[᾽ ἔγω σε]
- [οἶ πρὶν ἐσπό]λ̣ης κακότατο[ς, οἴῳ]
- [δ᾽ ἀντετέθη]μεν
- [δαΐῳ. σὺ δ᾽ ὦ]ν ἀτέραις με[μήλων]
- [λῳόνων τίθ]η φρένας· εὔ[κολον γὰρ]
- [νῶν τράφοισ]α τοὶς μάκα[ρας σάφ᾽ οἶδ᾽ ἔ-]
- [μοι παρέοντας.]
Edmonds 36[Επεξεργασία]
- εἰς Νηρηΐδας
- [Χρύσιαι] Νηρήϊδες, ἀβλάβη[ν μοι]
- [τὸν κασί]γνητον δότε τυίδ᾽ ἴκεσθα[ι,]
- [κἂ μὲν] ᾦ θύμῳ κε θέλη γένεσθαι,
- [ταῦτα τε]λέσθην·
- [ὄσσα δὲ πρ]όσθ᾽ ἄμβροτε, πάντα λῦσα[ι,]
- [καὶ φίλοι]σι ϝοῖσι χάραν γένεσθαι
- [καὶ δύαν ἔ]χθροισι· γένοιτο δ᾽ ἄμμι
- [δύσκλεα μ]ήδεις.
- [τὰν κασιγ]νήταν δὲ θέλοι πόησθα[ι]
- [ἔμμορον] τίμας· ὀνίαν δὲ λύγραν
- [καὶ λόγοις] ὄτοισι πάροιθ᾽ ἀχεύων
- [ἄμμον ἐδά]μ̣να
- [κῆρ ὄνειδο]ς̣ εἰσαΐων τό κ᾽ ἐν χρῷ
- [κέρρεν, ἀλ]λ᾽ ἐπ᾽ ἀγ[λαΐ]ᾳ πολίταν
- [ἀββάλην ἄ]λλως, [ὄτα] νῆ κε δαῦτ᾽ οὖ-
- [δεν διὰ μά]κρω·
- [καὶ συνάορ]ον, αἴ κ[ε θέλη, ἀξίοι]σι
- [ἐν λέχεσσ᾽ ἔ]χ̣ην· σὺ [δέ], κύνν[᾽ ἔ]ρε[μ]να,
- [ρῖνα πρὸς γάᾳ] θεμ[έν]α κακάν[θην]
- [ἄλλα πεδάγρ]η.
Edmonds 37[Επεξεργασία]
- [πρὸς Χάραξον]
- ...Κύπρι, καί σε πι[κροτέρ]αν ἔπευρε·
- οἰ δὲ καυχάσαντο τόδ᾽ ἔννέ[ποντες·]
- 'Δωρίχα τὸ δεύτερον ὠς πόθε[ννον]
- [εἰς] ἔρον ἦλθε.'
Edmonds 65[Επεξεργασία]
- [...] ἀλλ᾽ ἄγιτ᾽, ὦ φίλαι,
- [ἀοίδας ἀπυλήξομεν], ἄγχι γὰρ ἀμέρα.
- (Σα[φοῦς μ]ε[λῶν (β′)])
Edmonds 82[Επεξεργασία]
- [πρὸς Ἄτθιδα?]
- ...'Ψάπφ᾽, ἦ μὰν οὔτως ἔγω οὔ σε φιλήσω.
- ὦ φαῖν᾽ ἄμμι, κἠξ εὔναν λυῖε τέαν
- πεφιλημμ[έν]αν ἴσχυν, ὔδατι δὲ
- κρίνον [ὠς ἀ]κήρατον παρὰ κράναν
- πέπλον Χῖον ἀπύσχοισα λούεο·
- καὶ Κλεῖϊς σάων καβφέροισα γρῠταν
- κροκόεντα λώπεά σ᾽ ἐββάλη καὶ
- πέπλον πορφύριον· κἀββεβλημμένᾳ
- χλαίνᾳ πέρ σ᾽ ἐξ[ακ]ρισάντων ἄνθινοι
- στέφανοι περ[ὶ κρᾶτά σοι] δέθεντες,
- κἄλθ᾽ ὄσᾳ μαίν[ης μ᾽ ἄδεα καλλ]όνᾳ.
- φρῦσσον, ὦ Πρα[ξίνω, κάρ]υ᾽ ἄμμιν, ὠς
- παρθένων πό[τον ἀδίω π]οήσω·
- ἔκ τινος γὰρ θέων [ταῦτ᾽ ἄ]μμι, τέκνον·
- ἦ μὰν τᾷδ᾽ ἀμέρ[ᾳ προτὶ] φιλτάταν
- Μυτιλάνναν π[ολίων η]ὔξατ᾽ ἤδη
- γυναίκων ἀ κα[λίστα Ψ]άπφ᾽ ἀπύβην
- πεδ᾽ ἀμμέω[ν, ἀ μάτ]ηρ πεδὰ τῶν τέκνων
- φίλτα[τ᾽ Ἄτθι, μῶν ἄρα] ταῦτα τὰ πρὶν
- ἐπι[λάθεαι πάντ᾽ ἢ ὀμμναίσα᾽ ἔτι;...
Edmonds 83[Επεξεργασία]
- [πρὸς Ἄτθιδα?]
- [Ἄτθιδ᾽ οὔποτ᾽ ἄρ᾽ ὄ]ψ[ομαι,]
- τεθνάκην δ᾽ ἀδόλως θέλω.
- ἄ με ψισδομένα κατελίππανεν
- πόλλα, καὶ τόδ᾽ ἔειπέ μ[οι·]
- ᾬμ᾽, ὠς δεῖνα πεπ[όνθ]αμεν·
- Ψάπφ᾽, ἦ μάν σ᾽ ἀέκοισ᾽ ἀπυλιππάνω.
- τὰν δ᾽ ἔγω τάδ᾽ ἀμειβόμαν·
- Χαίροισ᾽ ἔρχεο κἄμεθεν
- μέμναισ᾽· οἶσθα γὰρ ὤς <τ᾽> ἐπεδήπομεν.
- αἰ δὲ μὴ, ἀλλά σ᾽ ἔγω θέλω
- ὄμναισαι τ[ὰ σ]ὺ [λά]θεαι,
- ὄσσ᾽ ἄμμ[ες φίλα] καὶ κάλ᾽ ἐπάσχομεν·
- πό[λλοις ἂ στεφάν]οις ἴων
- καὶ βρ[όδων γλυ]κίων γ᾽ ὔμοι
- κὰπ π[λόκων] πὰρ ἔμοι περεθήκαο,
- καὶ πόλλαις ὐπαθύμιδας
- πλέκταις ἀμφ᾽ ἀπαλᾳ δέρᾳ
- ἀνθέων ἔκ[ατον] πεποημμέναις,
- καὶ πόλλῳ ν[έαρο]ν σὺ χρῶ
- βρενθείω πρ[οχόῳ μύρ]ω
- ἐξαλείψαο κα[ὶ βασιληΐω,]
- καὶ στρώμν[ας ἔπι κημένα]
- ἀπάλαν πὰν [ὀνηάτων]
- ἐξίης πόθο[ν ἤδε πότων γλυκίων]...
Edmonds 84[Επεξεργασία]
- [...καὶ ταῦτά σ᾽ ἀμειβόμαν ἐγ]ω·
- ['Νὴ θέαν ἔγω σοι τόδ᾽ ὀμώ]μοκα,
- [ὠς οὐδ᾽ αὔτα πόλλαις, ἀ]λλ᾽ ἴαν ἦχον
- [μόναν ἂπ τῶ Δίος τὰν] παρθενίαν,
- [ὔμως δ᾽ οὐκ ὄδδον] ὠρρώδων ὐπὲρ ὂν
- [ἀπύ μοί ϝ᾽ ἐπέσκ]ηψ᾽ Ἦρα βάλεσθαι.'
- [ταῦτ᾽ ἔγω σ᾽ ἠ]ΰφραν᾽ ἄρ᾽ ὠξυβόων δ᾽·
- ['Ἄμμι μάν,] πάρθεν᾽, ἀ νὺξ οὐκὶ βάρυ
- [φαίνετ]᾽ ἔμμεν· ὤστ᾽ οὐ μὴ σύ γ᾽ ἀτύξη'...
Edmonds 85[Επεξεργασία]
- ...ἦρ᾽ ἀ[...
- δῆρα το[...
- Γογγύλα τ[᾽ ἔφατ᾽· 'Οὔ τι πᾳ τόδ᾽ ἔγνως;]
- ἤ τι σᾶμ᾽ ἐθέλ[ης δεικνύναι τέαις]
- παῖσι;' 'Μάλιστ᾽,' ἀμ[ειβόμαν ἔγω. 'Ἔρ-]
- μας γ᾽ εἰσῆλθ᾽· ἐπὶ [δὲ βλέποισ᾽ ἔγω ϝε]
- εἶπον· Ὦ δέσποτ᾽, ἔπ[παν ἀπωλόμαν·]
- [ο]ὐ μὰ γὰρ μάκαιραν [ἔγω θέαν]
- [ο]ὖδεν ἄδομ᾽ ἔπαρθ᾽ ἄγα[ν ἔτ᾽ ὄλβῳ,]
- κατθάνην δ᾽ ἴμμερός τις ἄ[γρεσέ με·]
- λῶ στᾶσ᾽ εἰς δροσόεντ᾽ ἄγ[ρον σέ μ᾽ οἶ]
- Ἀτρῄδαν Ἀγαμ[έμνον᾽ ἄγαγες πρὶν]
- [πά]ν τε ταἴρη[τον ἄνθος Ἀχαιίων.]
- [χ]ρῆ δὲ τοῦτ[᾽ ἀπυλιππάνην με φαῦ-]
- [ο]ς, ἄτις ὀ.[...]
Edmonds 86[Επεξεργασία]
- [πρὸς Ἄτθιδα]
- [Ἀτθι, σοὶ κἄμ᾽ Ἀνακτορία φίλα]
- [πηλόροισ᾽ ἐνὶ] Σάρδε[σιν]
- [ναίει, πό]λλακι τυίδε [ν]ῶν ἔχοισα,
- ὤς ποτ᾽ ἐζώομεν βίον, ἆς ἔχε
- σὲ θέᾳ ϝικέλαν ἀρι-
- -γνώτᾳ, σᾷ δὲ μάλιστ᾽ ἔχαιρε μόλπᾳ.
- νῦν δὲ Λύδαισιν ἐμπρέπεται γυναί-
- κεσσιν ὤς ποτ᾽ ἀελίω
- δύντος ἀ βροδοδάκτυλος σελάννα
- πὰρ τὰ περρέχοισ᾽ ἄστρα, φάος δ᾽ ἐπί-
- σχει θάλασσαν ἐπ᾽ ἀλμύραν
- ἴσως καὶ πολυανθέμοις ἀρούραις,
- ἀ δ᾽ ἐέρσα κάλα κέχυται τεθά-
- λαισι δὲ βρόδα κἄπαλ᾽ ἄν-
- θρυσκα καὶ μελίλωτος ἀνθεμώδης.
- πόλλα δὲ ζαφοίταισ᾽ ἀγάνας ἐπι-
- μνάσθεισ᾽ Ἀτθίδος ἰμμέρω
- λέπταν ποι φρένα κῆρ᾽ ἄσᾳ βόρηται.
- κῆθι τ᾽ ἔλθην ἄμμ᾽ ὀξυβόη· τὰ δ᾽ οὐ
- νῷν γ᾽ ἄπυστα νὺξ πολύω[ς]
- γαρυίει δι᾽ ἄλος πα[ρε]ν̣ρ̣ε̣ο̣[ίσας.]
Edmonds 89[Επεξεργασία]
- Ἦλθες· κεὖ ἐποίησας· ἔγω δέ σε
- μαόμαν, ὂν δ᾽ ἔφλαξας ἔμαν φρένα
- καυομέναν πόθῳ· χαῖρ᾽ ἄμμι, <χαῖρε>
- πόλλα καὶ ϝισᾱ́ρῑθμα τόσῳ χρόνῳ
- ἀλλάλαν ἀπελείφθημεν.
Edmonds 94[Επεξεργασία]
- ...πτερύγων δ᾽ ὐπακακχέει
- λιγύραν ἀοίδαν, ὄποτα φλόγι
- <ὀ θέ>ος κατέτᾳ <γάα>ν
- ἐπι<πε>πτάμενος καταύγη...
Edmonds 113A[Επεξεργασία]
- [Εὐδαιμ]ονίαν τε κὐγίειαν
Edmonds 113B[Επεξεργασία]
- [Γῆρας] ζαφύγοιμι, παῖδες· ἤβα
Edmonds 133[Επεξεργασία]
- Ποικίλλεται μὲν γαῖα πολυστέφανος.
Edmonds 134[Επεξεργασία]
- δολοπλόκας γὰρ Κυπρογένεος πρόπολον
Edmonds 158[Επεξεργασία]
- ...σοὶ χάριεν μὲν εἶδος
- κὤππατα μελλιχόχροα
- <νύμφ᾽,> ἔρος δὲ <τέῳ> κάλῳ
- περκέχυται προσώπῳ,
- καί σε τέτικεν ἐξόχως
- Ἀφρόδιτα...