本页已校对
、所有由潮梅各屬、去安南暹羅星嘉坡（石叻）做生意嘅、都喺呢處出入呀。
由汕頭通到潮安，（府城）有一條潮汕鐵路，喺汕頭起，經過庵埠，華美 彩塘，鸛巢，浮洋，楓溪，到潮安，夾埋六個車站。有七十幾里。（七舖） （塘）幾路，行車一點四個字鐘，一日開六輪車，從前未有鐵路嘅時候， 坐轎坐兜，要成日至到呀，重有一條汕樟輕便鐵路，經過澄海城，到樟 林東隴，就唔係行火車嘅，俾個人喺後便，推（𡃵）的車行嘅呮，近來各 處築成汽車路，交通越發便咯。
火車頭，頭等，車票，二等，行李車，枕木，鐵軌，出軌，山窿，浮橋 ，山墳，一穴山，一度橋，鑛山，開鑛。水路。旱路（陸路）海島。海坦。海 陴，游水鄕里，我喺鄕下出嚟，想去榮隆街探兄弟，因爲唔知定，借問 下重有幾遠呢，打邊便去近呢，你喺呢邊掂去，行到個十字路口，轉灣 左手便，直過幾間舖位，轉過右便，再問聲人就知嘞，多煩你嘑。
世界各國，算英，美，法，日本，至强盛，我哋中國，就弱到極咯，自 從鴉片戰失敗，時時俾人欺，卽如安南，台灣，高麗，香港，澳門，本 來都係我哋嘅屬地嚟，而家就俾法國，日本，英國，葡萄牙，割左去咯
