翻译:惡之華/藝術家之死

藝術家之死
作者：夏爾·皮耶·波德萊爾
譯者：木枚

本作品收錄於《Translation:惡之華》

我要幾多次令我嘅鈴鐺作響，
吻你卑微嘅額頭呢個死蔭嘅圖式？

為咗穿透神秘大自然嘅標的，

我嘅箭袋啊，我要失去幾枝標槍？


我哋會為精妙嘅陰謀損耗靈魂，
再將千個沉重嘅枷鎖揈甩，

然後思索博大嘅世間萬物，

其地獄之慾用哭泣填滿我哋全身！


有人對佢哋嘅偶像都唔了解得清，
又有班有恥辱印記嘅受詛雕塑家，

正要對自己嘅心口同額頭鎚打，

有嘅唯一希望，係譎詭嘅羅馬絕嶺！
正正係死亡，恍似新日當空，

令佢腦中繁花開個姹紫嫣紅！