教会信录　榕腔

一件、信、务一只永生真上帝、名啰耶和华。是自然而然、毛起头、毛煞尾、无不在、无不知、无不能、极智慧。极清洁、极仁爱、极公平、极恩惠、极诚实。分位论伊、就务三位称啰天父、耶稣、圣神。合性共体论伊、就㑚一只。伊创造天地𠆧乇、自起头彀煞尾、都是伊保护管理、实是天地𠆧乇其主宰、万国万𠆧该当奉事敬拜其上帝。

故务、信、除上帝以外、通世间所奉其神明、菩萨、香火、符册、神主牌、共一切所拜其乇、都是假其。𠆧都伓通藉伊保䕶、求伊赐福、也伓通用礼物奉事伊。

故务、信、耶稣教其圣经、是古早其圣人、感著圣神写其。许里所讲、都是上帝旨意、教𠆧该当尽其本份。故此𠆧一举一动、都著凭圣经、凡伓合圣经、都伓通凭。

故务、信、上帝创造𠆧其始祖时候、性原是善。以后二个𠆧、乞魔鬼诱惑、背上帝命、性就变恶。仱世间𠆧都是伊其后裔、故此都务者恶性、你欲行善、㑚欲行恶、时常务郑、犯上帝其驶性。

故务、信、耶稣基督本来是上帝体许里第二位伊降世做𠆧、由贞女马利亚、感著圣神礼生特意做救世主、替𠆧落十字架当罪受苦、开救𠆧其路、死后仅活上天。𠆧㑚肯退悔信伊、罪就都�赦去、至死免受地狱永苦、�享天堂永福。

故务、信、𠆧本来伓欲悔攺、故此著藉圣神感化、只�实心悔罪信耶稣。㑚昧受圣神感化、者𠆧卖免地狱其苦。

故务、信、𠆧只信耶稣、心味都清洁、邪故务剩。故此一世𠆧、著藉圣神帮助、只�全洁、过世�入天、堂永享清福。

故务、信、𠆧信耶稣、该当落𠆧前明认、入圣会、凭耶稣所命其规矩、守伊所立其礼。

故务、信、耶稣务立二样礼、一件是洗礼、一件是晚餐。洗礼、是信其𠆧其记号、者礼㑚信其𠆧、共伊男女仔该当受。晚餐、是表明耶稣当时、受苦至死、替𠆧赎罪、凡信其𠆧、明认落𠆧前、只�𠋡的、昧信其𠆧、切切伓通𠋡。

故务、信、𠆧生死㑚一回、死后断毛者转世其代。𠆧落生前、㑚务凭真理、信耶稣、身体虽然归土、灵魂就上天堂享万福。𠆧落生前、㑚昧凭真理、昧信耶稣、身体虽然归土、灵魂就坠地狱受万苦。彀世间尾日、所有善恶其𠆧、都的的仅活、跬落救主台前受审判、善其入天堂、恶其入地狱、一吓极乐、一吓极苦、永远都卖变换。

会约

汝想本身务信耶稣、欲落𠆧前明认伊入教会。仱约、认耶和华做汝其上帝。认耶稣做汝其主、汝其先生、汝其救主。认圣神做汝其引路、驶汝成清洁。认圣经论所该当信该当凭、做汝其法度。

汝仱𫉬自家、共凡所务其乇、献乞上帝奉事伊。约一世𠆧、尽心尽意尽力、帮助耶稣圣教通行。仅公平做代、正心修身、日日表明好样式、�驶𠆧归荣上帝。

汝约共会中间众𠆧、相爱相和、相亲相让、相劝相助、相苦相慰、尽力相行、像一家其𠆧一样、主所赎回其。连凭会中议定其规矩、谨守耶稣正教其常例。

汝全藉圣神、助汝成者代、仱著众𠆧面前、天使面前、连创造汝其上帝面前、特直立者约。

牧师连众会友接𠆧入会

我各𠆧仱接汝入会、齐做兄弟姐妹、共汝相约、凭主其命爱汝、时常看待汝。㑚愿各𠆧、终身�齐守主其道理、以致彀审判日子、毛乇通责、�齐欢喜跬落主台前。