松岩先生续集/独乐曲
独乐八曲幷序
[编辑]岩主谋拙万事，才短六艺，寓形世间，宅心物外。黄墨之暇，会有嘉辰之兴，可咏之事，发以为歌，调以为曲，挥毫题次拟为乐府。虽呜呜无节，听以察之，则词中有意，意中有指，可使闻者感发而兴叹也。
有时松月满庭，春花撩人，佳朋适至，则酌罢芳樽，共凭岩轩，高歌若干章，手之舞足之蹈，幽人之乐足矣。
考槃之歌，负薪之谣，不知孰优孰劣也。忘怀得失，以乐其志，甘原思之贫，而唾子张之禄；卧羲皇之北窗，酣华胥之高枕，富贵何能淫，威武不能夺。
凡日用喜怒哀乐之发，忧憾悲欢之事，一于此宽焉。查滓之涤，邪秽之荡，不期而然。
古人云‘歌多出于忧思。’此亦发于余心之不平。而朱文公曰‘咏歌其所志，以养性情。’至哉斯言！心之不平而有是歌；歌之畅志而养其性。
噫！松窗数般之曲，岂无少补于风朝月夕之动荡精神乎？余是以，戏有是说焉。
太平圣代田野逸民〈再唱〉
耕云麓钓烟江이이밧긔일이업다。
穷通이在天ᄒᆞ니贫贱을시름ᄒᆞ랴？
玉堂金马ᄂᆞᆫ내의愿이아니로다。
泉石이寿域이오草屋이春台라。
于斯卧于斯眠俯仰宇宙流观品物ᄒᆞ야
居居然浩浩然开襟独酌岸帻长啸景긔엇다ᄒᆞ니잇고？
草屋三间容膝里昻昻一闲人〈再唱〉
琴书를벗을삼고松竹으로울을ᄒᆞ니
翛翛生事와淡淡襟怀예尘念이어ᄃᆡ나리？
时时예落照趁清芦花岸红ᄒᆞ고
残烟带风杨柳飞ᄒᆞ거든
一竿竹빗기안고忘机伴鸥景긔엇다ᄒᆞ니잇고？
士何事乎？尚志而已。〈再唱〉
科名损志ᄒᆞ고利达害德이라。
모ᄅᆞ미黄卷中圣贤을뫼압고
言语精神日夜애颐养ᄒᆞ야
一身이正ᄒᆞ면어ᄃᆡ러로못가리오？
俯仰恢恢ᄒᆞ고往来平平ᄒᆞ니
갈길ᄅᆞᆯ알오立志를아니ᄒᆞ랴？
壁立万仞磊落不变ᄒᆞ야
嘐嘐然尚友千古景긔엇다ᄒᆞ니잇고？
入山恐不深入林恐不密
宽闲之野寂寞之滨에卜居를定ᄒᆞ니
野服黄冠이鱼鸟外버디업다。
芳郊애雨晴ᄒᆞ고万树애花落后에
青藜杖뷔집고十里溪头애闲往闲来ᄒᆞᄂᆞᆫᄠᅳ든
曾点氏浴沂风雩와程明道傍花随柳도이러턴가엇다턴고
暖日光风이불ᄭᅥ니ᄇᆞᆯ거니兴满前ᄒᆞ니
悠然胸次ㅣ与天地万物上下同流景긔엇다ᄒᆞ니잇고
집은范莱芜의蓬蒿ㅣ오길은蒋元卿의花竹이로다。
百年浮生이러타엇다ᄒᆞ리？
진실로隐居求志ᄒᆞ고长往不返ᄒᆞ면
轩冕이泥涂ㅣ오鼎锺이尘土ㅣ라。
千磨霜刃인ᄃᆞᆯ이ᄠᅳ들긋ᄎᆞ리랴？
韩昌黎三上书ᄂᆞᆫ내의ᄠᅳ데区区ᄒᆞ고
杜子美三大赋ㅣ내둉내行道ᄒᆞ랴？
두어라彼以爵我以义不愿人之文绣ᄒᆞ야
世间万事都付天命景긔엇다ᄒᆞ니잇고？
君门深九重ᄒᆞ고草泽隔万里ᄒᆞ니
十载心事를어이ᄒᆞ야上达ᄒᆞ료
数封奇策이草ᄒᆞ얀디오래거다。
致君泽民은내의才分아니런가？
穷经学道를ᄠᅳᆮ두고이리ᄒᆞ랴？
ᄎᆞᆯ하리藏修丘壑遁世无闷ᄒᆞ야
날조ᄎᆞᆫ번님네뫼옵고绿签山窗의
共把遗经究终始景긔엇다ᄒᆞ니잇고？
一屏一榻左箴右铭〈再唱〉
神目如电이라暗室을欺心ᄒᆞ며
天听如雷라私语ᅟᅵᆫ들妄发ᄒᆞ랴？
戒慎恐惧를隐微间애닛디마새
坐如尸俨若思终日乾乾夕惕若ᄒᆞᄂᆞᆫᄠᅳᆮ든
尊事天君ᄒᆞ고攘除外累ᄒᆞ야
百体从令五常不斁ᄒᆞ야
治平事业을다이루려ᄒᆞ엿더니
时也命也인디迄无成功岁不我与ᄒᆞ니
白首林泉의ᄒᆞ올일이다시업다。
우읍다山之南水之北애敛藏踪迹ᄒᆞ야
百年闲老景긔엇다ᄒᆞ니잇고？
闲居十八曲
[编辑]生平애愿ᄒᆞᄂᆞ니다ᄆᆞᆫ忠孝ᄲᅮᆫ이로다。
이두일말면禽兽ㅣ나다라리야？
ᄆᆞᄋᆞᆷ애ᄒᆞ고져ᄒᆞ야十载遑遑ᄒᆞ노라。
计校이ᄅᆞ터니功名이느저셰라。
负笈东南ᄒᆞ야如恐不及ᄒᆞᄂᆞᆫᄠᅳᆮ을
岁月이물흘ᄋᆞᄃᆞᆺᄒᆞ니못이롤가ᄒᆞ야라。
비록못일워두林泉이됴ᄒᆞ니라。
无心鱼鸟ᄂᆞᆫ自闲闲ᄒᆞ얏ᄂᆞ니
早晩애世事닛고너ᄅᆞᆯ조ᄎᆞ려ᄒᆞ노라。
江湖애노쟈ᄒᆞ니圣主를ᄇᆞ리례고
圣主를셤기쟈ᄒᆞ니所乐애어긔예라。
호온자岐路애셔셔갈ᄃᆡ몰라ᄒᆞ노라。
어지게이러그러이몸이엇디ᄒᆞᆯ고？
行道도어렵고隐处도定티아냣다。
언제야이ᄠᅳᆮ决断ᄒᆞ야从我所乐ᄒᆞ려뇨？
ᄒᆞ려ᄒᆞ려ᄒᆞᄃᆡ이ᄠᅳᆮ못ᄒᆞ여라。
이ᄠᅳᆮᄒᆞ면至乐이잇ᄂᆞ니라。
우웁다엊그제아니턴일을뉘올타ᄒᆞ던고？
말리말리ᄒᆞᄃᆡ이일말기어렵다。
이일말면一身이闲暇ᄒᆞ다。
어지게엊그제ᄒᆞ던일이다왼줄알과라。
出ᄒᆞ면致君泽民处ᄒᆞ면钓月耕云
明哲君子는이ᄅᆞᆯ사즐기ᄂᆞ니
ᄒᆞᄆᆞᆯ며富贵危机ㅣ라贫贱居를ᄒᆞ오리라。
青山이碧溪临ᄒᆞ고溪上애烟村이라。
草堂心事를白鸥ᅟᅵᆫ들제알랴？
竹窗静夜月明ᄒᆞᆫᄃᆡ一张琴이잇ᄂᆞ니라。
穷达浮云ᄀᆞᆺ치보야世事이저두고
好山佳水의노ᄂᆞᆫᄠᅳᆮ을
猿鹤이내벋아니어든어ᄂᆡ분이아ᄅᆞ실고？
ᄇᆞ람은절노ᄆᆞᆰ고ᄃᆞᆯ은절노ᄇᆞᆯᄯᅡ。
竹庭松槛애一点尘도업ᄉᆞ니
一张琴万轴书더옥萧洒ᄒᆞ다。
霁月이구룸ᄠᅳᆯ고솔ᄭᅳᆺ테ᄂᆞᆯ아올라
十分清光이碧溪中에빗ᄭᅧ거ᄂᆞᆯ
어ᄃᆡ인ᄂᆞᆫ물일ᄒᆞᆫᄀᆞᆯ며기나ᄅᆞᆯ조차오ᄂᆞᆫ다。
날이져물거ᄂᆞᆯᄂᆞ외야ᄒᆞᆯ닐업서
松关을닫고月下애누어시니
世上애ᄯᅳᆺ글ᄆᆞᄋᆞᆷ이一毫末도업다。
月色溪声어섯겨虚亭의오나ᄂᆞᆯ
月色을眼属ᄒᆞ고溪声을耳属ᄒᆞㅣ
드ᄅᆞ며보며ᄒᆞ니一体清明ᄒᆞ야라。
酒色좃쟈ᄒᆞ니骚人의일아니고
富贵求챠ᄒᆞ니ᄠᅳᆺ디아니가ᄂᆡ。
두어라渔牧이되오야寂寞滨애늘쟈。
行藏有道ᄒᆞ니ᄇᆞ리면구테구ᄒᆞ랴？
山之南水之北병들고늘근날를
뉘라셔怀宝迷邦ᄒᆞ니오라말라ᄒᆞᄂᆞ뇨？
圣贤의가신길히万古애ᄒᆞᆫ가지라。
隐커나见커나道ㅣ얻디다ᄅᆞ리？
一道ㅣ오다ᄅᆞ디아니커니아ᄆᆞᄃᆡᆫ들엇더리？
渔矶예비개거ᄂᆞᆯ绿苔로독글사마
고기ᄅᆞᆯ혜이고낙글ᄠᅳᆮ을어이ᄒᆞ리？
纤月이银钩ㅣ되여碧溪心이ᄌᆞᆷ겻다。
江干애누어셔江水보ᄂᆞᆫᄠᅳ든
逝者如斯ᄒᆞ니百岁ᅟᅵᆫᄃᆞᆯ멷근이료？
十年前尘世一念이어ᄅᆞᆷ녹듯ᄒᆞᆫ다。