翻译:恶之华/忧郁(雨月......)

忧郁(雨月......)
作者：夏尔·皮耶·波德莱尔
译者：木枚

本作品收录于《Translation:恶之华》

雨月，由全座城市激起，
向附近住有苍白居民嘅墓地，
喺瓮中倒出一浪浪嘅黑暗寒气，
向烟雾萦绕之地赐下不灭生机。

我只猫喺地板上想揾个窦，
挪动佢瘦弱同布满痂嘅身躯。
老诗人嘅灵魂喺水沟漫游，
佢怯懦嘅声线令人悲催。

蜜蜂哀叹，木柴被烟熏烘，
以假音伴随鼻塞声重嘅锺，
而呢个到处污秽气味嘅牌局，

系水肿妇人遗留嘅宿命般嘅物料，
其中动人嘅红心J同葵扇Q
阴险啖倾讲佢哋失能嘅爱欲。