翻译:恶之华/欲求不满

欲求不满
作者：夏尔·皮耶·波德莱尔
译者：木枚

本作品收录于《恶之华》

怪异嘅女神，其黑同夜晚神似，
身处嘅麝香同雪茄香气脉脉，
奥比巫术嘅杰作，草原嘅浮士德，
乌木旁嘅巫婆，午夜之子。

忠贞、鸦片、黑夜，我都钟意，
同你嘴内嘅妙药，爱喺其中充塞。
当我嘅欲望为你驰骋南北，
我嘅厌倦，畅饮于你双眼嘅水池。

呢两只大黑眼，系你灵魂嘅气窗，
无情魔鬼，烧我嗰阵请稍作退让。
我唔系冥河，其胸怀九次将你接受，

唉呀放荡嘅复仇女神，我无计
喺你卧榻嘅地狱变成冥后，
灭完你嘅志气后再由得你吠。