翻译:恶之华/毒

毒
作者：夏尔·皮耶·波德莱尔
译者：木枚

本作品收录于《Translation:恶之华》

酒可以令最罨耷嘅陋室
畀神奇嘅豪华盖放，
令传说中嘅柱廊
好似云雾重重嘅天空中嘅落日，
浮现自红霞嘅金黄。

鸦片叫无垠者更广博，
拉长无穷，
加深时间，将愉悦掏空，
以漆黑茫然嘅快乐，
喺力所能及之外帮灵魂填充。

呢啲都比唔上你嘅毒液
喺你青色双眼外赴，
佢系我颤抖嘅灵魂自我倒观嘅湖......
我嘅遐想奔涌如鲫，
要解渴于深渊嘅涩苦。

呢啲都比唔上你唾液带酸
佢呢个骇人嘅盛况，
无悔啖将我嘅灵魂投入遗忘，
挟带住神迷目眩，
卷佢去死亡之岸，以无力嘅浪。