庸言知旨/卷一
(漢文部分係個人翻譯)
ᠮᠠᠨᠵᡠ ᡤᡳᠰᡠᠨ ᡳ ᠮᡝᠰᡝᡳ ᠪᡝᠶᡝ ᡩᡝ ᠪᡳᠰᡳᡵᡝᠩᡤᡝ᠈ ᡠᡨᡥᠠᡳ ᡩᡝᡵᡤᡳ ᠰᠣᠯᡥᠣ᠈ ᠠᠮᠠᡵᡤᡳ ᠣᡵᠣᠰ᠈ ᠸᠠᡵᡤᡳ ᡥᠣᡳᠰᡝ᠈ ᠵᡠᠯᡝᡵᡤᡳ ᡤᠣᡵᠣᡴᡳᠨ ᡳ ᠮᡝᡳᠮᡝᠨᡳ ᠪᠠ ᡳ ᡤᡳᠰᡠᠨ ᡳ ᠠᡩᠠᠯᡳ᠈ ᡩᡠᡳᠨ ᡝᡵᡤᡳ ᠠᡳᠮᠠᠨ ᡥᠣᠨᠣ ᠴᡝᠨᡳ ᠪᠠ ᡳ ᡤᡳᠰᡠᠨ ᠪᡝ ᠸᠠᠯᡳᠶᠠᡵᠠᡴᡡ᠈ ᠰᠣᠩᡴᠣ ᡩᡝ ᠰᠣᠩᡴᠣᡳ ᡤᡳᠰᡠᡵᡝᡵᡝ ᠪᠠᡩᡝ ᠈ ᠮᡠᠰᡝ ᠠᠶᠠᠨ ᠰᡠᠸᠠᠶᠠᠨ ᡳ ᠮᠠᠨᠵᡠ ᠣᡶᡳ ᡝᠯᡝᠮᠠᠩᡤᠠ ᠪᡝᠶᡝᡳ ᠪᠠ ᡳ ᡤᡳᠰᡠᠨ ᠪᡝ ᡠᠯᡥᡳᡵᠠᡴᡡ᠈ ᠮᠠᠨᠵᡠᡵᠠᡵᠠᡴᡡ ᠣᠴᡳ ᡠᡨᡥᠠᡳ ᡩᠠ ᠰᡝᡴᡳᠶᡝᠨ ᠪᡝ ᠣᠩᡤᠣᡥᠣ ᡴᠠᡳ᠈ ᠠᡩᠠᡵᠠᠮᡝ ᡩᡝᡵᡝ ᡶᡳᠯᡨᠠᡥᡡᠨ ᠵᡳᠯᡝᡥᡠᠨ ᡳ ᠰᡝ ᡩᠣᡵᠣ ᠪᡝ ᠵᡠᠰᡝ ᠣᠮᠣᠰᡳ ᡩᡝ ᡨᠠᠴᡳᡥᡳᠶᠠᠮᠪᡳᠨᡳ᠉
咱們自己有滿語，就跟東邊的朝鮮、北邊的俄羅斯、西邊的回部、南邊的蠻夷有各自的方言一樣。四方部族尚且沒有丟掉自己的方言，照舊說着，咱們身為尊貴的滿洲人，反而不能理解自己的方言。不會說滿語的話，就是忘記了本源，又怎麼好意思腆着臉拿舊禮教訓子孫呢？
ᠮᠠᠨᠵᡠ ᡤᡳᠰᡠᠨ ᠰᡝᡵᡝ ᠪᠠᡳᡨᠠ᠈ ᡠᠮᠠᡳ ᠪᡳᡨᡥᡝᡳ ᡝᡵᡩᡝᠮᡠ ᠴᠣᠣᡥᠠᡳ ᠮᡠᡨᡝᠨ ᠸᠠᡴᠠ᠈ ᠣᡳᠯᠣᡵᡳ ᡨᡠᠸᠠᠴᡳ᠈ ᠣᠶᠣᠮᠪᡠᡵᡝ ᠪᠠ ᠠᡴᡡ ᡤᡝᠰᡝ᠈ ᡨᡠᡨᡨᡠ ᠰᡝᠮᡝ ᠸᡝᠰᡳᡥᡠᠨ ᠵᠠᠯᠠᠨ ᡳ ᠮᠠᠨᠵᡠ ᠰᡝᠮᡝ ᠪᠨᠵᡳᡶᡳ᠈ ᠸᡝ ᠴᡳᡥᠠᠩᡤᠠᡳ ᡤᡳᠰᡠᠨ ᠪᡝ ᡨᠠᠴᡳᡵᠠᡴᡡ ᡥᡝᠯᡝ ᠣᡴᡳ ᠰᡝᠮᠪᡳ᠈ ᠶᠠᠰᠠ ᡧᠠᠨ ᡩᡝ ᠪᠠᡴᠴᡳᠯᠠᠪᡠᡥᠠ ᠪᠠᡳᡨᠠ ᠪᡝ ᡤᡝᡨᡠᡴᡝᠯᡝᡵᡝ ᠮᡠᠵᡳᠯᡝᠨ ᠪᡝ ᡨᡠᠸᠠᡵᠠ ᡨᡝᠮᡤᡝᡨᡠᠯᡝᡵᡝᠩᡤᡝ᠈ ᡤᡝᠮᡠ ᡤᡳᠰᡠᠨ ᡩᡝ ᠠᡴᡩᠠᡥᠠᠪᡳ᠈ ᠨᡳᠶᠠᠯᠮᠠ ᠪᡝ ᠠᠴᠠᡥᠠᡩᡝ ᡤᡳᠰᡠᡵᡝᠮᡝ ᠪᠠᡥᠠᠨᠠᡵᠠᡴᡡ᠈ ᡩᠠᠮᡠ ᠠᠩᡤᠠ ᡤᠠᡥᡡ ᡶᡳᡥᠠ ᠣᠴᡳ᠈ ᡤᡝᠯᡳ ᡤᡳᠶᠠᠨ ᡩᡝ ᠪᠠᠨᠵᡳᠨᠠᡵᠠᡴᡡ᠈ ᡤᡠᠸᠠ ᠮᡠᠰᡝ ᡩᡝ ᡩᠠᠯᠵᠠᡴᡡ ᡥᠠᠵᡳ ᠠᡴᡡ ᡴᠠᡳ᠈ ᡨᡝᡵᡝᡳ ᡨᡝᠮᡤᡝᡨᡠ ᠠᡴᡡ ᡤᡳᠰᡠᠨ ᠠᠯᠪᠠᡨᡠ ᡥᡝᡵᡤᡝᠨ ᠪᡝ ᡨᠠᠴᡳᡵᡝ ᠠᠩᡤᠠᠯᠠ᠈ ᠨᡝᠨᡝᡥᡝ ᠵᠠᠯᠠᠨ ᡳ ᡨᡠᡨᠠᠪᡠᡥᠠ ᡤᡳᠰᡠᠨ ᡠᠮᠠᡳ ᡝᡵᠰᡝ ᡩᡝ ᡳᠰᡳᡵᠠᡴᡡ᠈ ᡩᠣᡵᠣᠩᡤᠣ ᠠᡴᡡ ᠰᡝᡵᡝ ᠪᠠ ᠠᡴᡡ᠈ ᠮᡠᠰᡝ ᠰᠠᡴᡩᠠᠰᡳ ᠠᠩᡤᠠᡳ ᡝᡵᡤᡳ ᡴᡝᠰᡳ ᠰᡳᠮᡝᠨ ᠪᡝ ᡨᡠᠸᠠᡴᡳᠶᠠᡵᠠ᠈ ᠮᠠᡶᠠᡵᡳ ᠪᡝ ᠠᠯᡥᡡᡩᠠᡵᠠ ᠪᠠᡳᡨᠠ ᠪᡝ ᡴᡝᠴᡝᠮᡝ ᠶᠠᠪᡠᡵᡝ ᠣᠴᡳ᠈ ᡳᠨᡠ ᡶᡠᠯᡝᡥᡝ ᠪᡝ ᡴᡳᠴᡝᡵᡝ ᡝᠮᡠ ᡩᠣᡵᠣ ᡩᠠᠪᠠᠯᠠ᠈ ᡤᡝᠯᡳ ᠠᡳ ᡶᠠᠶᠠᠮᠪᡳᠣ᠈ ᡝᠯᡝᠮᠠᠩᡤᠠ ᡤᡡᡨᡠᠪᡠᠮᠪᡳᠣ᠈ ᡴᡳᠮᠴᡳᠴᡳ ᡝᠨᡩᡝᡵᡝᠣ᠉
說滿語之事，跟文才武略不是一回事。表面上看好像沒什麼重要的地方，然而生為滿洲貴胄，誰願意不學說話想當啞巴呢？弄清楚眼耳所對之事、旌表心中意願，都要靠說話。與人見面不會說話、只是張口結舌的話，又是不占理的。別人與咱們一點關係都沒有，與其學他們那無稽之言村鄙之語，先祖留給我們的語言並不比之差。沒有無禮之意，我們守着先祖這邊的恩澤，勉力施行效法先祖之事，也是一個務本的道理罷了。又花費什麼了嗎？玷污什麼了嗎？細想之下有什麼不明白嗎？
ᠮᡠᠰᡝ ᠮᠠᠨᠵᡠ ᡩᠠᡩᡝ ᡤᡝᠮᡠ ᡤᠣᠯᠮᡳᠨ ᡧᠠᠨᠶᠠᠨ ᠠᠯᡳᠨ ᡳ ᠰᡠᠨ ᡩᡝᡴᡩᡝᡵᡝ ᠠᠮᠠᡵᡤᡳ ᡧᡠᡵᡩᡝᠮᡝ ᠪᠠᡩᡝ ᠪᠠᠨᠵᡳᠮᠪᡳᡥᡝ᠈ ᡨᡝᡳᠰᡠ ᡨᡝᡳᠰᡠ ᠠᡳᠮᠠᠨ ᡶᠠᠯᡤᠠ ᠪᡳᡶᡳ᠈ ᠮᡠᡴᡡᠨ ᡥᠠᠯᠠ ᠮᡝᡳᠮᡝᠨᡳ ᡝᠨᠴᡠ᠈ ᡨᡝ ᠪᡳᠴᡳᠪᡝ ᠮᡠᠰᡝᡳ ᡤᡠᡵᡠᠨ ᡳ ᡥᠠᠯᠠ ᠠᡳᠰᡳᠨ ᡤᡳᠣᡵᠣ ᠰᡝᠮᠪᡳ᠈ ᡝᠮᡝᠮᡠᠩᡤᡝ ᠵᠣᠣ ᡥᠠᠯᠠ ᠰᡝᠮᡝ ᡨᡠᡴᡳᠶᡝᡥᡝᠩᡤᡝ᠈ ᡨᡝᡵᡝ ᡠᠯᡥᡳᠴᡠᠨ ᠠᡴᡡ ᠪᡳᡤᠠᠨ ᡳ ᠨᡳᠶᠠᠯᠠᠮᠠᡳ ᡶᡝᠮᡝ ᠪᠠᠨᠵᡳᠪᡠᡥᠠᠩᡤᡝ᠈ ᡩᡠᡳᠪᡠᠯᡝᠴᡳ ᡠᡨᡥᠠᡳ ᡤᡡᠸᠠᠯᡤᡳᠶᠠᠨ ᡥᠠᠯᠠᠩᡤᠠ ᠪᡝ ᡤᡠᠸᠠᠨ ᡥᠠᠯᠠ ᠨᡳᠣᡥᡠᡵᡠ ᡥᠠᠯᠠᠩᡤᠠ ᠪᡝ ᠯᠠᠩ ᡥᠠᠯᠠ ᠰᡝᠮᡝ ᡨᡠᡴᡳᠶᡝᡵᡝ ᠠᡩᠠᠯᡳ᠈ ᡝᠯᡝ ᡶᡳᠶᠣᡴᠣᡵᠣᡥᠣᠪᡳ᠉ ᡠᡴᠰᡠᠨ ᡤᡳᠣᡵᠣ ᠰᡝᡵᡝᠩᡤᡝ ᡤᡠᡵᡠᠨ ᡳ ᡶᡠᡴᠵᡳᠨ ᡶᠣᠨᡩᡝ᠈ ᡠᡴᠰᡠᠨ ᠮᡠᡴᡡᠨ ᡳᠯᡤᠠᠮᡝ ᡨᠣᡴᡨᠣᠪᡠᡵᡝ ᡩᡝ ᡨᠠᡳᡯᡠ ᡩᡝᡵᡤᡳ ᡥᡡᠸᠠᠩᡩᡳ ᡳ ᡶᡳᠰᡝᠨ ᠵᠠᡳ ᡨᠠᡳᡯᡠ ᡥᠠᠨ ᡳ ᠠᡥᡡᠨ ᡩᡝᠣ ᡳ ᡤᠠᡵᡤᠠᠨ ᠪᡝ ᡠᡴᠰᡠᠨ᠈ ᡨᠠᡳᡯᡠ ᡥᠠᠨ ᡳ ᠠᠮᠵᡳ ᡝᠰᡥᡝᠨ ᡳ ᡝᠨᡝᠰᡝ ᠪᡝ ᡤᡳᠣᡵᠣ ᠰᡝᠮᡝ ᡶᠠᡴᠰᠠᠯᠠᠮᡝ ᡨᠣᡴᡨᠣᠪᡠᡥᠠᠪᡳ᠉ ᡨᡝᡵᡝᠴᡳ ᡤᡝᡵᡝᠨ ᠮᠠᠨᠵᡠᠰᠠᡳ ᡥᠠᠯᠠ ᠠᡳᠮᠠᠨ ᡳ ᡤᡝᠪᡠ ᠪᡝ ᠮᠠᠨᠵᡠ ᡤᡳᠰᡠᠨ ᡳ ᠪᡠᠯᡝᡴᡠ ᠪᡳᡨᡥᡝᡳ ᡩᠣᡵᡤᡳ ᠮᠠᠨᠵᡠ ᠰᡝᡵᡝ ᡤᡳᠰᡠᠨ ᡳ ᡶᡝᠵᡝᡵᡤᡳ ᠰᡠᡥᡝ ᡥᡝᡵᡤᡝᠨ ᡩᡝ ᠮᡠᠸᠠᡧᠠᠮᡝ ᡤᡝᠮᡠ ᠠᡵᠠᡥᠠᠪᡳ᠉ ᡤᡝᠯᡳ ᡥᠠᠨ ᡳ ᠠᡵᠠᡥᠠ ᠮᠠᠨᠵᡠᠰᠠᡳ ᠰᡝᡴᡳᠶᡝᠨ ᡝᠶᡝᠨ ᡳ ᡤᡳᠮᠴᡳᠨ᠈ ᠵᠠᡴᡡᠨ ᡤᡡᠰᠠᡳ ᠮᠠᠨᠵᡠᠰᠠᡳ ᠮᡠᡴᡡᠨ ᡥᠠᠯᠠ ᠪᡝ ᡠᡥᡝᡵᡳ ᡝᠵᡝᡥᡝ ᠪᡳᡨᡥᡝ ᡳ ᠵᡝᡵᡤᡳ ᡠᡩᡠᡩᡠ ᡥᠠᠴᡳᠨ ᠪᡳᡨᡥᡝ ᠪᡳ᠈ ᡴᡳᠮᠴᡳᠮᡝ ᠪᠠᡳᠴᠠᠮᡝ ᡤᡳᠩᡤᡠᠯᡝᠮᡝ ᡥᠠᡵᡤᠠᡧᠠᠴᡳ᠈ ᡝᠨᡩᡝᡵᠠᡴᡡ ᠠᠨᠠᠨ ᡳ ᡠᠯᡥᡳᠴᡳ ᠣᠮᠪᡳᡴᠠᡳ᠉ ᠣᠩᡨᠣᡵᡳ ᡳᡵᡤᡝᠨ ᡳ ᠠᠯᠪᠠᡨᡠ ᡤᡳᠰᡠᠨ ᠪᡝ ᠠᡴᡩᠠᠴᡳ ᠣᠵᠣᡵᠠᡴᡡ᠈ ᡶᡠᠰᡳᡥᡡᠨ ᡝᠶᡝᡵᠠᡥᡡ᠉
咱們滿洲原本都在長白山東北一帶生活，有各自的部族，族姓各異。現在咱們的國姓「愛新覺羅」，有人稱為「趙」，這是無知村夫胡編亂造的，比較之下就好像稱瓜爾佳姓為關、稱鈕鈷祿姓為郎一樣，更是胡謅八扯。宗室和覺羅是立國之初、宗族分定之時，太祖高皇帝一系和太祖兄弟一系稱為宗室，太祖伯叔的後代稱為覺羅。從此以後，眾滿洲部族之名都在《清文鑒》中「滿洲」詞條下的註解中有大致記載，又有《御製滿洲源流考》《八旗氏族通譜》等數本書，詳查恭誦，自然就可以依次明白了。粗野小民的胡言亂語不可以相信，有失下流。
ᠮᠣᠮᡠᠨ ᡩᡝ ᠵᡠᠸᡝ ᡥᡝᡵᡤᡝᠨ ᡳ ᡤᡝᠪᡠᡳ ᡝᠮᡨᡝᠯᡳ ᠨᡳᠩᡤᡝ ᠪᡝ ᡩᠠᠯᡩᠠᡵᠠᡴᡡ ᠰᡝᡥᡝᠪᡳ᠉ ᠮᡠᠰᡝ ᡤᡝᠪᡠ ᠠᡵᠠᡵᠠ ᡩᡝ ᠠᠮᠠᡳ ᡤᡝᠪᡠᡳ ᡠᠵᡠᡳ ᡥᡝᡵᡤᡝᠨ ᠪᡝ ᠪᠠᡳᡨᠠᠯᠠᠴᡳ ᠣᠵᠣᡵᠠᡴᡡᠩᡤᡝ ᡨᡝᡵᡝ ᡝᠮᡠ ᡥᡝᡵᡤᡝᠨ ᠪᡝ ᡩᠠᠯᡩᠠᡵᠠ ᠵᠠᠯᡳᠨ ᠸᠠᡴᠠ᠈ ᠨᡝᠨᡝᡥᡝ ᠠᠨᡳᠶᠠ ᡬᠣᡯᡠᠩ ᡥᠠᠨ ᡳ ᡥᡝᠰᡝᡳ ᠠᠮᠠ ᠵᡠᡳ ᡤᡝᠪᡠᡳ ᡠᠵᡠᡳ ᡥᡝᡵᡤᡝᠨ ᠪᡝ ᠵᡠᡵᠰᡠᠯᡝᠪᡠᠮᡝ ᠠᡵᠠᠴᡳ᠈ ᠠᡥᡡᠨ ᡩᡝᠣ ᡳ ᠠᡩᠠᠯᡳ ᠣᠮᠪᡳ ᠰᡝᠮᡝ ᡨᡝᡵᡝᠴᡳ ᠠᠮᠠ ᠵᡠᡳ ᡠᠵᡠ ᡥᠣᠯᠪᡠᠮᡝ ᡥᡝᡵᡤᡝᠨ ᠪᠠᡳᡨᠠᠯᠠᡵᠠ ᠪᡝ ᡶᠠᡶᡠᠯᠠᡥᠠᠪᡳ᠉
《禮記》有云：「二名不偏諱」（二字的名字中的單獨一字不需避諱）。咱們起名的時候，父親名字的首字是不可以用的，這不是為了避諱某個字，而是早年高宗諭旨「父子名字的首字重複使用的話，看起來跟兄弟一樣」，因此禁止父子名字首字聯用。
ᠠ ᡝ ᡳ ᡤᡳᠶᠠᠨ ᡩᡝ ᠨᡳᠶᠠᠯᠮᠠ ᡨᠠᠰᡥᠠ ᡝᡵᡳᠨᡩᡝ ᠪᠠᠨᠵᡳᠮᠪᡳ᠉ ᡝᡩᡝ ᠶᠠᠶᠠ ᠨᡳᠶᠠᠯᠮᠠ ᡤᡝᠮᡠ ᡨᠠᠰᡥᠠ ᡝᡵᡳᠨᡩᡝ ᡳᠯᡳᠴᡳ ᠠᠴᠠᠮᠪᡳ᠈ ᡨᡠᡨᡨᡠ ᠣᡶᡳ ᠮᡠᠰᡝᡳ ᡝᠵᡝᠨ ᡨᡠᠸᡝᡵᡳ ᠵᡠᠸᠠᡵᡳ ᠪᡝ ᠪᠣᡩᠣᡵᠠᡴᡡ᠈ ᡳᠨᡝᠩᡤᡳᡩᠠᡵᡳ ᡠᡵᡠᠨᠠᡴᡡ ᡨᠠᠰᡥᠠ ᡝᡵᡳᠨᡩᡝ ᡳᠯᡳᠮᠪᡳ᠈ ᠮᠠᠵᡳᡤᡝ ᡨᡝᡶᡳ ᠠᠮᠰᡠᠯᠠᡶᡳ᠈ ᠮᡠᡩᡠᡵᡳ ᡝᡵᡳᠨ ᡳ ᡠᠵᡠᡳ ᡴᡝᠮᡠ ᡩᡝ ᡠᡨᡥᠠᡳ ᠪᠠᡳᡨᠠ ᡳᠴᡳᡥᡳᠶᠠᠮᠪᡳ᠈ ᠠᠮᠪᠠᠰᠠ ᠪᡝ ᡩᠣᠰᡳᠮᠪᡠᡶᡳ ᡥᡝᠰᡝ ᠸᠠᠰᡳᠮᠪᡠᠪᡳ᠉ ᡳᠨᡝᠩᡤᡳᡩᠠᡵᡳ ᡝᠮᡠ ᠰᠣᠩᡴᠣ᠈ ᠮᠠᠵᡳᡤᡝ ᡥᠠᠯᠠᡵᠠ ᡤᡡᠸᠠᠯᡳᠶᠠᡵᠠ ᡥᠠᠴᡳᠨ ᠠᡴᡡ᠈ ᡨᡝᡵᡝ ᡨᡝᠨᡳ ᠠᠪᠠᡴᠠᡳ ᠶᠠᠪᡠᠨ ᡴᡠᠯᡠ ᠰᡝᡥᡝᠩᡤᡝ ᡳᠨᡠ᠈ ᠶᠠᠯᠠ ᡝᠨᡩᡠᡵᡳᠩᡤᡝ ᡥᠠᠨ ᠰᡝᠴᡳ ᠣᠮᠪᡳ᠉
陰陽之理中，人在寅時生活。因此無論是誰，都應該在寅時起床。所以我們的聖上不顧冬夏，每天必定在寅時起床，稍微坐一會兒就用膳，辰時一刻就開始處理政務、接見大臣、發布諭旨。每日照例，一點變化之處都沒有。這才是「天行健」，果真可以成為聖主。
ᠨᡳᠶᠠᠯᠮᠠ ᡤᠠᠰᡥᠠ ᡤᡠᡵᡤᡠ ᡤᡝᠮᡠ ᠠᡧᡧᠠᡵᠠ ᠵᠠᡴᠠ ᠰᡝᠮᠪᡳ᠈ ᠠᠪᠠᡴᠠ ᠴᡳ ᠮᡝᡳᠮᡝᠨᡳ ᠪᠠᠨᡳᠨ ᠰᠠᠯᡤᠠᠪᡠᡶᡳ ᠠᡩᠠᠯᡳ ᠪᠠᠨᠵᡳᡥᠠᠪᡳ᠈ ᡨᡠᡨᡨᡠ ᠴᠣᡴᠣ ᡳ ᡨᡠᡴᡨᠠᠨ ᡥᡡᠯᠠᡵᠠᠩᡤᡝ ᡠᡵᡠᠨᠠᡴᡡ ᡨᠠᠰᡥᠠ ᡝᡵᡳᠨᡩᡝ᠈ ᡨᡠᡵᡤᡠᠨ ᠠᡩᠠᡵᠠᠮᡝ ᠰᡝᠴᡳ᠈ ᡨᡝᡵᡝ ᠸᡝᡳᡥᡠᠨ ᠵᠠᡴᠠ ᡳ ᠠᡧᡧᠠᠮᡝ ᡩᡝᡵᡳᠪᡠᡵᡝ ᡝᡵᡳᠨ ᠣᡶᡳ ᡴᠠᡳ᠉ ᡝᡵᡝᠪᡝ ᡨᡠᠸᠠᡥᠠᡩᡝ᠈ ᠶᠠᠶᠠ ᠨᡳᠶᠠᠯᠮᠠ ᡤᡝᠮᡠ ᠴᠣᡴᠣ ᡥᡡᠯᠠᠮᡝ ᡳᠯᡳᡶᡳ᠈ ᠰᡳᡨᡥᡡᠮᡝ ᠰᡳᡨᡥᡡᠮᡝ ᠰᠠᡳᠨ ᠪᡝ ᡨᠠᠴᡳᡵᠠᡴᡡᠴᡳ ᠣᠮᠪᡳᠣ᠉
人和飛禽走獸都稱為「動物」，天生性情各異而一樣生活。那雞鳴必定在寅時，箇中緣由如何說呢？那是因為（寅時）是活物開始活動的時間啊。這樣看來，任何人都要聞雞鳴而起，就可以孜孜不倦地不學好了。
ᡨᠣᠨᡩᠣ ᠰᡵᡝᠩᡤᡝ ᠮᡝᡳᠮᡝᠨᡳ ᡨᡝᡳᠰᡠ ᡩᡝ ᠮᡠᠵᡳᠯᡝᠨ ᠪᡝ ᡝᠮᡠ ᠣᠪᡠᠮᠪᡳ ᠰᡝᡵᡝ ᠪᡝ᠈ ᡠᠮᠠᡳ ᡩᠠᠴᡠᠨ ᠵᡝᠶᡝᠩᡤᡝ ᡩᡝ ᡶᡠᠨᡨᡠᠮᡝ ᠰᡝᠩᡤᡳᠯᡝᠮᡝ ᠠᡶᠠᡵᠠ ᠪᡝᠶᡝ ᠪᡝ ᠸᠠᠯᡳᠶᠠᡨᠠᡳ ᠣᠪᡠᡶᡳ ᡩᠠᡳᠨ ᡩᡝ ᡤᠠᡳᠪᡠᡵᡝ ᠪᡝ ᡨᡝᡳᠯᡝ ᡨᠣᠨᡩᠣ ᠪᡝ ᠠᡴᡡᠮᠪᡠᡥᠠ ᠰᡝᡵᡝᠩᡤᡝ ᠸᠠᡴᠠ᠈ ᡨᡝᠪᡳᠴᡳ᠈ ᠮᡠᠰᡝᡳ ᠠᠯᠪᠠᠨ ᡤᡝᠮᡠ ᡤᡠᡵᡠᠨ ᡳ ᡩᠠᠰᠠᠨ ᡳ ᡝᠮᡠ ᡶᡳᠶᡝᠨᡨᡝᡥᡝ᠈ ᡝᡩᡝ ᠵᠠᠪᡧᠠᡴᡳ ᠪᡝ ᠪᠣᡩᠣᡵᠠᡴᡡ ᡩᡝᡵᡤᡳ ᡥᠠᡶᠠᠨ ᠪᡝ ᡝᡳᡨᡝᡵᡝᡵᠠᡴᡡ ᠮᡠᠵᡳᠯᡝᠨ ᠪᡝ ᡨᡝᠩ ᠰᡝᠮᡝ ᠵᠠᡶᠠᡶᡳ ᠪᠠᡳᡨᠠ ᠪᡝ ᡠᠨᡝᠩᡤᡳᠯᡝᠮᡝ ᡳᠴᡳᡥᡳᠶᠠᡶᡳ ᠠᠮᠠᡤᠠ ᡳᠨᡝᠩᡤᡳ ᡳ ᡩᡠᡵᡠᠨ ᠠᠯᡥᡡᡩᠠᠨ ᠣᠪᡠᠴᡳ ᠣᠵᠣᡵᠣᠩᡤᡝ ᡠᡨᡥᠠᡳ ᠮᡠᠰᡝᡳ ᡨᡝᡳᠰᡠ ᡩᡝ ᡨᠣᠨᡩᠣ ᠠᡴᡡᠮᠪᡠᡥᠠ ᡴᠠᡳ᠉
忠，就是說要在各自本職上一條心，不是說衝鋒陷陣捨身作戰，最終戰死沙場才能稱為盡忠。譬如，咱們的差事都是國政一線的，因此不要算計小便宜、不要欺瞞上司，堅定心志，竭誠辦事，日後可成楷模榜樣，就是在咱們的本職上盡忠了。
ᠨᡳᠶᠠᠯᠮᠠᡳ ᠰᠠᡳᠨ ᠵᠠᡴ ᠵᡳᡵᠠᠮᡳᠨ ᡤᡡᠨᡳᠨ ᠪᡝ ᠠᠯᡳᡥᠠ ᠮᠠᠩᡤᡳ᠈ ᡴᠠᡵᡠ ᡩᡝ ᡴᠠᡵᡠ᠈ ᡠᠪᡠ ᡩᡝ ᡠᠪᡠ ᠰᡝᠮᡝ᠈ ᡠᡵᡠᠨᠠᡴᡡ ᡴᠠᡵᡠᠯᠠᡵᠠ ᠪᡝ ᡴᡳᠴᡝᡵᡝ ᠪᠠᡩᡝ᠈ ᠠᠮᠠ ᡝᠨᡳᠶᡝᡳ ᠠᠵᡳᡤᡝᠨ ᠴᡳ ᡠᠯᡝᠪᡠᠮᡝ ᡨᡝᠪᡝᠯᡳᠶᡝᠮᡝ ᠪᠠᡤᡳᠶᠠᠮᡝ ᡴᠠᡴᠠᠮᡝ ᡤᠣᠰᡳᠮᡝ ᡥᡡᠸᠠᡧᠠᠪᡠᡵᡝ ᡩᡝ ᠵᠣᠪᠣᠮᡝ ᠰᡠᡳᠯᠠᡥᠠ ᡤᠣᠰᡳᡥᠣᠨ ᡤᡡᠨᡳᠨ ᠪᡝ ᠠᡳ ᡥᡝᠨᡩᡝᡠᡵᡝ᠈ ᡨᡝᡵᡝ ᡩᠠᡩᡝ ᠮᡠᠰᡝᡳ ᠪᡝᠶᡝ ᠠᠮᠠ ᡝᠨᡳᠶᡝ ᡳ ᠪᡠᡥᡝᠩᡤᡝ ᡴᠠᡳ᠈ ᠶᠠᠶᠠ ᠪᠠᡳᠯᡳ ᡝᡵᡝᠴᡳ ᠵᡳᡵᠠᠮᡳᠨ ᡠᠵᡝᠨ ᠨᡳᠩᡤᡝ ᡤᡝᠯᡳ ᠪᡳᠣ᠈ ᡝᡵᡝᠪᡝ ᡤᡡᠨᡳᡥᠠᡩᡝ᠈ ᠠᡳ ᡥᠠᠴᡳᠨ ᡳ ᠪᠠᡳᠯᡳ ᠵᠠᡶᠠᡴᡳ ᠰᡝᡥᡝ ᠰᡝᠮᡝ ᡨᡠᠮᡝᠨ ᡩᡝ ᡝᠮᡤᡝᡵᡳ ᡨᡝᡥᡝᡵᡝᠪᡠᠮᡝ ᠮᡠᡨᡝᠮᠪᡳᠣ᠉
別人的好物厚恩受了之後，尚且說善有善報惡有惡報，必定勤勉報答，何況爹娘從小供食懷抱、把屎把尿養大，勞累辛苦呢？這本就是咱們的身體是爹娘給的啊，任何恩情還有比這個大的嗎？這樣一想，以任何方式報恩能及得上萬分之一嗎？
ᡥᡳᠣᠣᡧᡠᠨ ᠰᡝᡵᡝ ᡤᡳᠰᡠᠨ ᠵᡠᡳ ᠣᡥᠣ ᠨᡳᠶᠠᠯᠮᠠ ᡳ ᡤᡡᠨᡳᠨ ᠠᡴᡡᠮᠪᡠᡵᡝ ᡩᡝᠪᡳ᠈ ᡠᠮᠠᡳ ᡝᠨᠴᡝᡥᡝᠨ ᡥᡡᠰᡠᠨ ᡩᡝ ᠠᡴᡡ᠈ ᡠᡩᡠ ᠮᡠᠸᠠ ᠪᡠᡩᠠ ᡠᠯᡝᠪᡠᠮᡝ ᠮᡠᡴᡝ ᠣᠮᡳᠪᡠᠮᡝ ᡠᡳᠯᡝᠴᡳᠪᡝ᠈ ᠨᡳᠶᠠᠯᠮᠠ ᡳ ᠰᡝᡵᡝᠪᡠᡵᡝ ᠣᠩᡤᠣᠯᠣ ᡨᠣᠰᠣᠮᡝ ᡤᡡᠨᡳᠨ ᠠᡴᡡᠮᠪᡠᠮᡝ ᠮᡠᡨᡝᠴᡳ ᡠᡨᡥᠠᡳ ᡥᡳᠶᠣᠣᡧᡠᠩᡤᠠ ᠰᡝᠮᠪᡳ᠈ ᡨᡝᡵᡝ ᡤᠠᠵᡳ ᠰᡝᡥᡝ ᠪᡝ ᡨᡠᠸᠠᠮᡝ ᠠᠴᠠᠪᡠᡵᡝᠩᡤᡝ ᡝᡳᡨᡝᡵᡝᠮᡝ ᡝᠯᡤᡳᠶᡝᠨ ᡨᡠᠮᡳᠨ ᡳ ᡴᠠᡵᡠᠯᠠᠮᡝ ᠠᠯᡳᠪᡠᡥᠠ ᠰᡝᠮᡝ ᠈ ᠨᠠᠨᡩᠠᠪᡠᡥᠠᠩᡤᡝ ᡩᠠᠪᠠᠯᠠ᠈ ᠠᡳ ᡩᠠᠪᡠᡶᡳ ᡤᡳᠰᡠᡵᡝᡵᡝ ᠪᠠᠪᡳ᠉
所謂孝順，在於為人子的（人）盡心，並不在於家財權勢，即使粗茶淡飯地奉養，只要能在父母發話前提前盡心，就是孝順的了。那種看（父母）說了「要」了的才去迎合的人，即使虛情假意地大力奉承，也是被要求（這樣做）罷了，有什麼值得說的呢？
ᡤᡳᡵᡠᡨᡠ ᠰᡝᡵᡝ ᡥᡝᡵᡤᡝᠨ ᠨᡳᠶᠠᠯᠮᠠ ᡩᡝ ᡥᠣᠯᠪᠣᠪᡠᡥᠠᠩᡤᡝ ᡠᠮᡝᠰᡳ ᡠᠵᡝᠨ ᠈ ᡨᡝᠪᠴᡳ ᠪᡝᠶᡝᡩᡝ ᡤᡡᠨᡳᠨ ᠠᡴᡡ ᡳ ᡝᠨᡩᡝᠪᡠᡴᡠ ᠪᡳᡶᡳ ᡝᠮᡠ ᠴᡳᠮᠠᡵᡳ ᠠᠨᡩᠠᠨᡩᡝ ᠰᡝᡵᡝᡶᡳ ᡤᡳᡵᡠᠴᡳ ᡠᡵᡠᠨᠠᡴᡡ ᡳᠯᡳᡥᠠᡳ ᡤᠠᡳᡥᠠᡵᡳ ᡥᠠᠯᠠᠮᠪᡳ᠈ ᠠᡳᡴᠠ ᡤᡡᠸᠠ ᠨᡳᠶᠠᠯᠮᠠᡳ ᠶᠠᠪᡠᠨ ᠪᡝᠩᠰᡝᠨ ᡩᡝ ᡳᠰᡳᡵᠠᡴᡡ ᠪᠠ ᠪᡳᡶᡳ ᠈ ᡤᡳᡵᡠᠮᡝ ᠰᠠᠴᡳ᠈ ᡠᡵᡠᠨᠠᡴᡡ ᠮᡠᠵᡳᠯᡝᠨ ᠰᡳᡨᡥᡡᡶᡳ ᡥᡡᠰᡠᠨ ᡳ ᡝᠪᠰᡳᡥᡝ ᡴᡳᠶᠠᠩᡩᡠᠯᠠᠮᡝ ᡴᡳᠴᡝᠮᠪᡳ᠈ ᡝᡵᡝ ᡳᠨᡳ ᠴᡳᠰᡠᡳ ᠪᠠᠨᠵᡳᠨᠠᡵᠠ ᠪᡠᠶᡝᠨᡳᠨ ᡤᡳᠶᠠᠨ᠈ ᡠᡨᡨᡠ ᠣᡶᡳ ᡩᠠᠮᡠ ᡤᡳᡵᡠᡵᡝ ᠪᡝ ᠰᠠᠴᡳ ᡨᡝᡨᡝᠨᡩᡝᡵᡝ ᡥᠠᠯᠠᡵᠠ ᡴᡳᠴᡝᡵᡝ ᡩᡝ ᡥᡡᠰᡠᡨᡠᠯᡝᡵᠠᡴᡡᠩᡤᡝ ᠵᠠᡳ ᠠᡴᡡ᠈ ᠨᡳᠶᠠᠯᠮᠠ ᡳ ᠪᡝᠶᡝᠪᡝ ᡨᡠᠸᠠᠨᠴᡳᠶᠠᡵᠠ ᡩᡠᡴᠠ ᠰᡝᡵᡝᠩᡤᡝ ᡝᡵᡝᠪᡝ ᡴᠠᡳ᠉
羞恥一字與人的關係非常重，譬如有了自身無意的過失，一朝猛然醒悟，感到羞恥的話必定立即改成。如果有不如別人的行為本領的地方，知道羞恥的話，必定心志勤勉、全力振奮。這就是他的自然情感之理，所以既然知道羞恥，憑着改成勤勉，不努力的人是沒有的。人的修身之門說的就是這個啊。
ᠶᠠᠶᠠ ᡝᠮᡠ ᠵᡝᡵᡤᡳ ᠸᡝᠰᡳᡴᡝ᠈ ᡝᠮᡠ ᡨᠠᠩᡴᠠᠨ ᡳᠪᡝᡥᡝᠩᡤᡝ᠈ ᡤᡝᠮᡠ ᠪᡝᠶᡝᡳ ᠵᠣᠪᠣᠮᡝ ᡴᡳᠴᡝᡥᡝ ᡶᠠᡧᡧᠠᠨ᠈ ᠪᠠᡥᠠ ᠮᠠᠩᡤᡳ ᠠᠯᠪᠠᠨ ᡩᡝ ᡝᠯᡝ ᡶᡠᠨᡨᡠᡵᡧᠠᠮᡝ ᡴᡳᠴᡝᠮᡝ᠈ ᠪᠠᡳᡨᠠ ᡩᡝ ᡝᠯᡝ ᡠᠨᡝᠩᡤᡳᠯᡝᠮᡝ ᡤᡡᠨᡳᠨ ᠠᡴᡡᠮᠪᡠᠮᡝ ᡶᠠᡧᡧᠠᠴᡳ ᠠᠴᠠᠮᠪᡳ᠉ ᠠᡳᡴᠠ ᡥᡠᠸᡝᡴᡳᠶᡝᡶᡳ ᡴᠠᠩᡨᠠᡵᡧᠠᠮᡝ ᠠᡵᠪᡠᡧᠠᡵᠠ᠈ ᡝᡳᠴᡳ ᠸᡝᡵᡳ ᡳ ᡥᡠᠸᡝᡴᡳᠶᡝᠨ ᡩᡝ ᡩᠣᠰᡳᡶᡳ᠈ ᡠᡵᡴᡳᠨ ᠪᡝ ᡩᠠᡥᠠᠮᡝ ᠰᠠᡵᡤᠠᡧᠠᡵᠠ ᠣᠴᡳ᠈ ᡨᡝᡵᡝ ᡠᡨᡥᠠᡳ ᡶᡝᠩᡧᡝᠨ ᡝᡨᡝᡵᠠᡴᡡ᠈ ᠵᠠᡴᠠ ᠪᡠᠶᠠ ᠵᠠᠯᡠᡵᡝ ᠵᠠ ᠰᡝᡵᡝᠩᡤᡝ ᠠᡳ ᡩᠠᠪᠠᠯᠠ᠉
升了一級，晉了一階，都是自己辛勞勤奮的成果，有了以後差事上要更盡力勤勉，公務上要更竭誠盡心。如果奮鬥之後就趾高氣昂手舞足蹈，或者跟着別人一起沉迷於聲色犬馬的話，那就是受不起福、器小易盈什麼的罷了。
ᠠᠯᠪᠠᠨ ᡴᠠᡵᠠ ᠨᡳᠶᠠᠯᠮᠠ ᡩᡝ ᡳᠯᠠᠨ ᠣᠶᠣᠩᡤᠣ ᠪᡳ᠈ ᡠᠵᡠ ᡩᡝ ᡩᡝᡵᡝ᠈ ᠶᠠᠶᠠ ᡩᡠᡴᠰᡝᡵᡝ ᡤᡳᡵᡠᡵᡝ ᠪᠠᡳᡨᠠ ᠪᡝ ᡨᠠᡵᡤᠠᠴᡳ ᠠᠴᠠᠮᠪᡳ᠈ ᠵᠠᡳ ᡩᡝ ᠮᡠᡨᡝᠨ᠈ ᡨᡠᡧᠠᠨ ᡳ ᡩᠣᡵᡤᡳ᠈ ᠪᠠᡳᡨᠠ ᠪᡝ ᡤᡡᠨᡳᠨ ᡤᡳᡵᡴᡡᡶᡳ ᡨᠠᠴᡳᠴᡳ ᠠᠴᠠᠮᠪᡳ᠈ ᡳᠯᠠᠴᡳ ᡩᡝ ᡴᡳᠴᡝᠪᡝ᠈ ᠵᠠᠪᡧᠠᠨ ᠪᡝ ᡥᡝᡦᡝᡵᡝᡵᡝ ᠈ ᠵᠣᠪᠣᡵᠣ ᠪᡝ ᠰᡳᠯᡨᠠᡵᠠ ᠣᠴᡳ ᠣᠵᠣᡵᠠᡴᡡ᠈ ᡠᠨᡝᠩᡤᡳ ᡥᡡᠰᡠᠨ ᡳ ᡶᠠᡧᡧᠠᠴᡳ ᠠᠴᠠᠮᠪᡳ᠉ ᡩᡝᡵᡝ ᠪᡝ ᠠᡳᡴᠠ ᠨᡝᠨᡝᠮᡝ ᠸᠠᠵᡳᠴᡳ᠈ ᡤᡳᠴᡠᡴᡝ ᠮᠠᠩᡤᡳ᠈ ᠠᡩᠠᡵᠠᠮᡝ ᡤᡝᡵᡝᠨ ᡩᡝ ᡨᡠᠸᠠᠪᡠᠮᠪᡳ᠈ ᡠᡨᡥᠠᡳ ᠶᠠᠮᡠᠨ ᡳ ᡩᠣᡵᡤᡳ ᡤᡠᠴᡠ ᡥᠠᡶᠠᠰᠠᡳ ᡝᠮᡤᡳ᠈ ᠣᡶᠣᡵᠣ ᠶᠠᠰᠠ ᡝᠮᡠ ᠪᠠᡩᡝ ᡶᡠᠮᡝᡵᡝᡵᡝ ᡩᡝ ᠈ ᡳᠨᡠ ᡤᠠᡳᡨᠠᡳ ᡤᠠᡳᡨᠠᡳ ᡩᡝᡵᡝ ᠰᠣᡵᠣᠴᠣᠮᠪᡳᡴᠠᡳ᠉
當差之人，有三點要緊：一是臉面，任何羞恥臉紅之事都應該戒止；二是本事，在任內要專心致志學習做事；三是勤奮，占小便宜、推諉偷懶都不可以，應盡心竭力奮鬥。臉面如果先丟了，羞恥以後，怎麼叫眾人看你呢？就是衙門裡的朋友同事，一起鼻子眼睛混在一塊（看你），也是一瞬間就會不好意思的啊。
ᠰᠠᡴᡩᠠᠰᠠ ᠮᡠᠰᡝ ᠪᡝ ᠵᡠᠰᡝᡳ ᡶᠣᠨᠴᡳ ᡥᡡᠸᠠᡧᠠᠪᡠᠮᡝ ᡠᠵᡳᠮᡝ ᡩᡝ᠈ ᠠᠨᡨᠠᡴᠠ ᠣᠣᡵᡳ ᠰᡳᠮᡝᠨ ᠪᡝ ᠸᠠᠴᡳᡥᡳᠶᠠᡥᠠ᠈ ᠨᡳᠮᡝᡵᡝ ᠶᠠᠩᡧᠠᡵᠠ ᡩᡝ ᠈ ᠠᠨᡨᠠᡴᠠ ᠨᡳᠶᠠᠮᠠᠨ ᡳ ᠰᡝᠩᡤᡳ ᠪᡝ ᠣᠯᡥᠣᠪᡠᡥᠠ᠈ ᡩᡝᡵᡝ ᡶᠣᠨᡩᡝ᠈ ᠠᡳᡴᠠ ᡝᡵᡤᡝᠨ ᡥᠠᠵᡳ᠈ ᠮᡠᠵᡳᠯᡝᠨ ᡥᡡᠰᡠᠨ ᠪᡝ ᡥᠠᡳᡵᠠᠮᡝ ᡶᡠᠨᠴᡝᠪᡠᠮᡝ ᠠᠰᠠᡵᠠᡴᡳ ᠰᡝᡥᡝ ᡤᡡᠨᡳᠨ ᠮᠠᠵᡳᡤᡝ ᠪᡳᡥᡝᠣ᠈ ᠠᡴᡡ ᡴᠠᡳ᠉ ᠮᡠᠰᡝ ᡠᡩᡠ ᡥᡳᠶᠣᠣᡧᡠᠯᠠᡵᠠ ᡩᠣᡵᠣ ᠪᡝ ᡥᠣᠨ ᡠᠯᡥᡳᡵᠠᡴᡡ ᠪᡳᠴᡳᠪᡝ᠈ ᡨᠣᠣᡩᠠᠮᡝ ᡴᠠᡵᡠᠯᠠᡵᠠ ᡥᡳᠩ ᠰᡝᡵᡝ ᡥᡡᠨᡳᠨ ᠪᡝ ᠮᡠᡨᡝᡵᡝᡳ ᡨᡝᡳᠯᡝ ᠠᡴᡡᠮᠪᡠᡵᠠᡴᡡ ᠣᠴᡳ᠈ ᡩᠣᠯᠣ ᡨᡝᠪᠴᡳᠮᠪᡳᠣ᠈ ᠠᠪᠠᡴᠠ ᡳᠨᡠ ᠠᡳᠨᠠᡥᠠᡳ ᠣᠵᠣᡵᠣ᠉
老人把咱們從小時候養育大，多麼耗精神。（咱們小時候）生病煩躁時，何等地耗干心血。那時候，如果想要惜身子、額外惜心血存力氣，這種想法有過嗎？沒有啊。咱們即使不很理解孝道，如果回報的誠意沒有竭盡所能，忍心嗎？老天又怎會允許。
ᠶᠠᡥᠠ ᡩᠠᠮᠪᠠᡤᡠ᠈ ᡶᠣᠮᠣᡵᠣ ᡩᠠᠮᠪᠠᡤᡠ᠈ ᠨᡠᡵᡝ᠈ ᠨᡳᠶᠠᠨᡳᠶᠣᠨ ᡳ ᠵᡝᡵᡤᡳ ᠵᠠᡴᠠ ᠪᡝ᠈ ᠮᡠᠰᡝᡳ ᠵᡠᠰᡝ ᡩᡝ ᡠᠮᡝ ᡨᠠᠴᡳᠪᡠᡵᡝ᠈ ᡩᠠᠮᠪᠠᡤᡠ ᡤᠣᠴᡳᡴᠠ ᠨᡠᡵᡝ ᠣᠮᡳᡥᠠ ᠰᡝᠮᡝ᠈ ᠣᠮᡳᠩᡤᡝ ᠵᡝᠮᡝᠩᡤᡝ ᡩᡝ ᡩᠠᠩᠨᠠᠴᡳ ᠣᠵᠣᡵᠠᡴᡡ ᠪᡳᠮᡝ᠈ ᡥᠠᠴᡳᠨ ᡥᠠᠴᡳᠨ ᡩᡝ ᡤᡝᠮᡠ ᡴᠣᡵᠣ ᠪᠠᡥᠠᡵᠠ ᠪᠠᠪᡳ᠉ ᡩᡝᡴᡩᡝᠨᡳ ᡤᡳᠰᡠᠨ ᠠᠵᡳᡤᠠᠨ ᠴᡳ ᡥᡡᠸᠠᡧᠠᠪᡠᡥᠠᡩᡝ ᠠᠪᡴᠠᡳ ᠪᠠᠨᡳᠨ ᡳ ᠠᡩᠠᠯᡳ᠈ ᡨᠠᠴᡳᠮᡝ ᡳᠯᡳᠮᠪᠠᡥᠠᡩᡝ ᡳᠨᡳ ᠴᡳᠰᡠᡳ ᠣᡥᠣ ᠠᡩᠠᠯᡳ ᠰᡝᡥᡝᠪᡳ᠈ ᡨᡝ ᡨᠠᠴᡳᠮᡝ ᡩᡠᠪᡳᡶᡳ᠈ ᠮᡠᡨᡠᡥᠠ ᠮᠠᠩᡤᡳ᠈ ᡨᡝᠨᡳ ᡨᠠᡵᡤᠠ ᡥᠠᠯᠠ ᠰᡝᠴᡳ ᠮᠠᠩᡤᠠ ᡴᠠᡳ᠈ ᡨᡝᡵᡝ ᠠᠩᡤᠠᠯᠠ᠈ ᡠᠨᡝᠩᡤᡳ ᡳᠮᠪᡝ ᠵᡠᠰᡝ ᠨᡳᠶᠠᠯᠮᠠ᠈ ᠪᠠᡳᡨᠠ ᠠᡴᡡ ᡩᡝ ᡨᠣᠣᡴᠠᠪᡠᡵᡝ ᡝᡶᡳᡵᡝ ᡨᠣᠨ ᠣᡴᡳᠨᡳ ᠰᡝᠴᡳ᠈ ᡝᡵᡝ ᡧᠣᠯᠣ ᡩᡝ ᠠᡳᠨᡠ ᡳᠨᡩᡝ ᡶᡠᠰᡠᡵᡝ ᡝᡵᡳᡵᡝ ᠵᠠᠪᡠᡵᡝ ᠠᠴᠠᠪᡠᡵᡝ ᡳᠪᡝᡵᡝ ᠪᡝᡩᡝᡵᡝᡵᡝ ᠵᡠᠰᡝᡳ ᡩᠣᡵᠣ ᠪᡝ ᡨᠠᠴᡳᠪᡠᡵᠠᡴᡡ ᠨᡳ᠈ ᠠᠮᠪᠠᡴᠠᠨ ᠵᡠᠰᡝ ᠣᡥᠣᡩᡝ᠈ ᡥᡳᠶᠣᠣᡧᡠᠨ ᡩᡝᠣᠴᡳᠨ ᡨᠣᠨᡩᠣ ᠠᡴᡩᡠᠨ ᡳ ᠪᠠᡳᡨᠠ ᠪᡝ ᡳᠨᡝᠩᡤᡳᡩᠠᡵᡳ ᡝᡵᡩᡝ ᠴᡳ ᠶᠠᠮᠵᡳᡨᠠᠯᠠ᠈ ᠶᠠᠪᡠᠮᡝ ᡝᠯᡝᡵᠠᡴᡡ ᡴᠠᡳ᠈ ᡨᡝ ᠴᡳ ᠵᡠᠰᡝᡳ ᡩᠣᡵᠣ ᡳ ᡳᠯᡩᡠᠨ ᡩᡝᡵᡳ ᡥᡡᠸᠠᡧᠠᠪᡠᠮᡝ ᡤᠠᠮᠠᠴᡳ᠈ ᡝᡵᡝ ᠵᡝᡵᡤᡳ ᡨᡠᠯᡤᡳᠶᡝᠨ ᡩᡝᠮᡠᠨ ᠪᡝ ᠶᠠᡵᡥᡡᡩᠠᠮᡝ ᡨᠠᠴᡳᠪᡠᡵᡝ ᠴᡳ ᠠᡳ ᡩᠠᠯᠵᡳ᠉
旱煙、鼻煙、酒和檳榔等物，不要教給咱們的孩子。所謂抽煙喝酒等不可充當飲食，而且樣樣都有危害。常言道：「少成若天性，習慣成自然」。現在學習慣了，長大以後才說要戒止改正，難啊。況且，即使說他是個孩子，無所事事時當做消遣遊戲的玩意兒，那有這個空閒，為什麼不教他灑掃應對進退的孩童之禮呢。孩子長大以後，孝悌忠信的事情每天從早到晚也行不足啊。從現在起把孩童之禮捎帶着教給（孩子），這樣比另外教些旁的別的強多了。