新潮月刊/第1期/Danqbaq tonqsin
Danqbaq Tonqsin
Cinjnaigai D.——zxue;
Xianzai, walai gai nin bogao-guagai siaoseq:
1) Gngy gungaigai gnuawan tuancuqlai gai siaoseq dna: zi gngn Rhiqbn digoqzunqi amzne pailiao 3 sytuan bnia gao Monqgou xy katao; si pasn jnai zanq Monqgou gai-Imuezo dnoi-2gai Muaziugoq.
2) Xianzai do Muaziugai Nqijonqgun ga Giugoqgun jnigeng liangao zosi lixai, 8 gh. 14 xio zeqrhiq do li Xarhybin 3 poughualou gai dixnq, u 40 ghuagai Nqijonqgun xuaqxian Rhiqbn ga Muaziugoqgai gundui dui In tanqminznoi zaolai, zi 40ghua nan suisi geji tokui, enq zia laopian deqrhingai xuaqzy, gaqgeq xyco Rhiqbn ga Muaziugai gundui zoqzoq donqliao Ngijonqgun gai goi, Nqijonqgungai duadui zu dui In gai I baowigin nago; gaqgeq pasi 30 ghuagai Rhiqbnbnia, pasi 10 ghuagai Muaziubnia, pasniogai u 30 ghuanan! bun I zaokygai znia 10 ghuanan-dnia. Xyco siusnio gai nan lonqzonq do 16 xo xyme 3 dian zenqgai sizun sanqgao Xarhybin Nangang ciliq wijni ky wi. 17xo iu u zeqgai snio bnia si liao! Zico siaoseq do Muaziugai bozuago si tnoi bhogai, Rhiqbn ga Muaziu gai gnuaxuxue longzonq dna: gaisi inwi lo iansiqgai sizun, gagi m siosim, digao bun I pasiky.
3) Dai kai do 2gai loibai znoi, Ngijonqgun do li Xarhybin 10 pou kiaolon zeqgai "Bingbin" gnui go ga Rhiqbn gundui siotai, gaqgeq Nqijonqgungo zeqgai zyniogai taolo bun Rhiqbnbnia pasnio, suabun In liaky, asi do Xarhybin ciliq wijnigo lowi. Dansi, Ii do ianqbnegai sizun, zu dui xygai lo znio Iigai genqcaq ga lo tnoixu Ii xygai tnoixuxu suan tuan Nqijonqgungai xocu, gaqgeq lonqzong siuliao Iigai goudonq, Inan 4gai nan zu do zeqgai am'amgai megua tao zao cuqlailiao. Dansi, zignia sy bun Igai gundui tniazai, suisi pai liao 2 zia tigacia cuqlai rhiao, gao bhueciu do li snia znia poulou gai dixnq, bun Inan rhiaodio liao, dansi zigo lo nqenqzi Inangai Nqijonqgun a lailiao 200 ghua nan, Rhiq bn bnia tnoidio zaidna bhobian, zu zanq zi 4 gai ionqgnagai ziansy dnuadiao liao!! Zniobnoi zico sy longzonq si zosi siqzai gai. Wa gandnua bogao bunnin, Cnia nin do "Womndi shgie" ga gaqzenqgai bozua znio denqcuqlai, bogao bun cinjnaigai cuangoq nan min!
——Znio bnoi zipian tonqsin, suirhian u zeqco we inwi sigan ge kagu biansenq gueky, dansi xnua u zeqco we si daqdiq gai daige bogao, rhycnia Fantan d-z xnua ximo cuangoq bozua denqzai, sojni zu guaqdnia denqcuqlai naan Dioziu dangbao tnoi.
——pianzia