新編廣東省城白話

新編廣東省城白話
作者：許雪航
1928年

第一集通用分類及什詞

第一課基數
第二課成數
第三課序數及分數
第四課日期月份星期
第五課四季天干地支節令
第六課時刻
第七課宮室
第八課廳堂傢私
第九課房內傢私
第十課厨房傢私
第十一課文具用品
第十二課衣服
第十三課手巾鞋襪
第十四課什物用具
第十五課火食飮料
第十六課生菓
第十七課荼烟酒水
第十八課仝上
第十九課瓜菜
第二十課海鮮
第二十一課虫蟻
第二十二課雀鳥
第二十三課禽獸
第二十四課花木
第二十五課樹木
第二十六課中藥草部
第二十七課仝上
第二十八課中藥木部
第二十九課中藥什物部
第三十課中藥動物部
第三十一課西藥
第三十二課身體
第三十三課仝上
第三十四課仝上
第三十五課疾病
第三十六課仝上
第三十七課天文及常物
第三十八課地方及常物
第三十九課辦事機關
第四十課皇族官制
第四十一課犯法刑罰訴訟
第四十二課人倫
第四十三課仝上
第四十四課人物
第四十五課仝上
第四十六課仝上
第四十七課職業
第四十八課仝上
第四十九課交通
第五十課宗敎顏色欵式
第五十一課相對名詞
第五十二課通用詞及成語
第五十三課仝上
第五十四課仝上
第五十五課仝上
第五十六課仝上
第五十七課仝上
第五十八課仝上
第五十九課仝上
第六十課仝上
第六十一課散話
第六十二課仝上
第六十三課仝上
第六十四課仝上
第六十五課仝上
第六十六課仝上
第六十七課仝上
第六十八課廣州城背語
第六十九課鷄公仔
第七十課月光光

上集第一課　基數

急口音一二三四五六七　七六五四三二一

一　二　三　四　五　六　七　八　九　十　十一　十二　十三　十四　十五　十六　十七　十八　十九　二十　廿一　廿二　廿三　廿四　廿五　廿六　廿七　廿八　廿九　三十　四十　五十　六十　七十　八十　九十　一百　一千　一萬　十萬　一百萬

其餘照此樣數，推算計去，就妥當咯。

第二課　成數

一二如二　二二如四　三二如六　四二如八　五二得一十　六二一十二　七二一十四　八二一十六　九二一十八　十個二二十

一厘重，十厘爲一分，十分爲一錢，十錢爲一両，十六両爲一斤，一百斤爲一担，十二両爲一磅。

十分爲一寸，十寸爲一尺，十尺爲一丈，二尺四寸爲一碼，十二件爲一打，十二打爲一沽律。

問斤求両，一。六二五，二。一二五，三。一八七五，四。二五，五。三一二五，六。三七五，七。四三七五，八。五，九。五六二五，十。六二五，十一。六八七五，十二。七五，十三。八一二五，十四。八七五，十五。九三七五，十六。一斤，

第三課　序數及分數

第一　第二　第三　第四　第五　第六　第七　第八　第九第十　第十一　第十二　第十三　第十四　第十五　第十六第十七　第十八　第十九　第二十　仝上的類推　一次　二次　三次　四次　五次　六次　七次　八次　九次　十次　一半兩份之一　三份一　四份一　五份一　六份一　七份一　八份一　九份一　十份一　百份一其餘照仝上類推。

第四課　日期月份及星期

日期，一日期，兩日期，三日期，四日期，五日期，六日期，七日期，八日期，九日期，十日期，一個禮拜期，一個星期，一個月零一日期，個半月期，其餘照類推。

月份，正月，二月，三月，四月，五月，六月，七月，八月，九月，十月，十一月，十二月，潤月，新歷年。

星期，（或禮拜）星期日，星期一，星期二，星期三，星期四，星期五，星期六。

第五課　四季·天干·地支·節令

四季，春，夏，秋，冬。

天干，甲，乙，丙，丁，戊，己，庚，辛，壬，癸。

地支，子，丑，寅，卯，辰，已，午，未，申，酉，戌，亥。

節令，立春，雨水，驚蟄，春分，清明，穀雨，立夏，小滿，芒種，夏至，小暑，大暑，立秋，處暑，白露，秋分，寒露，霜降，立冬，小雪，大雪，冬至，小寒，大寒。

第六課　時刻

秒，分，一個刻，半点鐘，三個刻，一点鐘，天矇光，朝頭早，上晝，晏晝，下晝，挨晚，晚黑，半夜，前幾日，前日，尋日，昨日，聽日，明日，後日，大後日，過幾日，第日，，前幾個月，前個月，先個月，呢個月，第個月，下個月，過兩個月，過幾個月，前幾年，前年，舊年，去年，今年，明年，出年，過兩年，過幾年，前幾個禮拜，前個禮拜，呢個禮拜，第二個禮拜，下個禮拜，遲兩個禮拜，生辰，忌辰，基督聖誕，一世紀，幾世紀。

第七課　宮室

宮殿，造幣廠，博物院，紅十字會，癲狂院，醫院，禮拜堂，福音堂，廟堂，師姑庵，和尚寺，道觀，祠堂，學宮，醫生館，善堂，痲瘋院，兵房，巡警區，監房，拘留所，燈塔，公館，俱樂部，店舖，公司，行口，酒店，餐館，當舖，應接所，辦公室，談話室，食烱室，圖書舘，密室，厨房，洗身房，洋樓，紅毛坭，石屎屋，磚屋，木屋，板屋，高脚栅，兩層樓，三層樓，寄宿舍，戲院，電戲院，西菜館，酒樓，老𦦙寨，花茶舖，跳舞塲，金字瓦面，平天檯，單間過，兩便過，三便過，兩進深，三進深，天井，大廳，橫廳，客廳，睡房，前房，後房，騎樓，巡廊，欄杆，花基，樓梯，石級，門淺，磚牆，泥墻，板賬，大門，橫門，後門，窗門，門閂，門較，門扣，鎖較，門圈，門鈎，堦磚，瓦。

第八課　廳堂傢私

神檯，八仙檯，圓檯，公座椅，茶機，斗平，馬乎，茶壼，茶壼盖，焗盅，焗盅盖，茶船，茶杯，茶杯盤，大花瓶，鏡瓶，大相，圖畫，地理圖，古畫，字畫，山水畫，公仔畫，水烟筒，痰罐，新聞紙夾，書櫃？書架，衫架，帽架，鏡架，花旗椅，藤椅，時辰鐘，月份牌。

第九課　房中傢私

大櫃，掛衣櫃，五桶櫃，梳粧檯，面盆檯，大鏡，照身鏡，睡椅，大床，鉄床，㠶布床，舖盖，蚊帳，帳簷，帳鈎，床圍，珠被，遊客毡，棉被，被面，被單，被頭，被間，褥，枕頭，瓦枕，漆皮枕，軟枕，枕頭袋，枕頭套，枕頭布，蓆，竹蓆，藤蓆，草蓆，皮槓，木槓，藤𠲵，皮袋，毛巾，面盆，哴口盅，脚盆，牙擦，牙粉，香梘，冲凉，臭梘。

第十課　厨房傢生

大灶，灶寵，灶頭，灶口，烟通，大鑊，鑊仔，鑊盖，鑊耳，鑊鏟，火鉗，火筒，菜刀，砧板，筷子，箸筒，匙羹，湯碗，鉢頭，飯碗，碟，大碟，細碟，碟仔，豉油碟，茶煲，瓦撑，瓦煲仔，銅煲，蒸籠，燉盅，水缸，米缸，甕仔，稍水缸，𮭭甕，豉油樽，五味架，胡椒筒，鹹味盆，托盆，酒乎，酒杯，邊爐，煖鍋，飯壳，水壳，漏壳，罩籬，筲箕，窩籃，買菜籬，鑊撈，火譚煤，柴，炭，把碼油，洗碗盆，竹箍，爐灰，碗櫃，砧板檯。

第十一課　文具用品

文具，書，紙，筆，墨，墨硯，墨盒，墨膠，天然墨，墨水，墨水壼，墨水樽，索水紙，信紙，信箋，信封，信袋？擦墨膠，粉筆，墨水筆，毛筆，石板，石筆，自來水筆，筆升，，筆塌筒，筆杆，筆嘴，鋼板，鋼筆，算盤，字格，法帖，字簿，篆書，隸書，草書，楷書，行書，界尺，橺尺，字典，敎科書，界紙刀，地圖，名片，咭片，圖章，石印，水晶印，陰湯紋，印色，記事部，掛名部，日記，月份牌，日曆，雜誌，週刋，新聞紙，報紙，小說。

第十二課　衣服類

帽，大禮帽，常禮帽，通帽，樹膠帽，軟草帽，硬草帽，毡帽，絨帽，𠲵帽，包頭，雪帽，帽頂，帽圈，戴帽，竹拆帽，揭帽，銅豉帽，衫，對胸衫，大襟衫，單長衫，夾長衫，長棉衲，長棉袍，皮袍，馬褂，背心，衲夾，棉衲，緊身，夾緊身，棉緊身，汗衫，棉笠衫，衛生衣，冷線衫，褲，長褲，短褲，馬褲，西裝褲，大禮服，演尾大褸，反領西裝，企領西裝，硬領，軟領，領花，領帶，領鈕，袖口鈕，心口針，領帶夾，大褸，中褸，雨褸，裙，懷裙。

第拾三課　手巾鞋襪類

毛巾，面巾，冲凉巾，手巾仔，嚤囉巾，夾邊巾，襪，長襪，短襪，羊毛襪，棉襪，蔴紗襪，線襪，襪筒，襪面，襪底，襪踭，靴，鞋，高底鞋，薄底鞋，學士鞋，皮鞋，綁帶鞋，睡鞋，尖頭鞋，掘頭鞋，拖鞋，撻踭鞋，鞋底，鞋面，鞋踭，千里馬，打波鞋，鬥走鞋，雨水鞋，樹膠鞋，布鞋，㠶布鞋，樹膠鞋底，樹膠鞋踭，釘鞋踭鉄。

第拾四課　什物用具

扇，接扇，葵扇，油紙扇，鵝毛扇，圓扇，扇骨，扇柄，潑扇，雨遮，遮面，遮骨，遮柄，鞭竿，士的，拐杖，門簾，竹簾，布篷，檯圍，椅搭，椅墊，較剪，針，一口針，一眼針，錐，鉄鉗，密嘴鉗，釣魚鈎，鎖，鎖匙，鎖鍊，担杆，竹升，大秤，秤鉈，秤鈎，天平，釐戥，機羅秤，鉄網，鉛線，鉄線，馬口鉄，窩澤，羅盆，指南針，寒暑針，旗杆，國旗，時辰鐘，坐鐘，壁鐘，鏢，金鏢，銀鏢，鋼鏢，開面鏢，密面鏢，鏢墜，鬧鐘，桌燈，吊燈，電燈，煤汽燈，大光燈，燈筒，燈罩，燈胆，風扇，電燈掣。

第拾五課　伙食飮料

飯，煲飯，煑飯，白飯，糯米飯，炒飯，會飯，飯黏，煲燶飯，飯湯，飯焦，便飯，早飯，食晏，晚飯，消夜，粥，煲粥，猪肉粥，及第粥，魚生粥，鷄粥，包魚鴨粥，柴魚花生粥，蝦球粥，牛肉粥，白果粥，去濕粥，餸菜，咸疍，茶瓜，菜甫，梅菜，腐乳，南乳，豆腐，豆腐花，豆乾，麵食，炒麵，上湯麵，會麵，伊甫麵，甫魚麵，飽，咸飽，甜飽，餃，蝦餃，水餃，咸肉粽，燒賣，燒飽，餛飩，湯圓，鹼水粽，菓蒸，杏仁茶，蓮子羹，鷄疍茶。

第拾六課　仝上

咖啡，牛奶，雪糕，密糖，白糖，黃糖，沙糖，片糖，冰糖，糖果，糖蓮藕，糖蓮子，糖椰，花生糖，芝蔴糖，杏仁糖，香蕉糖，薄荷糖，麥芽糖，𮭭，生𮭭，熟𮭭，消𮭭，豉油，抽油，白油，硃油，醋，白醋，淅醋、烏醋，蔴油，豆油，椰油，生油，猪油，芥辣，芥末，芥醬，蔴醬，辣椒醬，海鮮醬，餅，硬皮餅，軟皮餅，蘇皮餅，餅干，甜餅干，咸餅干，夾心餅干，糕，鷄疍糕，蘿蔔糕，芋頭糕，九層糕，年糕，麵飽，

第十七課　茶烟酒水

茶，淸茶，濃茶，茶葉，普宜茶，水仙茶，烏龍茶，奇種茶，紅茶，靑茶，炒茶，煲茶，冲茶，飮茶，煙，煙仔，呂宋煙，熟煙，條絲煙，煙絲，煙餅，水煙筒，煙咀，煙斗，食煙，戒煙，煙頭，煙灰，煙屎，酒，糯米酒，洋酒，白蘭地酒，威士忌酒，菩提酒，酒餅，酒糟，斟酒，飲酒。敬酒，陪酒，水，担水，打水，荷蘭水，汽水，橙水，梳打水，沙示水，桑枝水，白雪水，

第十八課　生菓

桃，李，批杷菓，杧菓，酸梅，楊梅，石榴，番石榴，荔枝，番荔枝，紅毛丹，西瓜，黃皮，波蘿，菱角，海棠菓，苹菓，菩提子，油柑子，沙梨，雪梨，柚，胭脂脚，桑蔴柚，楊桃，紅柿，鷄心柿，水柿，龍眼，香芽蕉，鼓搥蕉，柑，橙，桔，檸檬，金桔，風栗，合桃，杏仁，蓮子，欖仁，馬蹄，椰子，檳榔，柿餅，杏甫，嘉慶子，山渣，桃蓮？

第十九課　瓜菜

冬瓜，節瓜，番瓜，金瓜，黃瓜，茄，矮瓜，番茄，苦瓜，絲瓜，葫蘆瓜，木瓜，蘿蔔，芥菜，芥蘭菜，芥蘭心，波菜，塘蒿，芹菜，莧菜，白菜，白菜心，黃芽白，生菜，椰菜，椰菜花，甕菜，豆角，荷蘭豆，韭菜，芫茜，葱，蒜，蒜頭，洋葱頭，老羗，子羗，大荳芽，細荳芽菜，荷蘭薯，泥洞薯，番薯，苧頭，苧乸，苧仔，葛，番葛，

第二十課　海鮮

魚，魚頭，魚尾，魚眷，魚肚，魚翅、魚骨，魚腮，鱷魚，鯨魚，鯊魚，鯪魚，石班魚，黃花魚，大魚，鯇魚，鱸魚，鯉魚，撻沙魚，左口魚，塘虱魚，烏魚，鱔魚，蝦，龍蝦，大頭蝦，蟹，白蟹、毛蟹，膏蟹，肉蟹，蟹鉗，蟹爪，蟹盖，蟹殼，蟹掩，田鷄，蛤乸，蠄蟝，田螺，田螺虫，響螺，蚌，蠔，蠔豉，水魚，脚魚，龜，鼈，魚膥，大蛇，蛇，蛇仔，水蛇，毒蛇，蛇疍，尸鉗，蟶，蛤，薄壳，蜆，蟚蜞，蜞乸，

第廿一課　虫類

虫，蛀虫，長尾吹，蚊，草蚊，水蚊，硬壳虫，沙虫，烏蠅，蠅虎，蟻，白蟻，黑蟻，黃絲蟻，曱甴，禽蟧，禽蟧絲網，𮭭蛇，蜘蛛，蜘蛛結網，狗虱，木虱，虱乸，黃蜂，蜜蜂，沙蟬，蝴蝶，百足，竹節，龍虱，水面曱甴，草蜢，燈蛾，蠶蛾，蠶虫，蠶絲，蠶繭，塘尾，黃犬，微生物，微菌，螢火，飛鼠，蝠鼠，狗毛虫，樹葉虫，

第廿二課　雀鳥

孔雀，了哥，鸚子，鷹雀，猫頭鷹，天鷄，山鴨，火鷄，鴉雀，露池鳥，駝鳥，鴛鴦，白鴿，麻雀，燕子，鵪鶺，白鶴雁鵝，鷓鴣，烏鴉，水鴨，鷄，鷄公，鷄乸，鷄仔，鷄項，生鷄，線鷄，鷄冠，鷄翼，鷄脚，鷄扶翅，鷄腎，鷄閏，鷄腸，鷄頭，鷄頸，鷄咀，鷄疍，鴨，鵝，

第廿三課　禽獸

馬，驢，牛，黃牛，水牛，羊，綿羊，草羊，猪，狗，獵狗，猫，老鼠，臊鼠，兔仔，野兔，大象，獅子，老虎，豹，金錢豹，駱駝，熊人，海狗，豺狼，烏猿，白猿，馬騮，斑馬，鹿，犀牛，羚羊，犀牛，松鼠，

第廿四課　花木

牡丹，梅花，向日葵，萬年靑，桃花，桂花，蘭花，素心蘭花，吊蘭，菊花，葵花，水仙，吊鐘花，芙蓉花，玫瑰，月季，白玉蘭，黃蘭，茉莉，鷄冠花，百日紅，米仔蘭，荷花，蓮花，蓮葉，蓮藕，蓮蓬，蓮梗，花蕾，花瓣，花蒂，花葉，野花，野草，一朶花，一樖花，一樽花，一盆花，摘花，淋花，種花，靑苔，蒲喬，

第廿五課　樹木

松樹，竹樹，竹筍，竹葉，竹必，茅根，竹篙，梧桐樹，榕樹，棕樹，刺桐樹，扁柏樹，桑樹，木棉樹，蕉樹，柳樹，垂絲柳，榔樹，檳榔樹，荔枝樹，龍眼樹，柑樹，橙樹，桔樹，椂柚樹，芒菓樹，桃蓮樹，石榴樹，鷄屎菓樹，柚柑子樹，白欖樹，楊桃樹，枇杷菓樹，黃皮樹，杉樹，一樖樹，樹根，樹蔃，樹枝，樹葉，樹枒。

第廿六課　中國藥材草部

甘草，人參，沙參，丹參，元參，白朮，牛漆，杭菊，五味子，天冬，麥芽，麥冬，金銀花，紫菀，旋覆花，桔梗，半夏，天南星，貝母，瓜萎仁，天花粉，夏枯草，海草，海帶，昆布，獨活，羌活，防風，葛根，升蔴，白芷，細莘，柴胡，前胡，麻黃，荆芥，連翹，紫蘇，薄荷，木賊，天麻，秦艽，威靈仙，鈎藤，當歸。

第廿七課　仝上

川芎，白芍，地黃，首烏，丹皮，續斷，澤蘭，延胡索，紅花，茜草，鬱金，茅根，大黃，黃岑，黃連，知母，龍胆草，靑黛，防已，木通，通草，澤瀉，車前子，茵陳，靑蒿，附子，巴戟，使君子，益智仁，砂仁，白荳𦸅，香附，木香，藿香，大小茴，蒲公英，山豆根，牛蒡子，土茯苓，洋參，黨參，土木人參，冬虫草，淡竹葉。

第二十八課　中國藥材木部

茯苓，茯神，琥珀，松節，柏子仁，柏葉，肉桂，桂枝，𣏌子，地骨皮，棗仁，杜仲，柿實，桑白，桑寄生，猪苓，黃栢，只實，枳殼，厚朴，檳榔，大腹皮，郁李仁，丁香，乳香，沒藥，冰片，梅片，樟腦，金櫻子，烏藥，川椒，胡椒，蘇木，沉香，檀香，血竭，阿魏，巴豆，大風子，竹瀝，竹茹，枷楠香。

第二十九課　中國藥材什物部

大棗，桃仁，烏梅，陳皮，山渣，枇杷葉，石榴皮，龍眼肉，荔枝核，荷葉，佛手，化州桔紅，穀芽，麥芽，扁豆，赤小豆，淡豆豉，刀豆，胡麻，麻仁，神粬，生羗，乾羗，薑炭，山葯，百合，菜菔，白芥子，絲爪絡，丹砂，水銀，石糕，滑石，朴硝，元明粉，浮石，硼砂，磁石，百草霜，京墨，牛黃。

第三十課　中國藥材動物部

阿膠，虎骨，犀角，羚羊，鹿茸，麝香，熊胆，犀牛皮，象皮，燕窩，龍骨，龍齒，鱷魚胆，禽蛇胆，海狗腎，穿山甲，海螵蛸，龜版，鼈甲，牡蠣，石决明，眞珠，蛤蚧，殭蠶，，蟬蛻，蜈蚣，海蛇，海龍，海虎，海馬，紫河車，童便，秋石，人中黃，人中白。

第卅一課　西藥

加波力，拉蘇，碘酒，𨦗錳�，臭水，樟栳油，松節油，白樹油，紅花油，亞蒙尼亞，瀉油，瀉𮭭，臭丸，魚油，補腦汁，自來血，金鷄納霜，硼酸，消蔃酸，𮭭蔃酸，硫蔃酸，血精，痘漿苗，嗎啡，柑油，乳糖，乳粉，酒精，毒藥，劇藥，石灰水，硫磺，樹膠粉，砒霜，草酸，花土苓，蘇打，食𮭭，𮭭水，鍟養粉，山道連，紗布，膠布，葯餅，葯水，葯糊，葯膏，葯紙，葯汁，葯丸，葯末，葯油，注射針，寒暑針，注射葯，六零六，外用葯。

第卅二課　身體類

五官，四肢，頭，頭壳頂，腦，腦盖，腦筯，腦漿，眉心，眼，頭顱，頭髮，額頭，額角，魂精，後枕，眼眉，眼眉毛，眼睛，瞳人，眼烏珠，盟鼻，眼白，眼盖，眼肚，眼頭，眼尾，眼挹毛，眼淚，瞇埋眼，劈大雙眼，睜大雙眼，眨眼，盲眼，單眼，發靑光，倒眼，老花眼，近視眼，擝鷄眼，眼瞓，瞓唔着，嗑眼瞓，好稔瞓，爛瞓，瞓醒覺，轉便，發夢，發開口夢，鼻鼾，鼻，鼻哥，高鼻，扁鼻，鼻樑，鼻節，鼻尖，鼻子，鼻哥窿，鼻毛，鼻涕，�鼻涕。

第三十三課　仝上

耳，耳朶，耳珠，耳鷄，耳簧，耳邊，耳聾，錐耳，撩耳，耳毛，耳屎，面，面珠，酒凹，面油，俾面，無面，失體面，两顴，顴骨，腮，人中，口，嘴，歪嘴，口水，口水痰，吐口水，面口，崩口，戒口，口唇，上唇，下唇，口枒角，鬚，八字鬚，两泌鬚，鬍鬚，鬍𬴯鬚，牙，上牙，下牙，門牙，大牙，牙肉，牙床，牙罐，牙較，脷，脷尖，脷心，脷胎，脷底，上顎，吊鐘，喉龍，喉欖，聲喉拆，下爬，頸，長頸。

第卅四課　仝上

膊頭，膊頭尖，背脢，腰骨，尾龍骨，胸前，胸前骨，五臟，六腑，肚，小肚，肚臍，脌，乳，膈叻底，小掩，心肝，脾肺，腎，胆，大胆，細胆，無胆，腸，小腸，大腸，肛門，大腸頭，下陰，子宮，大髀，髀罅，屎窟，囉柚，膝頭，膝盖，脚坳，脚瓜囊，脚瓜，脚眼，脚毛，脚㬹，脚面，脚趾，脚趾公，脚趾尾，脚趾罅，脚板堂，手，左手，右手，手瓜，老鼠仔，手坳，手睜，手眼，脉門，手掌，手背，手臂，手板，手指節，手指公，二指，中指，無名指，手指甲，手指罅，孖指，筋，骨，肉，血，氣。

第卅五課　疾病類

痾尿，小便，痾屎，出恭，大便，結恭，無恭出，肚痾，痾痢，生瘡，火疔瘡，生痔瘡，暗瘡，生癩，生乾癩，生濕癩，生癬，鹹粒，𤍠沸，割損，𤊒親，跌跛，胎生，跛手，跛脚，發瘋，三代，大痲瘋，神經病，發癲，發狂，發花癲，耳聾，口啞，啞佬，啞仔，癈人，戇佬，呆佬，儍仔，�仔，脚癐，脚痺，風灘，偏灘，蠱脹，生背癰，生花柳，流白濁，生芒菓，生鹹疳，生角虱，骨痛，頭痛，頭刺，頭暈，眼花，傷風，冷親。

第卅六課　同上

牙痛，生牙夷，肚痛，胃病，癆病，肺癆，內傷，嘔血，心理病，咳嗽，風濕病，脚氣病，腦筋病，發羊吊，小腸氣，痲症，痘症，天花，種痘，水痘，生痄腮，腸𤍠症，喉症，發冷，瘧疾，鼠疫，瘟疫，牽蝦，痚症，霍亂，攪腸痧，痾嘔，夢洩，大膥袋，跌打，火傷，頸癧，花癧，生癪，生疳癪，驚風，急經，慢驚，感冒，身㷫，發燒，發𤍠，燥𤍠，寒凉，濕毒，脚氣，心氣痛，傳染病。

第卅七課　天文及常物

天，天空，日，太陽，月，太陰，月光，鵝眉月，星，行星，金星，木星，水星，火星，土星，慧星，掃把星，風，旋風，南風，北風，東南風，西北風，風颶，打大風，雨，雨微，淫雨，傾盤大雨，白撞雨，雷，行雷，行大雷，雷擗，電，閃電，閃靚，閃猛電，雪，霧，落霧，落雹，落霜，雲，白雲，雨雲，紅雲，黑雲，水，濁水，溪水，洪水，潮水，冷，暖，𤍠，好𤍠，咁熱。

第卅八課　地方及常物

世界，地球，地面，地方，土地，平原，山谷，鑛山，大山，山仔，山頂，山脚，田土，草陂地，沙漠，森林，樹木，畜牧塲，花園，江，河，溪，湖，池，海，大洋海，海島，海岸，海灣，海峽，水泉，瀑布，波浪，大浪，白頭浪，土，土泥，沙，沙仔，大粒沙，粗沙，石，大石，石仔，石膥，灰，白灰，紅毛灰，磚，紅磚，靑磚，䃈磚，瓦，瓦片，瓦筒。

第卅九課　辦事機關

外交部，內務部，財政部，陸軍部，海軍部，司法部，商務部，宮內部，交通部，農務部，衛生部，郵政局，電報局，工程局，敎育局，水利局，鉄路局，礦務局，稅務局，檢查局，憲兵營，警察廳，巡警區，審判廳，初級審判廳，輕罪審判廳，外國審判廳，地方審判廳，民事審判廳，高等審判廳，破產廳，大理院。

第四十課　皇族官制

皇帝，皇后，皇妃，國王，王太后，親王，皇太子，公主，王親，大總統，副總統，國務總長，陸軍總長，海軍總長，交通總長，商務總長，內務總長，財政總長，敎育總長，次長，大理院長，審判廳長，推事，副推事，省長，縣長，顧問，警察總監，全權公使，代理公使，總領事，參贊，繙繹官，傳話，學校，校董，校長，敎員，校會牧師，傳道先生，長老，執事，敎友，信徒。

第四十一課　犯法刑罰及訴訟

國事犯，謀反作亂犯，暗殺犯，殺人犯，拐子佬，做假銀犯，謀財害命犯，大賊，賊仔，小窃，鼠摩，光棍，老千，管押，收監，坐監，上鎖鍊，上手鐐，充軍，殺頭，打覊，剿家，罰欵，定罪，赦罪，釋放，受賊贓，棍騙犯，主謀犯，强姦犯，殘害人命犯，原告，被告，證人，獄官，告狀，訴寃，寃枉，審案，口供，見證，辯駁，出傳人票，差押狀，交保，案件，反控，覆審，公函，定罪，訴詞，誣告，判斷

第四十二課　人倫

君，臣，忠臣，奸臣，父母，父親，老竇，伯爺，亞爹，亞爸，家父，尊大人，令尊，先父，繼父，母親，老姆，亞媽，家母，令壽堂，先母，庶母，繼母，養父，子女，兒女，仔，女，小兒，令郞，小女，令愛，千金，孤獨仔，獨生子，長子，次子，孻子，螟蛉子，浪子，承繼仔，心抱，孫，孫心抱，兄弟，昆季，同胞兄弟，堂兄弟，嫡堂兄弟，疏堂兄弟，兄，亞哥，大佬，家兄，令兄，亞嫂，令嫂，弟，細佬，舍弟，令弟，弟婦，姊妹，家姊，令姊，舍妹，令妹，夫妻，夫婦，兩公婆，老公，丈夫，老婆，女人，尊夫人。

第四十三課　同上

祖父，亞爺，祖母，亞媽，曾祖，高祖，外祖，父母，外公，外婆，伯父，伯爺，伯娘，叔父，亞叔，亞嬸，姑媽，姑姊，姑丈，舅父，妗姆，外甥，姨丈，姨媽，姑表，姨表，表姊，表妹，岳父，丈人，外父，岳母，外母，女婿，姑爺，亞舅，郞舅，舅嫂，內姪，姪，姪女，姪婿，親戚，親家，令親，貴親，舍親，敝親，朋友，老友，書友，世交，世兄，結拜兄弟，換帖姊妹，契爺，契媽，契仔，契女，同宗，老宗，本家，貴本家，盛族，招贅，先生，師奶，姑娘。

第四十四課　人物

先知，聖人，百姓，男仔，男子，女仔，女子，老人，老大公，伯爺公，老婦，老大婆，伯爺婆，童子，童男，童女，細佬哥，後生仔，嬰孩，蘇蝦仔，土人，本地人，異邦人，外來人，野人，生番，富人，善人，君子，有錢佬，財主人，貴人，貧人，窮人，賤人，惡人，小人，好人，新郞哥，新人，伴郞，游閒人，無定性人，大胆人，胆小人，無依人，無着落人，好事人，生事人，怕事人，乞兒，爛仔，鰥，寡，塡房，番頭婆，守寡，寡姆婆。

第四十五課　同上

士子，農夫，工人，商家，家長，主人，人客，業師，學生，門生，風水，睇脉，睇相，算命，占卦，坭水，木匠，裁縫，剪髮，師傅，頑童，誠實人，儉樸人，勤懇人，懶惰人，驕傲人，燥暴人，愚蠢人，强壯人，軟弱人，醉漢，醉酒佬，評判人，和事人，謀事人，放債人，借債人，欠債人，債主，寄信人，收信人，帶信人，相熟人，生暴人，聽者，講者，作者，旅客，新客，屋主，舖主，屋客，租戶，地主，東家，事頭，股東，董事，太子爺，在事，掌櫃，行街，經紀，買辦，管數，寫字，伙記，打雜，侍仔，伙頭，厨子

第四六課　仝上

奴僕，跟班，後生，住年妹，使傌，婆媽，奶媽，妹仔，書童，園丁，花王，守門人，看更佬，馬伕，馬車伕，汽車伕，轎伕，抬轎佬，担水佬，閨秀，美女，女伶，跳舞女，老𦦙，妓婦，妓女，鹹水妹，私娼，歌妓，琵琶仔，龜公，龜婆，扯皮條，皮條婆，客家佬，疍家佬，艇家，水鷄，媒人公，媒人婆，走堂，企堂，師姑，和尙，道士，喃巫佬，仵作佬，挑伕，咕喱，耳聾人，啞人，盲佬，盲仔，盲婆，單眼佬，近視佬，豆皮佬，肥佬，馬拉鷄，跛手佬，病瘟，藥煲。

第四十七課　職業

政治家，地理家，官吏，律師，科學家，理學家，文學家，天文家，化學家，農學家，詩家，畫家，小說家，攝影家，著作家，音樂家，演說家，算術家，經濟家，編輯家，印務師傅，傳譯員，繙繹員，敎授，敎師，徒弟，包工頭，泥水匠，東記員，醫生，內科醫生，外科醫生，婦科醫生，兒科醫生，細菌學醫生，中醫，西醫，商人，代理人。

第四十八課　同上

店東，總理，司理，司庫，會計，核數人，收數人，伙伴，伙記，雕印章師傅，石印師傅，影相師傅，鐘鏢師傅，打金師傅，裁縫師傅，剪髮師傅，做鞋師傅，補鞋佬，整餅師傅，行商，商店，銀行，洋行，酒樓，旅店，客梭，影畫戲住院，米舖，柴炭舖，醬園，什貨舖，裁縫舖，車衣舖，帽舖，鞋舖，餅舖，麵食舖，藤椅舖，鐘鏢舖，生菓舖，木屐舖，咖啡茶舖，藥材舖，西藥房，西醫館，中醫館，擺地攤。生菓攤，洋貨攤，什貨攤。

第四十九課　交通

飛機，飛艇，氣球，飛墮傘，脚踏車，單車，車仔，人力車，三輪車，轎，馬車，汽車，磨打車，磨打㗰，運貨車，電車，火車，電車路，鉄路，車站，船，艇，三板，帆船，火船仔，大火船，汽船，𫘈艇，戰鬥艦，無畏艦，潛水艇，大馬路，橫路，大街，橫街，大巷，橫巷仔，橋，橋樑，橋欄，橋躉，橋脚，燈塔，街燈，船鈦，羅盤，羅更，桅杆，扯𢃇，船櫓，船槳，大旗，商旗，國旗。

第五十課　宗教顔色欵式

耶敎，上帝，耶蘇，基督，傳教，佛教，孔教，回教，釋迦牟尼，天主教，婆羅門教，穆罕默得，路得馬丁，牧師，宣敎師，傳道，長老，執事，教友，信徒，基督徒，祈禱，禱告，崇拜，聖經，聖詩，新約，舊約，樂園，天堂，地獄，孔夫子，孔仲尼，老子，教主，神父，顏色類，朱色，赤色，紅色，黃色，藍色，白色，黑色，灰色，棕色，疍黃色，金魚黃色，紫色，綠色，靑蓮色，深紅色，粉紅色，大紅色，老綠色，欵式，高身，矮身，長身，短度，圓形，三角形，欖核形，鵝膥形，四方。

第五十一課　相對名詞

高低，高矮，上下，大細，長短，濶窄，肥瘦，好醜，好壞，生死，生熟，軟硬，乾濕，明暗，老嫩，香臭，圓扁，通塞，虛實，疎密，快慢，深淺，新舊，裏外，內外，粗幼，窮富，貧富，貴賤，有無，利弊，强弱，平貴，厚薄，親疎，飽餓，冷暖，凉𤍠，眞假，咸淡，稀結，多少，尖掘，先後，前後，遲早，寬緊，輕重，凹凸，利鈍，精呆，遠近，難易，橫惦，曲直，公私，順逆，清濁，輸臝，尊卑，動靜，吉凶，禍福，盛袁，斷續，雙卑，正副，是否，喜怒，哀樂，旺淡，贃𧵳。

第五十二課　通用詞及成語

我，我哋，你，你哋，佢，佢哋，呢的，個的，邊的，呢個，𱒲個，邊個，呢處，𱒲處，邊處，係，唔係，係唔係，喺唔喺處，点呢，点樣，点解呢？咁，係咁，係咁嘅，故此，因爲，切勿，切不可，不可，米咁，本應，應該，本份，不應，唔應，唔敢，不防，唔定，無定，至到，而家，現在，先前，前時，將來，起首，收尾，結果，倘若，若果，或者，如果，前次，先次，先躺，前仗，下次，第躺，第仗，第二時，先排，前幾排，呢幾排，走，跑，跳，趷。

第五十三課　同上

處處，人人，個個，都係，亦係，相熟，相識，生面，生暴，注意，留心，專心，忘記，弗畧，唔記得唨，，通知，題醒，宣傳，佈告，傳遽，傳過嚟，遽過去，起身，瞓覺，休息，抖身，抖癐，伸懶，行，坐，企，蹘，扒，扑，躝，行開的，行埋嚟，借歪的，坐定，企喺處，唔好郁，唔好行開，蹘倒處，唔好𨀙起身，扒喺處，唔好轉便，扑倒處，唔好𨀙起嚟，躝開的，唔好躝埋嚟，走起步，唔好跑，慢慢行，快的行，行起步，行得�，跳得高，唔噲跳。

第五拾四課　同上

囘家，返歸，扯嘞，告辭，辭別，辭行，送車，送行，送船，送禮，送殮，入殮，送殯，出殯，送葬，落葬，送終，歡迎，迎接，招呼，欵待，侍奉，招待，演說，演講，訓話，發奮，勤力，懶惰，儉樸，慳儉，忠厚，誠實，忠心，詭猾，奸詐，阨騙，借錢，還銀，賒數，欠數，找數，生意，經營，營業，贃錢，𧵳本，買賣，買野，賣野，出身，上工，辭工，歸隱，轉行，担野，托野，抬野，𧴯野，挽野，擰野，挾住的野。

第五拾五課　同上

偔高頭，担高頭，𠌵低頭，番轉頭，調轉頭，扱一吓個頭，揖吓隻耳，斬吓隻眼，鬆吓個鼻，𱕜吓個嘴，擺吓隻手，踢吓隻脚，呷一啖茶，扒一啖飯，拂一羹湯，夾一箸菜，啜一啖烟，剪髮，剃鬢，撩耳，流口水，吐口水，流鼻涕，�鼻涕，煲茶，冲茶，煲滾水冲茶，科茶，洗面，呵口，擦牙，洗身，梳頭，搽脂盪粉，洒香水，抹頭臘，裝身，打扮，換衫，着褲，着襪，着鞋。

第五拾六課　仝上

等一吓，等一陣間，好耐，無幾耐，唔使幾耐，就係，就到，就嚟，談及，講論，討論，傾偈，談天說地，讚成，反對，議案，議决，罷議，通過，開會，散會，思想，想倒，想唔出，希望，失望，切法，商量，求教，指教，指点，認罪，悔過，認錯，知錯，覺悟，覺得，見覺，荒唐，白霍，沙塵，驕傲，自誇，謙卑，忍耐，含養，帮助，睇貼，睇顧，睇見，睇唔見，好睇，俾眼睇，俾鼻聞，俾耳聽，俾口講，俾手做，俾脚行。

第五拾七課　仝上

識得，曉得，唔做得，唔識得，唔曉得，講啱，講錯，講得着，唔着，着唔着，噲着，唔噲聽，噲唔噲話，行入去，番出嚟，上樓上，落樓下，入裏頭，出門口，去街，去買野，去探朋友，去拜候朋友，去調查生意，去調查行情，定期，限期，過期，定價，要價，還價，落定，估價，講價，遵約，背約，失約，賠欵，賠償，損失，額數，數目，總裁，完結，清楚，妥當，了然，明白，盡力，堅固，隱陣，逃走，走路，避埋，呢埋，唔敢見人。

第五拾八課　仝上

心灰，意冷，失體面，打暗號，先開首，仍係咁，試一試，不足惜，令人怕，提醒人，勢不能，唔好睇，侮弄人，總唔肯，不可少，輪流嚟，無効果，唔敢當，趕唔上，唔捨得，差不多，尚未番嚟，坐多一陣，唔曉世務，當面認錯，若果係咁，助一臂力，哈哈大笑，順口講出，替人出頭，自始至終，半途而廢，自古以來，不足掛心，自此以後，年紀長大，殊不留心，故意打爛，你顧住自己，咪理人哋，我唔係咁想，呢的你唔好相信。

第五拾九課　仝上

点解你咁樣想法呢，我嘅意見唔係咁樣，我咕你係咁，無乜所爲，点樣都得，你歡喜点就点，講明講白，大聲的講，你嘅意見係点樣，唔好唔小心，我就至想係咁做，你成日去唨邊處，你唔好停止要接續做去，你見得点樣好就点樣做，我唔係幾舒服你咁樣讀法，你要原諒佢有呢種習慣嘅，出乎意料之外，佢已經完全講　過我知，你點樣做法先要對佢聲明，我哋姑且去應酧吓佢，我生平都未有見過咁嘅。

第六十課　仝上

我都唔曉要點樣使你明白，唔好攬醒佢瞓覺。我越睇佢嘅行爲越唔歡喜佢，有知識就唔注重打扮，唔論係邊一個講我都唔信呢件事。我讓唨俾你做，好可惜呢件事我唔替你做得嚟，請你介紹我嚟認識吓佢，倘若每日學少少將來就識得好多，我好想知到點解我學野唔及人哋咁快呢，常常留心練習就會打破呢一個難關，呢笪地方係邊個㗎，呢的野你呌做乜名呢。

第六十一課　散話

天𤍠時候，食完晚飯，好多人走去馬頭乘凉。

杭州西湖至好風景，通世界至出名嘅，你有去過無呢，

我而家緊呢間屋，嫌佢太矮天𤍠時好焗嘅，好想搵過第間搬去住咯。

我先排搭船，經過安南，但係無上到岸，因爲無人同行唔知定呀。

海水鹹過河水，河水又濁過海水呀。

個隻船食水深過頭，而且載得好重儎，始此唔入得口，要咆喺海外處。

我想過海去角石行吓，但係慍唔倒伴，一個人去又無乜慶趣嘅。

山坑的水流落嚟就成爲涌，由涌流出去就成爲河，江河嘅水就流入去洋海咯。

個條路好斜嘅，唔上得去一半，就氣都喘咯。

一隻手擰住個包袱，一隻手挽住個籃，膊頭又托住個箱，眞係好力嘞。

一個女人走火燭，膈助底挾住個夾必袋，背眷𧴯住個細𰁦仔，一隻手又拖住一個走嚟走去。

抽起的張檯，執番起的野喇。

第六十二課　仝上

佢執倒一張銀帋，笑到有牙無眼，好似𤆣熟個狗頭一樣。

一吓唔子細，錯手打崩（裂）（爛）你個隻茶杯，請你原諒吓，聽日照樣買隻賠番俾你。

差錯脚踢着嚿石頭跌落坑渠，通身都汚糟辣撻嘥。

我廢事起身去擰，唔該你遞個的野嚟我。

呢箱野不過担零重，佢都唔托得起要兩個人抬，𱒲箱重重過喇。

佢唔抵得痛唔敢脫隻牙，𡨴可常常捱辛苦眞靜儍喇。

細伩仔中意吮手指，如果唔注意時時同佢洗乾淨，就好易生癪成病嘅嘞。

你想止痛就打一針麻醉藥，咁你瞓唨入眼，就唔覺噲點樣痛痛咯。

個處個間屋又窄人又逼，想轉吓身都唔得，眞辛苦嘞，今晚有人請佢去飮，好早佢就去唨赴席咯。

食野要收收由由食，而且要嚼爛至好吞呀，如果唔係個胃火唔夠之時，就噲發生毛病嘅嘞。

第六十三課　仝上

你嚟得咁啱，就喺處食餐便飯哩，無謂打攪你咯，乜咁盛謂呀，無謂破費呀，眞多謝咯，眞唔過得意咯，好話，笑話，唔成敬意嘅。

幾個人夾錢食野，個名叫做田鷄束。

個單（呢個）野至爲食，人哋吃完佢重舐碟。

做完工夫就要執番埋嘥的傢伙，咪由得佢𢫕洒咁亂，咁無手尾點做得呀。

呢隻布好噤着嘅，着到爛都唔變（轉）（甩）色嘅。

打開度窗門，掩開度窗，推開度窗，擁開度窗，關埋度門，閂埋度門，掩埋度門，捽埋度門。

個張檯咁斜嘅，搵的野嚟攝平佢喇，唔係想擠的野落去，都唔得呀。

枝燈咁暗嘅，個燈罩咁汚糟，你都唔擰的番梘洗乾淨佢嘅，咁懶做乜野呀？

把刀仔好鈍要磨番利，至切得野咯，而家擰起嚟批鉛筆都唔得呀。

佢尋日去買野，打爛人哋一塊玻璃，收尾要賠番幾毫子過人。

幅畫好地地，唔知爲乜來由，俾佢撕爛唨。

第六十四課　仝上

呢隻布好幼細又唔縮水，𱒲隻就粗的疏的薄削的，但價錢都差有限啫。

呢隻狗仔好惡㗎，見親生步人就吠，看門口頂好，見倒主人又噲搖頭擺尾。

我想摘枝花嚟揷花樽，又摘幾朶嚟擺碟，呢樖花將近謝咯，的葉都殘咯，𱒲樖而家至起首有花蕾。

食完的蔗渣，共煙頭瓜子殼，唔好亂擗（掉）（𢫕）呀。

佢有幾千銀，俾人騎曉留王馬，氣到佢眼凸凸，喺處鬧人靠唔住。

呢幅地好瘦㗎，的泥土好無用嘅，種乜野都唔得生呀。

滿街都係賭館，重多過米舖，的人碰埋頭，就講賭錢論輸嬴，眞累死人呀。

佢個親戚虧空東家幾百銀，無面見人就走唨路咯，

你重唔趁早去學野，將來恨錯，就遲嚹。

呢個野眞牛精，一句唔啱就粗口爛舌，捋手捋脚撩交打咁。

先排有班人嚟同佢打抽豐，呢排又俾人嚟敲竹杠，攪到佢唔知點算好。

第六十五課　仝上

呢處的鼠摩好利害，一到夜晚人靜，就鬼鬼鼠鼠，隨處㖃野。

佢失唨幾毫子喺處好揞尋，思疑個伙頭賴佢偸唨，個伙頭又唔份氣，喺處好巴閉，話人寃枉佢，重要誓願添。

呢個人好本事㗎，做事好麻俐嘅，𱒲個就𢘮懦的，

佢呢陣越老越糊塗，呢排更加懵懂添。

吩咐佢咪嘈，佢偏要嘈，好似鬥氣咁，眞可惡嘞。

近來有的後生仔，週身荒唐（白霍）（沙塵）。

隻狗呢兩日好吽哣，成日扒處唔喐，唔知係有病唔係。

要同個舖客交嘥攞番間舖，佢一味唔交舖租又唔肯搬扯，眞費事𱕜，有乜法子呢？

有兩個咕喱，隨街打交，俾個巡警干涉佢。

落水救人本來係好危險嘅事，但都有人肯冒險做嘅。

有間公司俾人假冒，佢的商標嘜頭，尋晚漏夜嚟搵我，求我帮助佢，設法同佢去追救。

佢好精嘅，凡親事要有着數至做嘅啫，唔肯𧵳底的咁多嘅，做的多野又慌住上當咯。

呢間舖頭完全係佢自己生意，無的外股嘅股份。

第六十六課　仝上

𱒲度橋好兒禧呀，好聲（子細）行至好呀。

佢捧住盤滾水微微滿嘅，䟿倒佢捧唔穩倒瀉大半。

佢兩個大早交情好密嘅，後來大家閙意見，就漸漸無嘥感情咯。

個幅公仔發趣緻（得意）（生猛）呀。

𱒲頭有個人掛臘鴨，成條脷凸出嚟，眞肉酸呀。

有的人話佢賭輸錢，想詐死圖賴，誰知弄假成眞。

咪怕醜喇唔使拘嘅，佢唔係怕醜，慌丢架啫。

我見均是都係趕唔到咯，就索性走番轉頭喇。

做公衆事要大衆齊心就梗勝利，唔係就噲失敗嘞。

佢近來好唔惦，時時見得佢都好閉翳。

佢詐諦嘅啫，有人見倒佢都唔知幾濶嘅。

近來有好多人自殺，有的因爲失戀，有的因爲經濟壓廹，總之唔係好現象咯。

個對對調唨轉頭掛，佢都唔知到，你走去同佢調番正喇。

兩隻船一齊開身一拍行，好似鬥快咁，眞好睇嘞。

我尋日專登（特登）去拜候你，想拜托你做一件野。

我好無耐性㗎，如果等得耐，我就情願扯先唔等咯。

第六十七課　仝上

你哋寶號一年拉扯（平均）做幾多銀生意度呢？

我前日去參觀一間學校，睇見各樣野都好齊整，的學生又極好規矩。

呢處的野，你是但隨便拈一件喇，唔使揀咯。

個班細佬哥，成日反得墟咁嘈，眞頑皮（百厭）嘞。重好唔聽話添。

個隻大火船，專走汕頭嘅，裏便陳設得好架勢。

呢個人做事好梗性嘅，不留都係咁嘅脾氣咯。

我漏落把遮係佢處，收尾唔見唨，先該搭喺你處擠重好。

睇見個的耕田佬一年到晚，都無乜抖滯嘅，正月過後就要喐手使牛犂田嘞，跟住又要撤種蒔秧，一到夏天又要擝草，又要𡰷水落肥料，無耐又要收割，抾禾磨穀舂米，唔歇得一陣又要打算種晚造咯。

整飮食用嘅傢伙，要時時㨘乾淨，因爲的鉄野噲生銹，銅野噲生銅綠，個的木器（瓦器）（瓷器）唔㨘得耐，的辣撻野積埋，就噲生潺，砧板重利害，一吓唔刮得乾淨，就有一陣臭隨嘅，有時食唨落肚，重有危險發生添播。

我用好好心機嚟敎你呀，你要快快搵的時候嚟學喇。

第六十八課　廣州城背語

有寶，咁番貨，𢭃坭，𢬊丁，搵亞丁，第九，好貨，索油，勾脂粉，電燈胆，大光燈，二世祖，豆腐刀，竹織鴨，石灰蘿，淘古井，賣剩蔗，盲公竹，大坭磚，大碌藕，挽油瓶，放白鴿，荷蘭水樽，牛皮燈籠，棺材甴曱，木匠担架，紙扎下爬，十月芥菜，神檯猫屎，亞蘭賣猪，靑磚沙梨，紙扎老虎，杉木靈牌，烏蠅摟馬尾，坭水佬開門口，銅銀買癲茄，壽星公吊頸，生虫拐杖，禾稈衾珍珠，王先生醫眼，膝頭哥激眼淚，跪倒餵豬乸，老鼠跌落天平，泥菩薩孭人過海，門扇底燒炮仗，床下底放紙鷂。

第六十九課　鷄公仔

鷄公仔，尾彎彎，做人心抱甚艱難，早早起身都話晏，眼淚唔乾入厦間，厦間有個冬瓜仔，問過安人老爺蒸定煑，老爺又話蒸，安人又話煑，蒸蒸煑煑唔鍾安人老爺意，當堂鬧到淚紛紛，三朝打爛三條夾木棍，四朝跪爛四條繡花裙。

第七十課　月光光

月光光，照地堂，年卅晚，摘梹榔，梹榔香，摘指羗，指羗辣，買蒲達，蒲達苦，買猪肚，猪肚肥，買牛皮，牛皮薄，買菱角，菱角尖，買馬鞭，馬鞭長，起屋樑，屋樑高，買張刀，刀切菜，買鑊盖，鑊盖圓，買隻船，船無底，沉死嘥𱒲的頑皮仔。

第二集目集　通用白話問答

第一課早晨
第二課上學
第三課催上課
第四課問功課
第五課星期六
第六課國語
第七課乜野叫做新教育呢？
第八課告假
第九課繼續請假
第十課借書
第十一課踢球嗎？
第十二課體操
第十三課適度的遊戲
第十四課大佬有病
第十五課放假咩？
第十六課要自修
第十七課跑得幾遠
第十八課要點樣至係國民呢？
第十九課做乜野要愛國呢？
第二十課國貨
第二十一課買書
第二十二課放學番嚟
第二十三課烏蠅同蚊虫
第二十四課潔淨
第二十五課練習寫字
第二十六課外國小學生
第二十七課缺課的勸告
第二十八課乜野叫做修身
第二十九課讀死書係無用嘅
第三十課你識字嗎？
第三十一課迎接來賓
第三十二課字典要點樣查法呢？
第三十三課要請你演說
第三十四課點樣選𦦙呢？
第三十五課先生病好番嘥嘞嗎
第三十六課自治
第三十七課應該要點㗎？
第三十八課定要請你做衛生部長
第三十九課運動噲預備妥嘥嘞嗎？
第四十課請你要守公共嘅規則
第四十一課請大家互相帮助吓至好
第四十二課聽日去遊公園好嗎？
第四十三課去郵政局寄信
第四十四課郵政局可以寄錢嗎？
第四十五課要點樣豉催國貨呢？
第四十六課講大話係切不可嘅？
第四十七課電話點樣打法㗎
第四十八課仝上
第四十九課請敎報關稅
第五十課唔離得開家庭咩
第五十一課衣服唔怕爛嘅只怕汚糟啫
第五十二課唔好亂咁食野呀
第五十三課痰礶時時要注意換水㗎
第五十四課唔好食烟仔呀
第五十五課飮燒酒嘅害處
第五十六課應該要訓覺喇
第五十七課乜野叫做儲蓄呀
第五十八課學校同社會
第五十九課問安
第六十課畢業唨去邊間學校升學好呢？
第六十一課去裁縫舖做衣服
第六十二課打整衣服
第六十三課敎整西菜
第六十四課敎人侍候請餐
第六十五課世間中的有用嘅三樣針
第六十六課四季天時
第六十七課兩個朋友做生意嘅情形
第六十八課去求人指點起屋
第六十九課去搵畫則師
第七十課去請坭水師傳修整屋
第七十一課去請醫生嚟睇父病
第七十二課介紹朋友去醫舘睇病
第七十三課病好番去見醫生
第七十四課講論飛禽
第七十五課講論動植物
第七十六課講論昆虫麟介
第七十七課兩廣嘅地方
第七十八課論操兵打仗
第七十九課論儒敎來原
第八十課論道敎來原
第八十一課論佛敎來原
第八十二課工人的性情
第八十三課帮助小生意人
第八十四課跟人去趁墟市
第八十五課招待人客
第八十六課農夫耕種
第八十七課去羅浮山避暑
第八十八課提防時疫
第八十九課想請工人
第九十課想做個木箱
第九十一課介租屋
第九十二課狗救主人
第九十三課慳儉的有錢人
第九十四課細佬哥遇着拐子佬
第九十五課去聽審事
第九十六課汕頭的大風颶
第九十七課汕頭的大火炎
第九十八課汕頭的大地震
第九十九課無本心的盲人
第一百課基督門徒棄世

第一課　早晨

某君呀，起身喇，好晏嘞，你唔聽見個鐘響咩？

哦，你起唨身囉麼，而家有幾多點鐘嘑？

有六點多鐘㗎嘑，你要快的起身嘑，如果再瞓就噲悞唨鐘點㗎嘑。

好，我就起身咯，因我尋晚成晚瞓唔着，而家兩隻眼都睜唔開，唔知點好！

咁，唔緊要嘅，你奮起精神，咁就自然睜得開你嘅眼個咯。

好，我而家坐起身嘞，你洗唨面未曾呀？

未曾，等你起身同埋你一齊去洗好嗎？

好呀，請你聽一陣，聽聽我着好衣服一齊去喇。

咁，我喺呢處聽你，你唔好咁模咁耐至嚟呀。

好嘞，我哋一齋去洗面嘞。

第二課　上學

你睇吓幾多點鐘。

呀，已經七點幾嚹，你食野未曾呀？

我已經食唨咯，你食唨未呀？

我剛啱食完，今日唔係禮拜一咩，快的擰埋個書包一齊去上學嚹。

我哋呢陣時應該要去上學，但係我要聽多一陣添至去得。

太慢嚹，我重要返去搵埋我個細佬同埋去，咁你喺呢處聽我喇。你個細佬去唨邊處呀，你快的去睇睇，唔好太耐，唔係就趕唔得切上課喇。

係我細佬喺裏頭換緊衣服啫，而家有咁耐應該換好㗎嘞，點解重未出嚟呢？

呢個唔係就係你嘅細佬咯咩，佢手已經揸埋書包嚟咯。

咁勞駕晒嘞，慢慢行嘞。

好，再會。

第三十二課　字典要點樣查法呢

吳君，你呢處有字典嗎？我想要查一個字啫。

字典呀，我岩岩買唨一部新嘅，你如果要用就𢴕去用喇。

好，多得嘥，但係𱒲個某字要點樣查法㗎，要請敎吓你至得嘞。

查字啲方法，第一要緊認明部頭的字，第二要緊數淸個字嘅筆畫，咁就一查就搵到喇。

呀，咁樣辨別法，我就夠唔曉囉噃，咁我而家要點樣先好呢？

衛君，大家公舉你做衛生部長，你總可以担任㗎，

乜野話，要我做衛生部長，我点樣担任得嚟呀？

点解唔担任得嚟啫，你對於衛生上嘅知識同埋經驗，原本係

好深究㗎。

我有乜經驗知識得㗎，請大家令選別人罷喇。

我哋大家都已經決定請你咯，而且大家都話非你莫属咁緊要

，点解你又推辭呢?

並非我要推辭，實在呢個責任好重要嘅，我恐怕噲做唔嚟呀

。

唔使客氣，呢啲係公益事，呢次必定要請你出嚟担任嘅喇。

公益嘅事原本應該要盡力担任，不過部長呢個脚色，我就唔

係幾胆敢做，總之將來我必定帮忙，就係喇。

一拾壹壹一Page:NTL-9900014811 新編廣東省城白話.pdf/114Page:NTL-9900014811 新編廣東省城白話.pdf/115Page:NTL-9900014811 新編廣東省城白話.pdf/116Page:NTL-9900014811 新編廣東省城白話.pdf/117Page:NTL-9900014811 新編廣東省城白話.pdf/118Page:NTL-9900014811 新編廣東省城白話.pdf/119Page:NTL-9900014811 新編廣東省城白話.pdf/120Page:NTL-9900014811 新編廣東省城白話.pdf/121Page:NTL-9900014811 新編廣東省城白話.pdf/122

喂你嚟睇吓，嗰個學生打扮成咁樣，一隻手推住架車，一隻

手揸住個鈴溫咁搖，究竟做乜加伙啫？

嗰個就係國貨，販賣團嘅人，出嚟叫人地要買自己嘅國貨呀

嗎。

乜野叫做國貨呀？

國貨就係自己個國，所出嘅物品，咁就係叫做國貨咯。

自己個國所出嘅物品，就係叫做國貨，咁邊國嘅人就用番邊

國嘅貨，呢的係本該嘅，只又使乜要咁樣出嚟做法啫？

唉因爲我哋中國人，自己個國所出嘅物品，佢都唔在意㗎，

一昧只知貪平貪靚，買親一的都係人哋嘅野呀。

咁樣我哋中國人的金錢，豈唔係要落嘥人地嘅手喇。

只唔係，你睇人家個國点樣富厚，我哋個國咁樣困窮，都係

呢個緣故只嗎。

一拾弍壹一Page:NTL-9900014811 新編廣東省城白話.pdf/124Page:NTL-9900014811 新編廣東省城白話.pdf/125Page:NTL-9900014811 新編廣東省城白話.pdf/126Page:NTL-9900014811 新編廣東省城白話.pdf/127Page:NTL-9900014811 新編廣東省城白話.pdf/128Page:NTL-9900014811 新編廣東省城白話.pdf/129Page:NTL-9900014811 新編廣東省城白話.pdf/130Page:NTL-9900014811 新編廣東省城白話.pdf/131Page:NTL-9900014811 新編廣東省城白話.pdf/132

個心都係想到家裏，咁豈唔分心咩？

係嘅，總要專心求學至唔錯嘅，如果個心時時想唨去第處，

個心思就唔能專一咯。

咁得你明白，你以後就唔好再想嚹，邊一個人能一世住喺

家裏嚟㗎？

点解呢？一個人總唔能一生住家裏嚟呢？

你想吓現在嘅時候就要讀書，將來嘅時候就要出嚟搵食，咁

就点得成日喺家裏呢？

係嘅你講得着，一個人是必出嚟服務謀生，至能呌得到做人

喫。

咁我現在起首專心向學個方面去咯。

第五十一課衣服唔怕爛嘅只怕污糟啫

唉，你的衣服咁污糟，点解唔擰去洗乾凈吓佢呢？

一拾叁壹一Page:NTL-9900014811 新編廣東省城白話.pdf/134Page:NTL-9900014811 新編廣東省城白話.pdf/135Page:NTL-9900014811 新編廣東省城白話.pdf/136Page:NTL-9900014811 新編廣東省城白話.pdf/137Page:NTL-9900014811 新編廣東省城白話.pdf/138Page:NTL-9900014811 新編廣東省城白話.pdf/139Page:NTL-9900014811 新編廣東省城白話.pdf/140Page:NTL-9900014811 新編廣東省城白話.pdf/141Page:NTL-9900014811 新編廣東省城白話.pdf/142

有咁好處，等我有錢，都嚟入吓儲蓄作。

呢個儲蓄會係至好嘅，本來個個人都要儲蓄至得嘅，惟有一

件，我哋如果擰唨的錢入去，萬一應用之時，隨時可以攞番

的嚟用嘅嗎。

儲蓄存欵係活期嘅，如果要用自然攞得番嘥嘅，而且重有利

息計埋俾番你添。

咁就好到極嘞，唔知要幾多錢，至可以入得儲蓄呢？兼之佢

嘅章程係點呢？

我哋學校嘅儲蓄會係好少嘅啫，係爲學生而設嘅，一毫幾分

，都可以付入去嘅，至於章程，等聽陣開會討論過就知嘞。

第五十八課學校同社會

黃君，章先生就至講學校同社會，有密切的關係，呢一句說

話我唔多明白，係點解嘅呢？

第九十七課　汕頭的大火

我哋中國嘅地方，的街道又窄舖戶又密，間間舖都有簷蓬嘅，一到冬天天時乾燥，就好客易火燭，個一年鎖邦街火燭，我半夜瞓着覺，聽見的銀鷄吹得好響，一札就札醒，喺天窗望上去，見滿天都紅嘥，的水車林林聲，的消防隊亂跑，就知到係火燭嘞，即刻褸番件衫，走出去問下的巡警，至知到係鎭邦街，咁就走去睇下，個條街非常人逼，喺個處住嘅人，就慌慌張張，忙忙狼狼，隨街搬野，個陣時北風又大，一路燒到天光後至熄，個條鎭邦街燒唨一橛，連埋阜安街都燒去唨好多，好彩重未有燒死人咋，後來個的舖頭，都要好多個月至起得番呀，但係個的保險公司，就損失唔少嘞，倘若個處的生意家，唔曾有買保險嘅，就唔知要幾耐，至能夠做得番生意嘞。

第九十八課　汕頭大地震

講起地震起嚟，眞係得人怕咯，𱒲年民國三年正月初三晚，

我哋汕頭地震過𱒲一躺，冧嘵不知幾多屋壓死幾多人，𱒲晚Page:NTL-9900014811 新編廣東省城白話.pdf/205Page:NTL-9900014811 新編廣東省城白話.pdf/206Page:NTL-9900014811 新編廣東省城白話.pdf/207Page:NTL-9900014811 新編廣東省城白話.pdf/208

第三集　目錄　醒世故事

竇處，個隻狐狸乸番嚟睇見，就𨃬起嚟求呢隻麻鷹，將個隻狐狸仔俾番過佢，就話你今日亦係爲你嘅兒女，若果我將你嘅兒女咁樣捉番嚟，你嘅心又点樣呢？請你想吓可以調得番轉頭唔呢？甚至跪低求到眼淚都流出嚟，但係呢隻麻鷹總總唔理，於是個隻狐狸無法廹不得以就話，我非良善怕事嘅，人人都知嘅咯，你如果唔肯將我個仔俾番我，我就是必搬的木嚟，放喺你個樖樹脚處，放着火等你全竇都要燒死嘥，呢隻麻鷹聽見呢番說話，就�起上嚟，想起自己的兒女重未噲飛，若果眞净燒着起嚟，豈唔係要死嘥，咁就立刻將個隻狐狸仔，送番俾過個隻狐狸乸。

呢段故事敎訓我哋人，千祈切不可只知有已，而不知有人，應要愛人如愛自己，就不至噲有結怨恨咯。

第二十九課　靠人不如靠己

古時有一個最出名的大力士，有一日行行街遇見一架馬車，裝滿重野，佢個車輪藏唨入去泥湴好深，個隻馬出盡力拉嚟拉去，都無能拉得個車輪上嚟，就有好多人𨀣處圍住嚟睇，有的人就話，𢴕條鞭打行隻馬就得嘞，又有的人就話，拉行隻馬就得嘞，亦有的人就話，推行架車就得嘞，總而言之個個人，都係俾把口喺處咁講，無一個人肯郁手嚟做，後來有的人睇見，𱒲個大力士𨀣喺處嚀嚀吓個頭，有一個就開口話，你哋睇吓，有個大力士已經喺處，我哋使乜咁巴閉啫，呌聲個大力士郁一吓手，將個車輪抽吓就番上嚟喇，於是個個人都齊口合聲，呌𱒲個大力士帮助，但呢個大力士就答話，我出嚟唔使人求我至嚟帮助人嘅，但係睇見你哋咁多人喺處，都係得把口又話咁又話咁，都唔見你哋有一個人落過手，若果你哋郁過手，確係自己唔得我就早已帮你整唨出嚟，但係你哋而家自己，都重唔郁手，只想倚靠人家，自己唔使出力，我估世間無呢種，咁笨嘅嚟帮助人嘅人呀，講完就扯去

呢段故事敎訓我哋人，凡事須先要盡自己力去做，若果自己做過確實係做唔嚟，咁就自然噲有人嚟帮助自己，到確係無人嚟帮自己之時，然後至開口求人，就不噲俾人値口推辭咯。

第三十課　守財奴之苦楚

有個鄉下公辛苦唨成世咁耐，積蓄埋有好多金錢，就將嚟買唨一大錠黃金，擠喺屋𨀣處，終日門口都唔出，甚至去厠所出恭個心都唔安樂，晚晚瞓都瞓唔入眼，因爲怕人家嚟偸唨佢嘅，後來聽見人話最好法子，係搵一笪靜中嘅地方，唔俾有人知到嘅，嚟掘一個吼將佢嚟𭢁唨落去，咁就唔怕人偸搶及俾火燒去咯，呢個鄉下公想呢條法雖係好，有一日就靜靜擰唨個錠黃金，去到遠遠搵一笪地方𭢁妥，番到嚟個心仍然唔安樂，就時不時走去睇個笪地方，咁日久之後的人見得呢個鄉下公，時不時去睇個笪地方咁出奇，有一晚個鄉下公瞓唨，就走去將個笪地嚟掘開，原來有一大錠黃金喺處，就𢴕唨錠黃金走唨去，第朝呢個鄉下公走到嚟，睇見個笪地掘爛嘥，搵個錠黃金又唔見唨，就一路大喊番嚟到屋𨀣，由咁起就無時都唔爲個錠黃金嚟喊，後來有一個就對佢話，我睇世間上無一個人蠢得過你，你個錠雖然係黃金，但係你將佢嚟埋唨落地，橫惦你都唔用到佢，你而家走去執番一嚿石頭，埋番落去個笪地處咯，咁又有乜分別呢？

呢段故事敎訓我哋人，若果有餘閒錢，就要𢴕出嚟賑濟吓窮人，切不好將的錢嚟囚死嘥，呢的係一個最笨嘅人喇。

注意勘誤

第一集

第七課十一行二句（門棧）
第十二課四行六句（夾柄）
第二十二課一行五旬（天鵝）六句（山鷄）
第三十四課八行末二句漏云（手指尾）
第四十八課四行七句（客棧）
第五十三課三行四句（傳遞）六句（遞過去）
第五十七課八行三句（埋）
第五十九課六行二句（佢已經完全講縫過我知）
第六十一課三行一句（我而家住緊昵間屋）又七行三句（故此唔入得口）
第六十五課九行一句（要同個舖各交涉攞番間舖）又十行一句（眞費事嘞）
第八十六課八行首句（膝頭哥繳眼淚）

第二集

第二課八行由（你個細佬去曬邊處呀）起歸入第九行
第九課十二行末句（我想請你去我屋趾傾偈）
第十一課十二，十三行（踢）字印（跡）字之誤
第十九課五行（我再嚟問你。你的屋趾係乜野嘅地方）
第廿二課七行末句（而家咁早）歸入第八行
第廿五課八行首句（我唔論到話係是必要乜野版嘅）又第二行首句（你若果眞係要買碑帖）
第三十一課十八行首句（咁，勞駕嘞）
第三十三課十四行二句（咁，我姑且去頂備幾句）
第三十四課八行三句（投聯個箱仔）
第四十課六行（咁我又想唔到嘴）
第四十二課十五行（点樣好呢？）
第四十四課十一行（交俾佢寄就妥當咯）又十五行末句（寄去至啱嘿）
第四十六課三行首句（我屋趾邊處有圖畫啫）又又六行首句（明明你屋雖無圖畫）
第四十七課八行末句（電話號碼要点樣查法）入第九行起，又十二行末句（佢係姓王嘅）句入十三行
第四十九課末句（咁，好到極嘞，請呀）另起一行
第五十課末段（咁，我哋現在要起首專心。向學個方面做去至得咯）
第五十五課二行首句（我有的唔自然）
第五十七課八行首句（個的人將的錢撇去積蓄起嚟）又十二行末句將的錢嚟花散嘥
第五十九課四行（佢哋眞有心）句起歸入第五行

第一集通用分類及什詞

上集第一課 基數

第二課 成數

第三課 序數及分數

第四課 日期月份及星期

第五課 四季·天干·地支·節令

第六課 時刻

第七課 宮室

第八課 廳堂傢私

第九課 房中傢私

第十課 厨房傢生

第十一課 文具用品

第十二課 衣服類

第拾三課 手巾鞋襪類

第拾四課 什物用具

第拾五課 伙食飮料

第拾六課 仝上

第十七課 茶烟酒水

第十八課 生菓

第十九課 瓜菜

第二十課 海鮮

第廿一課 虫類

第廿二課 雀鳥

第廿三課 禽獸

第廿四課 花木

第廿五課 樹木

第廿六課 中國藥材草部

第廿七課 仝上

第二十八課 中國藥材木部

第二十九課 中國藥材什物部

第三十課 中國藥材動物部

第卅一課 西藥

第卅二課 身體類

第三十三課 仝上

第卅四課 仝上

第卅五課 疾病類

第卅六課 同上

第卅七課 天文及常物

第卅八課 地方及常物

第卅九課 辦事機關

第四十課 皇族官制

第四十一課 犯法刑罰及訴訟

第四十二課 人倫

第四十三課 同上

第四十四課 人物

第四十五課 同上

第四六課 仝上

第四十七課 職業

第四十八課 同上

第四十九課 交通

第五十課 宗教顔色欵式

第五十一課 相對名詞

第五十二課 通用詞及成語

第五十三課 同上

第五拾四課 同上

第五拾五課 同上

第五拾六課 仝上

第五拾七課 仝上

第五拾八課 仝上

第五拾九課 仝上

第六十課 仝上

第六十一課 散話

第六十二課 仝上

第六十三課 仝上

第六十四課 仝上

第六十五課 仝上

第六十六課 仝上

第六十七課 仝上

第六十八課 廣州城背語

第六十九課 鷄公仔

第七十課 月光光

第二集目集 通用白話問答

第一課 早晨

第二課 上學

第三十二課 字典要點樣查法呢

第九十七課 汕頭的大火

第九十八課 汕頭大地震

第三集 目錄 醒世故事

第二十九課 靠人不如靠己

第三十課 守財奴之苦楚