本页已校对
不摆执亊引垂人 坐頂小轿出衙中 二个梅香隋左右 皇宝香烛闹嗆々
一直出衙就玘身 欲到庙中去拜神 凡亊都是天排比 谁知惹出一亊因
当時来到半路中 头前揰𱲣二个人 礼物被伊揰丟去 梅香發怒𣱖昂々
𫔭口叱罵伊二人 看尔敢是目生虫 对阮物件冲々丢 掠尔治罪到衙中
知県阿奶欲拜神 想尔食罪不非䡖 李氏母子心京恐 回荅大𡛰只言因
怨阮慌忙不知覌 望尔谅情来放寬 緊急欲至県衙去 阿奶当時闻知因
吩咐住轿勿延遲 叫庅二大来问伊 何来欲到衙中去 湏当仝头对我持
元来池秀个妻房 自從乍日个時间 池秀呌伊来告状 故此二人心慌忙
