儂兮身軀逐所在不時有血咧流行。身軀內逐項不論筋肉、骨、腸仔、指甲、毛攏是倚靠血來保養兮。試將儂一枝手兮脈血管縛絚，予紅血袂到，手會親像死兮款式，冷冷koah白色，後來無氣力通振動，毋知疼，漸漸會變硬，閣幾若禮拜久會落去，按呢通知血運兮關係真大。設使將手腕對外面紮絚，會阻擋血運，手會變較烏色較冷。無久若敨開予血猶原流行，彼枝手會緊緊閣再燒，復到本色。
