侬兮身躯逐所在不时有血咧流行。身躯内逐项不论筋肉、骨、肠仔、指甲、毛拢是倚靠血来保养兮。试将侬一枝手兮脉血管缚絚，予红血袂到，手会亲像死兮款式，冷冷koah白色，后来无气力通振动，毋知疼，渐渐会变硬，阁几若礼拜久会落去，按呢通知血运兮关系真大。设使将手腕对外面扎絚，会阻挡血运，手会变较乌色较冷。无久若敨开予血犹原流行，彼枝手会紧紧阁再烧，复到本色。
