身体理/论脑部
< 身體理
第96节[编辑]
脑部通分做头脑、脊脑佮脑线。头脑是百体兮中间第一活灵兮部位，见若觉悟，以及逐号管运动兮心意佮思想、七情，拢对头脑发出。头脑是伫头颅骨内，有3重膜咧包伊密密，较袂受磕著。外重名叫脑筋衣，中重叫做脑湿衣，内重叫做脑血衣因为有微血管四围分散咧养饲脑。头脑兮形势略仔亲像鸡卵兮款式，前面较尖形，后面较阔。
第97节[编辑]
头脑分4位，就是大脑、小脑、脑桥佮延脑。大脑是做头脑兮顶头佮前面彼段，小脑囥伫后面阁下底。大脑佮小脑两项会分左右2爿，阁逐个有脑质，予左右2爿会相连。
延脑是一条脑质，会予大脑佮脊脑相连。大脑有济济回痕，窟窟曲曲亲像核桃仁兮款式。痕中兮空隙深浅无相同，第一深兮差不多一寸。各侬大脑兮痕也无同。婴仔兮痕较搝也无甚物明，到中年就较深佮明。
小脑是伫大脑兮后面佮下底，是略仔亲像细兮拳头母。伊兮痕毋是弯曲亲像大脑兮，是直直兮。脑兮质外面是火麸色，内面较济是白色兮质，若是犹原有血麸色兮结伫咧。血麸色兮质会生起意志佮思想，白兮质是袂算得兮幼幼兮线，会传彼个意志到别位。