身体理/身体理兮总论

身体理
身体理兮总论　清

原文为白话字，本处以汉字转写。

论到侬兮身躯怎样活，怎样大，有济济项不只奥妙，侬袂拢总明白知，连博学兮医师查出犹阁拢袂到底，毋阁有项已经分明通记，予读兮侬知。

爱做医生兮的确著讲究即号代志佮身躯破病兮因端，则较会晓得医病。

医生已经有备办册济济本予侬学到详细，若是备办即本不过讲淡薄较浅兮若定。

减采侬问讲，学生无欲做医生乜使著学习即号书？今论到身躯怎样著保重，彼个汝逐侬的确著知。有时少年兮时所做会碍著身命，致到一世侬身躯会荏，是因为毋知兮缘故。今报伊知怎样著慎重，就一世侬勇身命，减毋是较好吗？圣经伫诗篇139篇第13、14节讲，“因为我兮脏腑是汝所创造兮，汝创造我兮身躯美妙通惊。”咱兮身躯果然是造化兮主所备办兮，咱减毋著细腻来照顾，免得逆上帝创造人类兮好意思。