身體理/身體理兮總論

身體理
身體理兮總論　清

原文為白話字，本處以漢字轉寫。

論到儂兮身軀怎樣活，怎樣大，有濟濟項不只奧妙，儂袂攏總明白知，連博學兮醫師查出猶閣攏袂到底，毋閣有項已經分明通記，予讀兮儂知。

愛做醫生兮的確著講究即號代誌佮身軀破病兮因端，則較會曉得醫病。

醫生已經有備辦冊濟濟本予儂學到詳細，若是備辦即本不過講淡薄較淺兮若定。

減采儂問講，學生無欲做醫生乜使著學習即號書？今論到身軀怎樣著保重，彼个汝逐儂的確著知。有時少年兮時所做會礙著身命，致到一世儂身軀會荏，是因為毋知兮緣故。今報伊知怎樣著慎重，就一世儂勇身命，減毋是較好嗎？聖經佇詩篇139篇第13、14節講，「因為我兮臟腑是汝所創造兮，汝創造我兮身軀美妙通驚。」咱兮身軀果然是造化兮主所備辦兮，咱減毋著細膩來照顧，免得逆上帝創造人類兮好意思。