翻译:恶之华/人与海

人与海
作者：夏尔·皮耶·波德莱尔
译者：木枚

本作品收录于《Translation:恶之华》

你一直钟情大海，自由嘅人!
海系镜，睇住万里浪潮翻滚，
思索你嘅灵魂，
其峻烈难胜于你嘅精神。

你钟意沉迷喺自己嘅形象，
对佢敞开怀抱，满眼柔情，
呢阵狂野同无法压制嘅哀鸣，
令佢听唔到自身嘅喧嚷。

你哋两个低调又阴郁，
人啊，边个知你个渊有几深?
海啊，你嘅秘宝又何处可寻?
你哋只字不提保守紧嘅秘密。

你哋投身世世代代嘅战局，
耽溺毁灭，嗜血成性，
自相残杀，无悔无情，
永远嘅勇者，我独一无二嘅手足!