翻譯:惡之華/人與海
| ← | 波希米亞旅人 | 人與海 作者：夏爾·皮耶·波德萊爾 譯者：木枚 |
唐璜在冥府 |
|
你一直鍾情大海，自由嘅人!
海係鏡，睇住萬里浪潮翻滾，
思索你嘅靈魂，
其峻烈難勝於你嘅精神。
你鍾意沉迷喺自己嘅形象，
對佢敞開懷抱，滿眼柔情，
呢陣狂野同無法壓制嘅哀鳴，
令佢聽唔到自身嘅喧嚷。
你哋兩個低調又陰鬱，
人啊，邊個知你個淵有幾深?
海啊，你嘅秘寶又何處可尋?
你哋隻字不提保守緊嘅秘密。
你哋投身世世代代嘅戰局，
耽溺毀滅，嗜血成性，
自相殘殺，無悔無情，
永遠嘅勇者，我獨一無二嘅手足!
