翻译:恶之华/吸血鬼嘅百变
| ← | 碧翠丝 | 吸血鬼嘅百变 作者：夏尔·皮耶·波德莱尔 译者：木枚 |
基西拉岛之旅 |
|
而个女人有个樱桃口，
佢似馀烬上嘅蛇缠扭，
令佢嘅胸贴合束腰嘅钢铁，
任由浸饱麝香嘅字词流迭。
“我嘅嘴唇湿润，而且深知
点喺床笫间丢失仁义礼仪。
我擦干我骄傲嘅胸上嘅泪，
再令老人嘅笑声复归童趣。
有个人睇到我嘅胴体不挂寸丝，
我为佢偷天换月，叫日转星移。
亲爱嘅学士，我对狂喜系咁熟悉，
当我用惧人嘅手臂将个男人压迫，
或当我交托畀齿印嘅心胸
内敛放荡，又刚弱并重，
激动中再喺呢两片软垫昏困，
羸弱嘅天使会为我出卖灵魂。”
当佢吸晒我所有骨髓，
我再懒洋洋啖望向佢，
想要畀佢深情一吻，我眼内只有
两侧黐𣲷𣲷嘅酒囊，脓水横流!
我合埋双眼，身处嘅寒意令人惊慌，
当我再开眼，面对活泼灵动嘅光芒，
我身边原应系个顽强嘅玩偶
睇落似系已经将血液藏收，
取代之嘅系孤疑啖颤抖嘅骨骇，
佢哋发出嘅声似风信鸡嘅大嗌，
又似喺铁杆端嘅路标
喺冬夜嘅风中飘摇。
