翻译:恶之华/孤独可怜嘅灵魂，你今晚会讲咩?

孤独可怜嘅灵魂，你今晚会讲咩?
作者：夏尔·皮耶·波德莱尔
译者：木枚

本作品收录于《Translation:恶之华》

孤独可怜嘅灵魂，你今晚会讲咩?
对住最靓、最良善、最珍贵嘅
我当初枯萎嘅心灵，你会讲乜嘢?
你突然花开二度，因为佢眼神嘅照射。

我哋心怀傲气，高歌将佢颂扬，
佢权威嘅甘霖千金不换，
属灵嘅血肉有天使嘅芳香，
佢嘅顾盼赐人一身光辉满满。

无论身处黑夜、身处孤苦、
无论身处街头、身处江湖，
佢嘅幻影喺半空好似火炬啖跳舞，
有时佢会讲:“绝美嘅我将命令发布，
出于对我嘅爱，你只可以对美倾慕，
我系你嘅守护天使、缪思同圣母。”