翻譯:惡之華/孤獨可憐嘅靈魂，你今晚會講咩?
| ← | 整全 | 孤獨可憐嘅靈魂，你今晚會講咩? 作者：夏爾·皮耶·波德萊爾 譯者：木枚 |
活火炬 |
|
孤獨可憐嘅靈魂，你今晚會講咩?
對住最靚、最良善、最珍貴嘅
我當初枯萎嘅心靈，你會講乜嘢?
你突然花開二度，因為佢眼神嘅照射。
我哋心懷傲氣，高歌將佢頌揚，
佢權威嘅甘霖千金不換，
屬靈嘅血肉有天使嘅芳香，
佢嘅顧盼賜人一身光輝滿滿。
無論身處黑夜、身處孤苦、
無論身處街頭、身處江湖，
佢嘅幻影喺半空好似火炬噉跳舞，
有時佢會講:「絕美嘅我將命令發佈，
出於對我嘅愛，你只可以對美傾慕，
我係你嘅守護天使、繆思同聖母。」
