翻译:恶之华/情侣之死

情侣之死
作者：夏尔·皮耶·波德莱尔
译者：木枚

本作品收录于《Translation:恶之华》

我哋会有布满细微气味嘅床
又有似墓穴嘅深厚梳化，
仲有棚架下嘅奇异花芳，
为我哋盛放于更靓嘅天空下。

我哋两个嘅心会系一对大火炬，
其被重复利用嘅热即将消亡，
喺彼此嘅灵魂，即明镜一对，
反射佢哋成双嘅亮光。

神秘嘅红蓝形成某个晚象，
我哋交会，互放独特光亮，
似一段长泣，满系离别之情，

冇几耐有只天使，其身后门半开，
佢忠诚而又喜庆，
叫黯淡嘅镜同逝去嘅火复再。