翻译:惡之華/情侶之死

情侶之死
作者：夏爾·皮耶·波德萊爾
譯者：木枚

本作品收錄於《Translation:惡之華》

我哋會有佈滿細微氣味嘅床
又有似墓穴嘅深厚梳化，
仲有棚架下嘅奇異花芳，
為我哋盛放於更靚嘅天空下。

我哋兩個嘅心會係一對大火炬，
其被重覆利用嘅熱即將消亡，
喺彼此嘅靈魂，即明鏡一對，
反射佢哋成雙嘅亮光。

神秘嘅紅藍形成某個晚象，
我哋交會，互放獨特光亮，
似一段長泣，滿係離別之情，

冇幾耐有隻天使，其身後門半開，
佢忠誠而又喜慶，
叫黯淡嘅鏡同逝去嘅火復再。