翻译:恶之华/毁灭
| ← | 烟斗 | 毁灭 作者：夏尔·皮耶·波德莱尔 译者：木枚 |
烈士 |
|
魔鬼喺我侧边一直都好唔安分，
佢萦绕住我，似阵空气无法碰触，
我吞咗佢，感觉到佢喺我肺内如焚，
喺肺内灌满永恒而罪孽之欲。
佢明白我对艺术嘅浓烈爱意，
有时化身成天香国色，
然后以伪善又似是疑非嘅托辞
令我嘴唇习惯不祥嘅魔液。
我气喘吁吁，身心疲弊，
佢啖样带我远离上帝视野范围
入到名为厌闷嘅平原，广博无人，
朝住我充满疑惑嘅双眼
投掷邋遢嘅衫、开敞嘅伤痕、
同毁灭嘅血淋淋嘅机关!
