翻译:恶之华/理型
← | 美 | 理型 作者:夏尔·皮耶·波德莱尔 译者:木枚 |
女巨人 |
|
一无是处嘅时代产物残缺破烂,
书上美仑美奂嘅插图,
西斑牙舞者嘅半统靴同响板,
呢啲都冇办法将我个心房填补。
班病娇嘅妖精吱吱喳喳,
我将佢哋交畀加凡尼,疾苦诗人。
因为我喺呢堆苍白嘅玫瑰花,
都唔见一朵同我鲜红嘅理型相近。
马克白夫人嘅灵魂勇于为恶行,
系我如深渊嘅心嘅良朋,
易斯古罗斯嘅梦朝南风开得张狂,
长夜,你系米开朗基罗嘅千金,
你哋都用奇怪嘅姿态搓揿,
你啱晒泰坦嘴形嘅乳房!