翻译:恶之华/逆转

逆转
作者：夏尔·皮耶·波德莱尔
译者：木枚

本作品收录于《Translation:恶之华》

喜极嘅天使，你知唔知疾苦、
耻辱、悔恨、啜泣、厌倦、
同惊栗夜晚之恐怖难以言传?
佢哋组成心似纸被揸到皱折满附。
乐极嘅天使，你知唔知疾苦?

慷慨嘅天使，你知唔知咩系怨仇、
胆嘅泪水同阴影中紧握嘅拳头?
当复仇响遍地狱嘅呼求，
又自诩为我哋全体嘅领袖。
慷慨嘅天使，你知唔知怨仇?

健康嘅天使，你知唔知咩系狂热?
沿住苍白病院嘅巨墙，
拖沓脚步似流放边疆，
寻觅珍稀嘅阳光，扭动唇舌。
健康嘅天使，你知唔知狂热?

绝美嘅天使，你知唔知咩系皱纹、
对变老嘅恐惧，同呢种酷刑
就系喺你一直用嚟止我渴嘅眼睛，
睇到你掩饰对献身嘅痛恨?
绝美嘅天使，你知唔知咩系皱纹?

满载快乐、愉悦同光明嘅天使，
大卫就死嗰阵希望
你欢快嘅身体嘅恩泽赐佢健康，
但我要嘅系你为我祷告，仅此而已。
满载快乐、愉悦同光明嘅天使!