翻译:惡之華/逆轉
| ← | 給樂極者 | 逆轉 作者：夏爾·皮耶·波德萊爾 譯者：木枚 |
告解 |
|
喜極嘅天使，你知唔知疾苦、
恥辱、悔恨、啜泣、厭倦、
同驚慄夜晚之恐怖難以言傳?
佢哋組成心似紙被揸到皺摺滿附。
樂極嘅天使，你知唔知疾苦?
慷慨嘅天使，你知唔知咩係怨仇、
膽嘅淚水同陰影中緊握嘅拳頭?
當復仇響遍地獄嘅呼求，
又自詡為我哋全體嘅領袖。
慷慨嘅天使，你知唔知怨仇?
健康嘅天使，你知唔知咩係狂熱?
沿住蒼白病院嘅巨牆，
拖沓腳步似流放邊疆，
尋覓珍稀嘅陽光，扭動唇舌。
健康嘅天使，你知唔知狂熱?
絕美嘅天使，你知唔知咩係皺紋、
對變老嘅恐懼，同呢種酷刑
就係喺你一直用嚟止我渴嘅眼睛，
睇到你掩飾對獻身嘅痛恨?
絕美嘅天使，你知唔知咩係皺紋?
滿載快樂、愉悅同光明嘅天使，
大衛就死嗰陣希望
你歡快嘅身體嘅恩澤賜佢健康，
但我要嘅係你為我禱告，僅此而已。
滿載快樂、愉悅同光明嘅天使!
