翻譯:惡之華/前世

前世
作者：夏爾·皮耶·波德萊爾
譯者：木枚

本作品收錄於《Translation:惡之華》

我早就喺呢個大柱廊邊度日，
自海嚟嘅陽光幫佢染上千色，
佢嘅擘天柱，宏偉又筆直，
令柱廊喺夜晚好似玄武石室。

海浪淘盡蒼天之際，
壯麗又神秘噉亂纏
佢哋嘅盛樂全能嘅和弦，
同我雙眼反射嘅落日餘暉。

我係喺呢度嘅清歡沉浮，
置身一片碧藍，感受浪潮、光輝、
赤裸嘅奴役，統統都被氣味包圍。
佢哋用棕櫚葉輕撫我，叫我抖擻
折磨人嘅謎團削去我嘅心機，
佢哋嘅當務之急係令佢更迷離。