翻譯:惡之華/靈性嘅曙光
| ← | 告解 | 靈性嘅曙光 作者：夏爾·皮耶·波德萊爾 譯者：木枚 |
夜晚嘅諧和 |
|
偕同腐蝕嘅理型
然後臨到放蕩者嘅曙光白中帶紅。
靠怨怨相報嘅神秘法則作動，
天使喺昏昏欲睡嘅野獸中蘇醒。
地上嘅人仲發緊夢，浮沉苦海，
屬靈天國不可及嘅蒼蒼，
以深淵嘅魅惑為佢哋開敝，越發深廣。
於是親愛嘅女神，清澈純粹嘅存在，
喺愚蠢嘅狂歡後生煙嘅荒莽，
其上你嘅倩影最緋紅、迷人、清楚
不停喺我失焦嘅瞳孔前掠過。
太陽遮蓋蠟燭嘅火光，
耀眼嘅靈魂總係有得勝者嘅氣場，
你嘅魅影似足不滅嘅太陽!
