翻译:惡之華/整全

整全
作者：夏爾·皮耶·波德萊爾
譯者：木枚

本作品收錄於《Translation:惡之華》

魔鬼就喺今朝
嚟到我嘅高閣
想搵我毛病嚟挑，
話「有事想商榷，

令到佢叫人著迷
嘅美好事物者眾，
構成佢曼妙肉體
嘅紅黑物件當中，

邊一樣係最美好?」
我嘅靈魂啊，你噉答隻蟲蠹:
「佢內裡上下都係巖愛草
冇話邊樣可以偏好。

當一切令我歡喜，
對引誘我嘅嘢我唔顧盼。
佢耀眼似晨曦，
撫慰人心似夜晚。

佢曼妙肉體上纏繞
嘅諧和實在超卓，
以致要將記載佢身上各種協調
嘅任何分析都係薄弱。

千變萬化，道理不詳
我所有感官合一無兩，
佢嘅吐息奏出樂章，
就似佢聲線散發芳香。