农场相褒歌
| 农场相褒歌 作者：麦国安 1934年 |
上本[编辑]
玉珍汉书部发行 编歌寄留嘉义市 新富町目我住居 六之拾九煞广起 国安共恁说透枝 小弟原籍带新竹 市制施设未改町 南门外街我地省 厝带瓦治观音亭 发行嘉义西市内 玉珍贩卖印出来 望恁诸位罩绍介 代先广告报恁知 台湾农产第一等 甘蔗年冬好收成 文明发达农工省 着谅糖业行做前 台湾第一是农产 产业方面头一层 年收砂糖港千万 农家乐业真平安 建设制糖大会社 运搬蔗种五分车 农场奖励改良蔗 政府禁止人偷食 制糖会社设农场 苗圃甘蔗种归乡 甘蔗奖励设有赏 农会主任肴主张 每部农场有监督 男女做工真娱乐 工业时间照约束 工价开了介相当 甘蔗种了爱培股 落肥蔗叶确能黑 无工来做卜省步 来去外庄倩新劳 卜倩月仔甲工人 落肥明年好收冬 种作的人爱秧望 秧望一屈生四欉 侥幸小汉无父母 无兄无弟命恰须 孤子本身做户主 卜食三当加已匏 父母生咱不长用 家贫散赤孤不章 无本第一奥理想 失业个人足苦伤 乎倩记账不识字 做工又阁欠家施 不趁家内无柴米 身躯幷无半分钱 听着人块叫工人 广卜农场去做工 想卜去做惊人共 卜做工课归半冬 朋友相招去提定 娶咱去坐甘蔗车 想着一摆块磅壁 孤不二终亦着行 坐车一困到苗圃 时间𫔘好日半埔 蔗园干埔甲查某 女工派头格真苏 工头娶入工寮内 明日做工只出来 初到甲人无熟赛 暗块怨叹无人知 不觉日落来暗饭 倒落归冥想甲光 烦恼脚酸甲手软 工头来叫卜出门 手提脚巾穿タビ クワ一人夯丨枝 农场物件真四是 不免工人起相争 七点娶来落蔗园 时到男女着担当 归群工人化化损 干干我块心头酸 甘蔗二个培一股 日头曝甲面卜黑 不知做工只艰苦 汗流满面手黑涂 看君生成真皿送 一款不是做工人 巧神亲君生明笼 按盏伊亦来做工 举头看见巧妆嫂 生成秀气足偶刀 衫裤格穿即哖好 盖倒工场别个无 亲君力阮金金看 娘仔注神在心肝 性情不知生按盏 不知古意亦鲈鳗 想卜行瓦偷问嫂 惊乎人笑我痴哥 无问心肝足不好 抄烦扒腹卜如何 君仔想甲人失神 我娘心肝有认真 能得近瓦见哥面 相会谈言只有亲 心肝想娘一层代 念歌娘听着能知 双人那是有意爱 得确号头念过来 听君汝念娘知影 我娘此平紧出声 能得相会咱能命 再块通近娘亲兄 君仔行瓦偷问嫂 娘仔恁厝带治刀 汝着照实共君报 免乎君仔去寻无 娘仔听君汝块问 我娘带治隔壁庄 等待日暗那回返 请君来去娘家门 叫我恁厝去𣅄� 惊娘厝内有亲哥 代志人知着不好 时到汝我着花糕 听君汝说娘紧讲 我娘都亦未嫁尫 无人知影娘轻重 恨我却四不成人 无尫幷敢有相好 不敢共娘返家和 人那知影咱作错 能乎闲人打𣅄� 君仔敢去娘敢保 有事我娘保甲无 劝哥安心免烦恼 免惊我娘来害哥 惊娘负担未得起 时到反悔着恰迟 无胆个人恰惊死 不敢力虾乔鲤鱼 我娘得确无呆子 不信亲君去探听 时到确实能知影 不敢共君箭甲营 娘汝厝内外多人 乎娘农场来做工 敢无干埔罩相共 乎汝趁钱去商邦 阮厝一个亲老母 老爸早死瓦姊夫 大姊共阮带同厝 大家做追公家匏 实在有影成经济 骨力趁钱罩岸家 对人交接足好礼 工场取汝头一个 君仔汝带省地所 亦着共娘报对都 汝食几岁只娶某 家内得恰真肴湖 听着汝问喘大愧 乎我大嘴煞开开 生成老猿不成鬼 亦未娶某来做追 知君汝上肴假鬼 偏人无某通相随 君仔生成只哖水 我娘无尫上克亏 知汝生水人定见 此吗青春当少年 寻无一款只新鲜 对我不免肴假仙 乎汝呵老卜宰样 恶柴不敢假沉香 想卜嫁人做牵手 惊无好人共阮收 汝来无尫阮无某 月老摧迁只对都 娘汝那无想偏路 汝我罔来相蛤湖 恨阮生丑只却四 草地查某汝卜缠 才得汝看能合意 爸母生就难块移 欣善汝水真活动 汝煞提词草地人 亲成代志那愿放 汝我通来结成双 不是我娘无合意 只惊君仔汝不缠 那卜共阮趁柴米 我娘家内罔罩钳 娘仔那卜理家内 我卜趁钱提返来 汝我农场相意爱 有头有尾只合皆 汝我情意只哖好 免惊我娘先侥哥 娘身那是有做错 遂在哥仔汝伐落 汝咱爱情只哖好 免惊君仔代先侥 听娘汝广吾能晓 君身不敢说校梢 意赐那广那相瓦 双人对看心肝活 娘来卜嫁君卜娶 不免我娘守孤单 作甲十点宿一困 十分钟久宿食烟 一日二摆照时拵 监督行来前后巡 十分钟久遂时到 娶娘坐治树仔头 克亏作工透中罩 乎日曝甲汗那流 看君归身专是汗 我娘不甘在心肝 恨咱散赤卜按盏 即着受热甲受寒 是我个命无块广 来作农场受风霜 无家无伙足冤枉 可惜甲娘初相逢 十分钟久今都到 大家阁培甘蔗郊 十一点半宿中罩 娶娘食饭入内头 君仔娶我来工寮 食饭腹肚只未饫 初来相逢惊见少 贪君形体生清漂 点半时间落蔗园 一条蔗股隔中央 嘴来那广那做损 未须冬瓜泡冰糖 下埔广卜来落肥 燐酸扛扛做一追 西洋肥料免泼水 蔗股中央爱创开 运搬肥料来蔗园 麻袋内面底燐酸 我娘近瓦共哥问 元头中国亦红毛 一款西洋个肥料 对娘汝广无校梢 台湾五路知了了 现部此款当大消 外国简只着猴损 制造一款那白糖 落肥亲像那食饭 那无蔗尾能臭黄 燐酸下在亚铅桶 落肥蔗股爱开空 提在手内手那弄 轻要工课查某人 落肥二个作一股 头前野空是干埔 做甲一步又一步 肥落了后煞庵涂 硫安世了遂时嵌 却水来淹即能淡 农场工课照嵌渐 无水甘蔗未长蚶 一步硫安落二把 教咱不通落相加 𫔘好也落甘蔗下 君仔锄头罔那把 一股落了又一股 做甲五点日暗黑 监督份单叫开路 查某份了份干埔 我娘工单十八号 参拾五钱上偶刀 请君回返好不好 甲娘相娶返家和 娘仔卜返直直叫 君仔心肝真碍偶 卜去惊恁大姊笑 代志不知对倒着 君仔汝简只哖戆 那无见面未相当 阮个大姊未罔党 一生贤会介巧妆 汝广大姊真贤会 只敢共娘返家回 伴手的物阮煞买 不免乎人加笑衰 巧神我君免人教 甲娘心肝生相合 卜买伴手着恰早 日头未暗好行踏 来去饼店买カシ 一盒壹圆五拾钱 洋饼妆包介四是 盒仔有花表布墘 看君手提西洋饼 我娘共君相娶行 能得做追天注定 欢喜配着答心兄 我娘头前兄在后 相娶到娘厝脚兜 门口一只黑狼狗 力兄吠甲无越头 死犬亦未着犬症 无看主人行做前 娶君行入大厅顶 娘仔渐且入房宫 汝入房宫叫大姊 煞广乎伊块知机 因为咱卜做亲仪 妹婿通好见大姨 叫阮大姊看妹婿 入去通知遂时来 我恰失礼且等待 煞广乎阮老母知 入来大姊力咱看 小妹欢喜省因单 农场做工是按盏 有省代志在心肝 人阮亦无省乜代 姊妹参详合应皆 想卜自己撰尫婿 嘴年不敢说出来 问汝干干无爱广 乎我心肝强发煌 有省代志爱卜创 姊妹参详介相当 小妹未广代先笑 干干欢喜对倒着 人咱年岁食未小 打算卜嫁亦卜招 示大生咱二个人 父死我晟四五冬 嫁出亲成我不放 等我共汝撰亲尫 下集即卜结连理 甲娘寄留造同居 续落结婚个代志 紧共列位恁通知
下本[编辑]
王珍汉部发行 食大亲成着秤彩 不免贤撰等东西 普通面貌我着爱 小妹性情汝所知 惊汝配着不成人 即有延𬣡二三冬 想来算去不敢放 那不自己去撰尫 大姊志愿先发表 嘴甲广出无校梢 农场一个生巧妙 现部做工在工寮 汝那看了有到重 目周咱着爱认人 是汝终身个秧望 十分定栋咱即通 人才实在有影好 性情生了真平和 小妹现部𤆬返到 遂在大姊汝伐落 小妹汝那有意爱 通知母亲伊得知 赶紧𤆬入咱厝内 通乎老母去主裁 是大望汝罩赞成 小妹共汝呼代先 总广取人个心性 不免好额爱才情 好呆遂在汝打算 心肝爱着想恰长 叫伊入来我皆问 请伊渐坐在厅堂 现部坐治咱大厅 小妹招汝做阵行 来去皆问即知影 叫伊入来是不成 出来大厅举头看 大姊欢喜在心肝 失礼慢客无相伴 小妹煎茶栓茶盘 我娘捧茶出来请 先敬人客我亲兄 粗茶泡了有恰咸 不通气嫌捧去食 来到乎汝足好礼 阁请水仙泡种茶 敷岛个烟提来把 专工请我无别个 小妹乎汝真痛疼 实在有影肴做人 青年能知人轻重 感谢汝来罩相邦 无影汝阁肴奥老 令妹做人差不刀 煞工招我罩阵到 受伊好礼无奈何 有来吗即能熟赛 呆呆所在即能知 总是望汝罩感介 那无做工那有来 遂辨栓来食暗饭 呆呆带此隔下昏 时间即晏不通返 罕块几时到娘门 初到恁兜只奉待 汝箱使费不敢来 𤆬阮行入房间内 交椅杞棹两平排 𤆬君行入娘个房 惊热我娘先开窗 房间门篱无爱放 下昏共君结成双 君仔欢喜笑文文 第一答心娘对君 坐落共娘汝谈论 乎娘请茶甲请烟 别人亦无咱即好 尽情个话广甲无 谨栓眠床乎君倒 卜共亲君结尫婆 看甲今冥个情景 小娘待君足尽情 床内伴了真束静 上床蚊帐轩一平 君仔卜上眠床顶 我娘谅君做头前 房门皆闭恰坚定 只未乱着隔壁宫 娘仔真知人轻重 即免乱着隔壁房 巧妆娘仔生明笼 恰君心肝生相仝 我娘扒上眠床顶 乎君汝困在后平 今日汝兴我亦兴 双人代志只能成 今日汝爱我亦爱 娘有招君即有来 萍水相逢心色代 月老摧迁做一排 共君做追望君荫 少年青春最清心 手骨乎君汝做枕 一刻春宵值千金 广箱彻底我无爱 编歌免广众人知 一款算是风流代 惊人骂我辘下骸 五更侥幸只紧返 独身的人嫌冥长 大姊来块叫食饭 目未一尔天着光 娘仔落床捧面水 手巾提来做一追 煞栓乎君伊洗嘴 叫哥未起足古锥 昨暗乎汝真无荣 无宜娘仔醒代先 齿膏齿敏在棹顶 面水捧在床棹前 嘴洗了后面煞洗 叫娘瓦来接齿杯 礼数用去足成最 君仔戆戆未晓回 等君洗好捧去拼 面水泼在门口庭 请君食粥恰有影 无省菜色通请兄 栓甲四皿过一碗 渫仔肉腐甲肉干 棹顶排别足好看 娘仔一生介肴澜 此是共君汝换肚 乎君奥老卜如何 恨咱散赤恰艰苦 草地不敢比岛都 汝我清粥𫔘食饱 伐落收收入灶脚 七点时间亦真早 谅早出门好行踏 我娘头棕梳好世 问君卜创省乜个 通好通知咱阿姊 伊是内面块主家 想卜来去报户口 卜来寄留娘仔兜 今是有娘做家后 同居搬来做一头 那卜一款骂是好 未免我娘人笑无 阮卜共君做阵倒 路中通伴我亲哥 入内通知阮大姊 共君卜去造同居 户口卜创伊赐示 即免外口人尧疑 姊仔听了欢喜代 返到伐落随时来 汝是我的亲妹婿 搬搬归家合应皆 二人相𤆬就出门 来到君仔伊本庄 厝边头尾瓦来问 奥老娘仔生成物 椅棹家施成多只 君仔去倩货物车 亦有棹柜挂大镜 拜托厝边来罩夯 货物个车倩一顿 店号々做マル坤 甲我朋友永无论 车金皆送四圆银 搬了皆下伊束静 镜台棹柜下归平 擦仔皆吊在壁顶 山水伊有入像卿 来去衙门领抄本 一张禀钱二角银 代志创了只宿困 时间都免五十分 亲君紧去着紧返 不免我娘心头酸 户口系长那是问 广卜寄留娘家门 来到衙门户口系 管领抄本𫔘一个 近瓦共伊说详细 乎君拜托不敢提 看伊手来接禀稿 寻即轻快永是无 アリガト汝真好 サヨナラ来𣅄� 户口抄本领过手 乎娘汝去报寄留 呆呆汝咱罔成受 只免有头无尾鳅 提来皆问阮大姊 人伊广卜报同居 不知汝是省主意 家内是汝块依持 看伊都是正经人 卜报同居敢不通 是汝终身个秧望 打算敢未想呆空 那甲按哖卜盏样 遂在大姊恁主张 看伊都是能晓想 代志卜作爱收场 姊妹参详有一困 无来乎伊报结婚 大家做追永无论 乎伊加用淡薄银 那甲一款有同意 来去共伊小通知 代志有终就有始 乎伊加开多少钱 代志卜做尽一拵 叫君出所入结婚 尫某到此就安允 通好通知姊妹群 十姊八妹听一见 欢喜姊妹好佳期 众人包礼来贺喜 恭贺小妹配君儿 君仔心肝足欢喜 欣善得着好妻儿 通知朋友众兄弟 吩咐日师看吉时 日师看日𫔘廿七 八月十五上好日 月夜团圆奥块得 伐落共娘好亲成 今日结婚是大礼 吩咐员仔挨恰加 通卜来还众大家 十亲五戚数十个 结婚日止一的到 提礼来恰相争头 亦有半埔透中斗 专用现金包红包 提来礼数巢收起 篮仔紧皆戴红员 今日结婚的日止 放帖煞共伊通知 结婚日止一的到 点灯结彩在厅头 新娘巧妆成礼斗 子婿亲浅人缘投 旧式结婚的时代 鼓吹八音闹猜猜 亲成五十满厅内 奥老新郎好人才 同房花烛佳期夜 下昏开棹请亲成 棹顶荖花甲大饼 今日真正好名声 厅中排棹甲排椅 卜请人客正酉时 棹顶牙箸排落去 四面八枝银汤匙 排落凸柑甲瓜只 甘蔗芎蕉斗四渫 一坪肉枣甲虾箭 二皿皮旦甲猪舌 酒瓯排落足好看 棹边𫔘好八角皿 请恁坐位通举盏 各位坐位有盖单 吩咐总铺作恰紧 棹顶白鹤汗来藤 今日真正感谢恁 一来请恁二会亲 头碗出来是正燕 总铺肴煮即无烟 请恁列位着随便 趁烧来食不免𬣡 二碗出来加里鸡 礼数无教恰失培 粗粗物件无菜底 请恁阁用第二回 三碗出来冬菜鸭 此碗专无鸭头脚 粗俗物件食恰饱 烧酒大家饮恰干 四碗出来是鱼莿 有娇香孤甲肉丝 奉请列位来到止 好呆罔着食止饥 五碗出来是濑肚 有参松茸甲香孤 自恨总铺变无路 草地所在有恰粗 六碗出来是杏仁 普通作了有巧神 今日初回相见面 烧酒赶紧阁再藤 七碗出来是腰只 配合香孤鸡肉丝 阁来请用免细利 酒来那食那谈词 八碗出来用竖渫 中央一皿五柳枝 恭贺喜酒好代志 乎伊一胎生双生 九碗出来无菜底 一皿红烧五全鸡 事实巧妙足肴作 五尖着爱流返回 十碗出来是下水 清汤来食脾恰开 恭贺新娘丁财贵 福禄寿全行相随 十一出来八宝饭 两平二碗是清汤 先洗汤匙不免问 饭食了后配甜汤 十二出来清连只 一碗又阁是出甜 恭贺合婚两大姓 桂子兰孙团团圆 十三出来是虾仁 荷仁豆仁好食新 散筵通看新娘面 烧酒汗来阁再藤 十四杏仁作豆腐 用冰过冰未箱须 乎恁阁坐无外久 失礼吾恰短言词 十五出来是霜枣 霜甜配合卜偶刀 通人食了都奥老 亦有恰好永是无 十六尾出鸡蛋糕 尾碗食了大家无 此款正正汉席棹 大家只阁来𣅄�
农场相褒歌终