翻译:惡之華/死後嘅懊悔

死後嘅懊悔
作者：夏爾·皮耶·波德萊爾
譯者：木枚

本作品收錄於《Translation:惡之華》

我美麗嘅黑暗，當你他日
喺黑雲石造嘅碑深處瞓得深沉，
又當你只有個積水嘅墓穴同泥氹
去當做你嘅莊園同寢室，

當舊石壓住你受怕嘅胸膛
同被迷人嘅心不在焉軟化嘅脅腹，
壓抑你嘅心靈去跳動、意欲
同遏阻雙腳喺征途闖蕩。

墳墓係深明我嘅無限幻夢嘅知己，
(因為墳墓永遠都了解詩人)，
長夜漫漫，睡眠係禁忌，
你話「你呢個交際花中嘅瑕疵品，
唔明死人喊嘅原因對你有咩好處?」
似畀懊悔蠶蝕噉，你嘅皮畀蟲蛀。