翻译:恶之华/死后嘅懊悔

死后嘅懊悔
作者：夏尔·皮耶·波德莱尔
译者：木枚

本作品收录于《Translation:恶之华》

我美丽嘅黑暗，当你他日
喺黑云石造嘅碑深处瞓得深沉，
又当你只有个积水嘅墓穴同泥氹
去当做你嘅庄园同寝室，

当旧石压住你受怕嘅胸膛
同被迷人嘅心不在焉软化嘅胁腹，
压抑你嘅心灵去跳动、意欲
同遏阻双脚喺征途闯荡。

坟墓系深明我嘅无限幻梦嘅知己，
(因为坟墓永远都了解诗人)，
长夜漫漫，睡眠系禁忌，
你话“你呢个交际花中嘅瑕疵品，
唔明死人喊嘅原因对你有咩好处?”
似畀懊悔蚕蚀啖，你嘅皮畀虫蛀。