翻译:惡之華/聯繫

惡之華/聯繫
作者：夏爾·皮耶·波德萊爾
譯者：木枚

本作品收錄於《惡之華》

大自然嘅神殿，其生氣勃勃嘅柱梁，
有時會漏出幾句話，迷離晦暗。
人穿過意符嘅叢林，
畀叢林用似曾相識嘅眼神端詳。

香氣色彩聲響呼前應後，
恍如裊裊迴音，彼此交響
喺陰鬱而深邃嘅合唱，
茫茫如黑夜同白晝。

有啲香氣，清新如童子肉，
甜美如雙簧管、翠綠如草甸。
至於其他，就豐饒、歡快又腐濁，

好似琥珀、麝、安息、香線，
如無窮事物噉擴張無阻，
歌頌靈魂同感官嘅穿梭。