翻译:恶之华/联系

恶之华/联系
作者：夏尔·皮耶·波德莱尔
译者：木枚

本作品收录于《恶之华》

大自然嘅神殿，其生气勃勃嘅柱梁，
有时会漏出几句话，迷离晦暗。
人穿过意符嘅丛林，
畀丛林用似曾相识嘅眼神端详。

香气色彩声响呼前应后，
恍如袅袅回音，彼此交响
喺阴郁而深邃嘅合唱，
茫茫如黑夜同白昼。

有啲香气，清新如童子肉，
甜美如双簧管、翠绿如草甸。
至于其他，就丰饶、欢快又腐浊，

好似琥珀、麝、安息、香线，
如无穷事物啖扩张无阻，
歌颂灵魂同感官嘅穿梭。