翻译:惡之華/貓頭鷹

貓頭鷹
作者：夏爾·皮耶·波德萊爾
譯者：木枚

本作品收錄於《Translation:惡之華》

成排貓頭鷹都棲身
喺陰暗紫杉嘅庇蔭，
綻放紅眼，思考得深沉，
況似外邦諸神。

佢哋繼續紋風不動
直到憂鬱嘅時分:
當黑暗要斜陽退隱，
再喺世上建立體統。

佢哋嘅態度教曉智者
見到咩要退避三舍:
世上嘅動蕩同漂泊。

有個人迷醉於掠影，
佢永遠承托
想去他方嘅報應。