翻译:恶之华/猫头鹰

猫头鹰
作者：夏尔·皮耶·波德莱尔
译者：木枚

本作品收录于《Translation:恶之华》

成排猫头鹰都栖身
喺阴暗紫杉嘅庇荫，
绽放红眼，思考得深沉，
况似外邦诸神。

佢哋继续纹风不动
直到忧郁嘅时分:
当黑暗要斜阳退隐，
再喺世上建立体统。

佢哋嘅态度教晓智者
见到咩要退避三舍:
世上嘅动荡同漂泊。

有个人迷醉于掠影，
佢永远承托
想去他方嘅报应。