翻译:惡之華/隱士之酒
| ← | 殺手之酒 | 隱士之酒 作者：夏爾·皮耶·波德萊爾 譯者：木枚 |
情侶之酒 |
|
綺麗女士嘅獨特目光
似白光流眄到我哋身上，
傳到湖上漣漪，就借蕩漾嘅月亮，
當佢想喺度浸潤自己隨心嘅華芳；
賭客指間最後一袋錢幣；
瘦削嘅阿德蓮親吻之任性；
音樂嫵媚嘅靡靡之聲
彷似出於人間痛苦嘅遠處哭啼，
深奧嘅酒樽啊，呢度所有嘢都
低賤過你肥肚入邊穿透嘅藥膏，
佢由你為虔誠詩人嘅爛心保管好，
你為佢傾注希望、青春，同生機
——仲有傲慢呢個萬惡中嘅珍奇，
令我哋雄糾氣昂，要同上帝試比高！
