翻译:恶之华/隐士之酒
| ← | 杀手之酒 | 隐士之酒 作者：夏尔·皮耶·波德莱尔 译者：木枚 |
情侣之酒 |
|
绮丽女士嘅独特目光
似白光流眄到我哋身上，
传到湖上涟漪，就借荡漾嘅月亮，
当佢想喺度浸润自己随心嘅华芳；
赌客指间最后一袋钱币；
瘦削嘅阿德莲亲吻之任性；
音乐妩媚嘅靡靡之声
彷似出于人间痛苦嘅远处哭啼，
深奥嘅酒樽啊，呢度所有嘢都
低贱过你肥肚入边穿透嘅药膏，
佢由你为虔诚诗人嘅烂心保管好，
你为佢倾注希望、青春，同生机
——仲有傲慢呢个万恶中嘅珍奇，
令我哋雄纠气昂，要同上帝试比高！
