翻译:恶之华/忧郁(我就似......)

忧郁(我就似......)
作者：夏尔·皮耶·波德莱尔
译者：木枚

本作品收录于《Translation:恶之华》

我就似多雨国度嘅王，有巨富坐拥，
但系身体羸弱、年轻同时老态龙钟，
佢鄙夷导师嘅阿谀奉承，
畀走狗同其他禽兽扫兴。
冇嘢取悦到佢，打猎、放鹰、
定系死喺佢居所面前嘅百姓。
得宠嘅弄臣所写嘅伟大歌谣，
都冇得令有病暴君眉开眼笑。
佢嘅鸢尾花装饰嘅龙床化为坟墓，
侍女眼中，所有王子都相貌姣好，
于是唔再识得用失礼嘅打扮，
去搏取呢副年轻白骨嘅笑颜。
术士用黄金嚟制造佢，
难喺其中将杂质抽取，
从罗马时代流传嘅血泊，
被众强者借嚟回忆昔昨，
而佢喺血泊，无法将麻木尸体温烫。
其体内遗忘河嘅绿水取代血液流淌。