翻譯:惡之華/憂鬱(我就似......)

憂鬱(我就似......)
作者：夏爾·皮耶·波德萊爾
譯者：木枚

本作品收錄於《Translation:惡之華》

我就似多雨國度嘅王，有巨富坐擁，
但係身體羸弱、年輕同時老態龍鍾，
佢鄙夷導師嘅阿諛奉承，
畀走狗同其他禽獸掃興。
冇嘢取悅到佢，打獵、放鷹、
定係死喺佢居所面前嘅百姓。
得寵嘅弄臣所寫嘅偉大歌謠，
都冇得令有病暴君眉開眼笑。
佢嘅鳶尾花裝飾嘅龍床化為墳墓，
侍女眼中，所有王子都相貌姣好，
於是唔再識得用失禮嘅打扮，
去搏取呢副年輕白骨嘅笑顏。
術士用黃金嚟製造佢，
難喺其中將雜質抽取，
從羅馬時代流傳嘅血泊，
被眾強者借嚟回憶昔昨，
而佢喺血泊，無法將麻木屍體溫燙。
其體內遺忘河嘅綠水取代血液流淌。