翻译:恶之华/病咗嘅缪思

病咗嘅缪思
作者：夏尔·皮耶·波德莱尔
译者：木枚

本作品收录于《Translation:恶之华》

我阴公嘅缪思，你今日发生咩事?
你双目凹陷，满眼夜色幻景，
你嘅面色已经若有所指:
疯癫、惊栗、冷漠、默静。

青色嘅魅魔同粉色嘅妖精，
有冇喺瓮度斟出恐惧同爱情?
梦魇嘅铁拳不羁又好霸凌，
有冇将你浸入虚构嘅绝境?

愿你朝气长照耀，
胸怀壮志不自聊，
你嘅圣血带节律汩汩流淌，
如古文嘅声韵多变而郎郎。
阿波罗叫初音响亮，五榖由潘执掌，
双双你方唱罢我登场。