翻譯:惡之華/病咗嘅繆思

病咗嘅繆思
作者：夏爾·皮耶·波德萊爾
譯者：木枚

本作品收錄於《Translation:惡之華》

我陰公嘅繆思，你今日發生咩事?
你雙目凹陷，滿眼夜色幻景，
你嘅面色已經若有所指:
瘋癲、驚慄、冷漠、默靜。

青色嘅魅魔同粉色嘅妖精，
有冇喺甕度斟出恐懼同愛情?
夢魘嘅鐵拳不羈又好霸凌，
有冇將你浸入虛構嘅絕境?

願你朝氣長照耀，
胸懷壯志不自聊，
你嘅聖血帶節律汩汩流淌，
如古文嘅聲韻多變而郎郎。
阿波羅叫初音響亮，五榖由潘執掌，
雙雙你方唱罷我登場。