翻译:恶之华/穷人之死
| ← | 情侣之死 | 穷人之死 作者：夏尔·皮耶·波德莱尔 译者：木枚 |
艺术家之死 |
|
死亡先够解慰，唉呀！佢带嚟生机；
佢都系生命嘅目标，如妙药灵丹，
系令我哋飞升同迷醉嘅唯一希冀，
亦畀我哋斗志走向夜晚
从风暴、冰雪、冷霜穿去，
系喺我哋黑暗地平线嘅震颤光辉，
系喺铭刻书上嘅著名逆旅，
先至可以饮食、入睡，同坐低；
有只天使，佢具吸引力嘅手指
掌握住睡眠同狂喜幻梦嘅赏赐，
重铺穷困同赤裸者嘅床；
呢个系上帝嘅荣耀，神秘嘅楼阁，
系穷人嘅馈赠，久远嘅祖国，
亦系未知嘅天空上开敞嘅柱廊！
