翻譯:惡之華/窮人之死
| ← | 情侶之死 | 窮人之死 作者：夏爾·皮耶·波德萊爾 譯者：木枚 |
藝術家之死 |
|
死亡先夠解慰，唉呀！佢帶嚟生機；
佢都係生命嘅目標，如妙藥靈丹，
係令我哋飛昇同迷醉嘅唯一希冀，
亦畀我哋鬥志走向夜晚
從風暴、冰雪、冷霜穿去，
係喺我哋黑暗地平線嘅震顫光輝，
係喺銘刻書上嘅著名逆旅，
先至可以飲食、入睡，同坐低；
有隻天使，佢具吸引力嘅手指
掌握住睡眠同狂喜幻夢嘅賞賜，
重鋪窮困同赤裸者嘅床；
呢個係上帝嘅榮耀，神秘嘅樓閣，
係窮人嘅饋贈，久遠嘅祖國，
亦係未知嘅天空上開敞嘅柱廊！
