翻譯:惡之華/月光之哀

月光之哀
作者：夏爾·皮耶·波德萊爾
譯者：木枚

本作品收錄於《Translation:惡之華》

今夜月亮越發慵懶噉入夢，
似個美人喺眾多軟墊上面，
以漫不經心嘅手巧弄
佢胸脯周圍，喺入睡之前。

喺溫柔嘅雪崩絲滑嘅後背，
半死不活，佢委身於漫長嘅昏厥，
視界順住雪白嘅景象巡迴
雪白以繁花盛放噉向藍天直奪。

當有時喺天底下，佢身心靡頹，
流下一滴隱秘嘅淚
虔誠嘅詩人，係睡眠嘅宿敵

呢滴蒼白嘅淚向佢手上嘅凹陷滴落，
似蛋白石嘅碎片色彩斑駁，
收埋佢喺心，叫太陽之眼無處可覓。