翻譯:惡之華/有晚我喺個受驚嘅猶太女人隔籬

有晚我喺個受驚嘅猶太女人隔籬
作者：夏爾·皮耶·波德萊爾
譯者：木枚

本作品收錄於《Translation:惡之華》

有晚我喺個受驚嘅猶太女人隔籬，
同兩條屍癱咗喺度相差無幾，
喺賣出咗嘅肉體旁，我開始諗起
我慾望所捨棄嘅淒美。

我想像佢與生俱來嘅雌威、
凌厲嘅眼神、一身嘅光輝、
仲有秀髮，佢化為芬芳嘅頭盔，
係諗起都重燃我對愛嘅癡迷。

因為我狂熱噉錫你高貴嘅肉體，
自你清新嘅腳，到黑髮嘅辮，
被我將深情撫摸嘅寶藏開展。

某晚，如果你有輕彈嘅淚涕，
殘暴者嘅女王啊，藉助其力
只夠令你冷漠瞳孔嘅光彩失色。