翻译:惡之華/致殖民地嘅某女士

致殖民地嘅某女士
作者：夏爾·皮耶·波德萊爾
譯者：木枚

本作品收錄於《Translation:惡之華》

喺有陽光撫摸嘅香甜國度，
樹木嘅華蓋已變得姹紫，
慵懶自棕櫚樹降落眼部，
我識咗位滄海遺珠嘅殖民地女士。

佢面容蒼白，好行魅妖，
膚色如栗，頸項動靜矯揉得尊爵，
行路如獵手，高挑又苗條，
笑靨安寧，眼神沉著。

女士，如果你去到真實嘅榮耀國度，
塞納河或翠綠盧華爾河邊嘅路
景色靚到應該用嚟裝飾古典莊園，

你喺納涼處嘅陰翳，
雙大眼令詩人個心仲聽話過奴隸，
再叫佢心中嘅十四行詩百子千孫。