翻译:恶之华/自戕之人

自戕之人
作者：夏尔·皮耶·波德莱尔
译者：木枚

本作品收录于《Translation:恶之华》

给 J.G.F.
我会打你，不带怒焰，
不带仇恨，似屠者，
似摩西将石头大卸，
我会令你眼睑

喷出痛苦嘅水
去灌溉我嘅撒哈拉，
我嘅欲望因希望而胀大，
喺你咸咸泪水游嚟游去，

似只船准备开赴，
喺我会畀佢哋迷醉嘅心，
有你矜贵嘅啜泣回音，
似奏行进曲嘅鼓!

多得反讽够贪心，
佢解救我又食我嘅肉，
啖我仲唔系神圣交响曲
入边嘅不协和音?

个泼妇身处喺我声线!
只黑毒液都系我血嘅成果!
我系一块畀癫婆
用嚟照嘅邪恶镜面。

我系伤口亦系剑钩!
我系吐息又系面目!
我系四肢又系车辘，
系牺牲者又系刽子手!

我系我内心嘅吸血鬼，
—亦系其中一个被遗弃喺
命定嘅大笑直到永世，
但要再微笑却力有不逮。